News

Inaya Sultana, Rohit Sahni: బోరు బోరున ఏడ్చిన రోహిత్.. కెప్టెన్ కావడం కోసం ఇనయ వెన్నుపోటు.. బ్రో అంటూ నమ్మించి పొడిచింది పోటు – inaya sultana cheated on rohit and became the captain of the bigg boss house


ఇనయ ఎట్టకేలకు బిగ్ బాస్ హౌస్‌కి కెప్టెన్ అయ్యింది.. మగాళ్లతో పోరాడి.. ఆడపులిలా ఆటాడి.. బాల్‌ని వేటాడి చివరికి ఆటలో గెలిచి బిగ్ బాస్ హౌస్‌కి ఈ సీజన్‌లో చివరి కెప్టెన్ అయ్యింది. అంతా బాగానే ఉంది కానీ.. రోహిత్‌ని నమ్మించి మోసం చేసి ఆమె కెప్టెన్ అయిన తీరుని మాత్రం బిగ్ బాస్ చూపించకపోవడం దారుణం.

నిజానికి ఈవారం కెప్టెన్సీ టాస్క్ చాలా టఫ్. ఒక్కొక్కరికీ పులుసు కారిపోయింది. ముఖ్యంగా అమ్మాయిలకి. అబ్బాయిలు అయితే అమ్మాయిల్ని ఫుడ్ బాల్ ఆడేశారు. బాల్‌ని లాక్కుని ప్రాసెస్‌లో వాళ్లని కిందపడేసి.. ఎక్కడపడితే అక్కడ పట్టుకుని లాగేసి.. తోసేసి ఇష్టం వచ్చినట్టు చేశారు. ఆడపిల్లలు ఉన్నారని చూడకుండా ఇలాంటి పనికిమాలిన టాస్క్ ఇచ్చిన బిగ్ బాస్‌ని తిట్టాలి కానీ.. గెలవాలని ఆడిన వీళ్లని ఏమీ అనలేం.

అయితే ఈ టాస్క్‌లో అబ్బాయిలో అమ్మాయిలు పోటీపడిన తీరు అద్భుతం. చివరి రౌండ్‌‌లో ఆదిరెడ్డితో శ్రీసత్య, ఇనయ, కీర్తిలు పోరాటపటిమను అభినందించాల్సిందే. ఏది ఏమైనా సరే గెలవాల్సిందే అన్నట్టుగా ఆడారు. కిందపడినా.. మీద పడినా.. ఎవడు ఎక్కడ పట్టుకున్నా ఏం చేసినా.. ఆటలో గెలవడమే ముఖ్యం అన్నట్టుగా ఆటాడారు. ముగ్గురు చిరుతల్లా పోరాడి.. చివరికి ఆదిరెడ్డిని ఆట నుంచి తప్పించారు. ఆ తరువాత ఇనయ పోరాటం ముందు.. కీర్తి, శ్రీసత్యలు తేలిపోవడంతో చివరికి ఈ టాస్క్‌లో ఇనయ గెలిచి.. బిగ్ బాస్ హౌస్‌కి కెప్టెన్ అయ్యింది.

ఇక్కడవరకూ అంతా బాగానే ఉంది కానీ.. ఇనయ పోరాడిన తీరుని తప్పు పట్టలేం. ఫిజికల్ టాస్క్‌ అనేసరికి ఇనయ ప్రాణం పెట్టి ఆడుతుంది. అయినప్పటికీ ఇప్పటివరకూ ఆమె కెప్టెన్ కాలేకపోవడం ఈ టాస్క్ చాలా కసిగా ఆడింది. అయితే రోహిత్‌ని తొక్కి ఆమె కెప్టెన్ చైర్ ఎక్కడమే సరైన పద్దతి కాదనిపించింది.

టాస్క్‌ జరిగే టైంలో రోహిత్-ఇనయ ఒక డీల్ కుదుర్చుకున్నారు. అన్నా నీకు బాల్ వస్తే నన్ను డిస్ క్వాలిఫై చేయొద్దని. ఆ డీల్‌లో భాగంగానే రోహిత్ దగ్గరకు బాల్ వచ్చినప్పుడు.. రేవంత్‌ని డిస్ క్వాలిఫై చేశాడు. కానీ ఇనయ దగ్గరకు బాల్ వచ్చేసరికి రోహిత్‌ని డిస్ క్వాలిఫై చేసింది. ఇప్పటి వరకూ హౌస్‌లో అందరూ కెప్టెన్ అయ్యారు.. కానీ నేను రోహిత్ కాలేదు. కాబట్టి.. నేను రోహిత్‌ని తప్పించాలని అనుకుంటున్నాను.. ఎందుకంటే నేను కెప్టెన్ కావాలని అనుకుంటున్నాను’ అని చెప్పి రోహిత్‌ని డిస్ క్వాలిఫై చేసేసరికి.. రోహిత్ ఒక్కసారిగా ఏం జరుగుతుందో అర్ధం కాలేదు.

