News
IND vs WI 4th T20I మ్యాచ్ ఈరోజే.. గెలిస్తే సిరీస్ మనదే – west indies vs india 4th t20i match preview
India vs West Indies 4th T20I మ్యాచ్‌కి ప్లోరిడా ఆతిథ్యం ఇవ్వబోతోంది. ఆ స్టేడియంలో టీమిండియాకి చెప్పుకోదగిన రికార్డులేమీ లేవు. కానీ.. సిరీస్‌లో ఆధిక్యంలో ఉండటం ఇప్పుడు ఊరటనిచ్చే విషయం.
ప్రధానాంశాలు:
- ఈరోజే భారత్, వెస్టిండీస్ మధ్య నాలుగో టీ20
- మ్యాచ్‌కి ప్లోరిడా ఆతిథ్యం
- ఇప్పటికే సిరీస్‌లో 2-1తో ఆధిక్యంలో భారత్
- ప్లోరిడాలో భారత్‌కి పేలవ రికార్డ్
చాలా రోజుల తర్వాత టీ20 మ్యాచ్‌కి ప్లోరిడా (యుఎస్ స్టేట్‌) ఆతిథ్యం ఇవ్వబోతోంది. 2016లో భారత్, వెస్టిండీస్ మధ్య అక్కడ రెండు టీ20లు జరగగా.. తొలి మ్యాచ్‌లో వెస్టిండీస్ ఒక పరుగు తేడాతో గెలిచింది. రెండో టీ20 మ్యాచ్ వర్షం కారణంగా రద్దయ్యింది. నాలుగో టీ20 ముంగిట వీసా సమస్య కారణంగా భారత క్రికెటర్లతో పాటు కొంత మంది వెస్టిండీస్ ప్లేయర్లు కూడా ఆలస్యంగా ప్లోరిడాకి చేరుకున్నారు. దాంతో.. రెండు జట్లకీ తగినంత ప్రాక్టీస్ లభించలేదు.
ఇటీవల ముగిసిన మూడు వన్డేల సిరీస్‌ని 3-0తో భారత్ జట్టు స్వీప్ చేసేసింది. ఆ తర్వాత తొలి టీ20లో భారత్ 68 పరుగుల తేడాతో విజయం సాధించగా.. రెండో టీ20లో 5 వికెట్ల తేడాతో వెస్టిండీస్ గెలిచింది. కానీ.. మళ్లీ మూడో టీ20లో 7 వికెట్ల తేడాతో గెలిచిన టీమిండియా.. సిరీస్‌లో పుంజుకుంది.
Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
Web Title : Telugu News from Samayam Telugu, TIL Network
