News

ind vs pak asia cup, Virat Kohli నువ్వంటే బౌలర్లకి ఇప్పుడు భయం లేదు: ఆకాశ్ చోప్రా – virat kohli has lost his aura of invincibility and doesn’t instill same fear in bowlers’ minds – aakash chopra


IND vs PAK Asia Cup ముంగిట విరాట్ కోహ్లీకి కొంత మంది మాజీ క్రికెటర్లు సపోర్ట్‌గా నిలుస్తుంటే మరికొందరు రెచ్చగొట్టే ప్రయత్నం చేస్తున్నారు. మూడేళ్ల నుంచి శతకం కోసం నిరీక్షిస్తున్న కోహ్లీ..?

 

భారత్ vs పాకిస్థాన్ మ్యాచ్ (Pic Source: Twitter)

ప్రధానాంశాలు:

  • పేలవ ఫామ్‌తో ఇటీవల నిరాశపరిచిన కోహ్లీ
  • సెంచరీ కోసం మూడేళ్ల నుంచి నిరీక్షణ
  • భారత్, పాకిస్థాన్ మధ్య ఆదివారం మ్యాచ్
  • కోహ్లీ అంటే బౌలర్లకి భయం లేదన్న చోప్రా
భారత మాజీ కెప్టెన్ విరాట్ కోహ్లీ అంటే బౌలర్లకి ఇప్పుడు భయం పోయిందని మాజీ క్రికెటర్ ఆకాశ్ చోప్రా జోస్యం చెప్పాడు. మూడేళ్ల నుంచి సెంచరీ కోసం నిరీక్షిస్తున్న విరాట్ కోహ్లీ ఇటీవల ఫామ్ కోల్పోయి గత ఐదు వారాల నుంచి ఆటకి దూరంగా ఉండిపోయాడు. అయితే.. యూఏఈ వేదికగా శనివారం నుంచి ఆసియా కప్ ప్రారంభంకానుంది. దాంతో భారత్ జట్టులోకి రీఎంట్రీ ఇవ్వబోతున్న విరాట్ కోహ్లీ.. మునుపటిలా సత్తాచాటాలని అభిమానులు ఆశిస్తున్నారు. కానీ.. కోహ్లీ అంటే గతంలోలా బౌలర్లు ఇప్పుడు భయపడటం లేదని ఆకాశ్ చోప్రా చెప్పుకొచ్చాడు.

‘‘విరాట్ కోహ్లీ క్లాస్ బ్యాటింగ్, స్కిల్స్‌పై ఇప్పటికీ ఎవరికీ సందేహాల్లేవు. ఒకవేళ అంతర్జాతీయ క్రికెట్‌లో ఇకపై విరాట్ కోహ్లీ ఒక్క పరుగు కూడా చేయకపోయినా.. క్రికెట్‌లో అతను గొప్ప ఆటగాడిగానే నిలిచిపోతాడు. ఎందుకంటే విరాట్ కోహ్లీ మూడు ఫార్మాట్లలోనూ కనబర్చిన ఆధిపత్యం అలాంటిది. అందరికీ అది సాధ్యం కాదు. కానీ విరాట్ కోహ్లీ చేతిలో మంత్రదండంలా ఇన్నాళ్లు పనిచేసిన బ్యాట్ ప్రస్తుతం బంతుల్ని హిట్ చేయలేకపోతోంది. దాంతో.. ప్రత్యర్థి టీమ్ బౌలర్లకి కూడా విరాట్ కోహ్లీ అంటే మునుపటిలా ఇప్పుడు భయం లేదు’’ అని ఆకాశ్ చోప్రా వెల్లడించాడు.

ఈ ఏడాది 8 వన్డేలాడిన విరాట్ కోహ్లీ 175 పరుగులు మాత్రమే చేయగలిగాడు. అలానే ఆడిన 4 టెస్టుల్లో 31.42 సగటుతో 220 పరుగులే చేసిన విరాట్ కోహ్లీ.. 4 టీ20ల్లో కేవలం 81 పరుగులే చేశాడు. దానికితోడు 2019, నవంబరు నుంచి అతను ఒక్క సెంచరీ చేయలేకపోతున్నాడు. దాంతో ఇప్పుడు కోహ్లీపై ఒత్తిడి పతాక స్థాయిలో ఉంది.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network

Related Articles

Back to top button