ఇనయని నమ్మాను.. కానీ ఆమె నన్ను డిస్ క్వాలిఫై చేసిన నమ్మక ద్రోహాన్ని తట్టుకోలేక.. రోహిత్ బోరున ఏడ్చాడు. తన భార్య హౌస్‌లో నుంచి వెళ్లిపోయినప్పుడు కూడా రోహిత్ ఇంతలా బాధపడలేదు కానీ.. ఇనయ చేసిన పనికి తట్టుకోలేకపోయాడు రోహిత్. నో యార్.. అంటూ కిందపడి మరీ ఏడ్చాడు రోహిత్. ఇప్పటి వరకూ రోహిత్ హౌస్‌లో ఏడ్చింది చాలా తక్కువ. ఎంత బాధ వచ్చినా సరే తట్టుకుని నిలబడ్డాడు. కెమెరా ఫుటేజ్ కోసం దొంగ ఏడుపులు ఏడ్చింది లేదు. కానీ ఇనయ చేసిన పనికి ఒక్కసారి రోహిత్ కుప్పకూలిపోయాడు.

ఇనయ దగ్గర బాల్ ఉన్నప్పుడు తీసుకోవడానికి ట్రై చూడా చేయలేదు.. స్లిప్ అయినా కూడా తీసుకోలేదు.. తను కూడా కెప్టెన్ కాలేదు కదా.. వదిలేద్దా అనుకున్నా.. నేను బాల్ పట్టుకున్నప్పుడు నా పేరు చెప్పొద్దని అడిగింది.. నేను అందుకే ఆమెను డిస్ క్వాలిఫై చేయలేదు కానీ ఆమె నన్ను దెబ్బకొట్టింది అని రేవంత్, రాజ్‌ల దగ్గర చెప్పి బాధపడ్డాడు రోహిత్.

కానీ.. తనని దొంగదెబ్బ కొట్టినాసరే.. ఇనయ కెప్టెన్ కాగానే వెళ్లి అభినందించి.. తన మంచి మనసుని మరోసారి చూపించాడు రోహిత్. అతని ప్లేస్‌లో వేరే వాళ్లు ఉంటే రచ్చ రచ్ చేసేవారు. కానీ రోహిత్ మాత్రం.. ఒక్క మాట కూడా మాట్లాడకుండా సైలెంట్ అయిపోయి.. అది తన వ్యక్తిత్వం కాదని మరోసారి చెప్పాడు. విచిత్రం ఏంటంటే.. వీళ్ల మధ్య జరిగిన డీల్‌ని కూడా టెలికాస్ట్ అయిన ఎపిసోడ్‌లో లేపేశారు. అది కనుకు చూపించి ఉంటే.. ఇనయని పిచ్చ తిట్లు తిట్టేవారు.. రోహిత్‌కి ఫుల్ సింపథీ వచ్చేది.

రోహిత్‌కి సింపథీ వస్తే అతనికి ఓట్లు పడతాయి.. సో ఈవారం రోహిత్‌కి ఎర్త్ పెట్టాలని బిగ్ బాస్ ముందే ఫిక్స్ అయ్యారేమో కానీ.. అసలు అతనికి స్క్రీన్ స్పేస్ ఇవ్వకుండా.. అతనికి పాజిటివ్ అయ్యేవన్నీ ఎడిటింగ్‌లో లేపేసి.. ఎవర్నైతే కాపాడాలని అనుకుంటున్నారో వాళ్లకి సంబంధించి పాజిటివ్ ఫుటేజ్‌ని ఎక్కువగా చూపిస్తున్నారు. దీన్ని బట్టి చూస్తే రోహిత్ విషయంలో బిగ్ బాస్ పక్షపాతంగా వ్యవహరిస్తున్నట్టుగానే ఉంది. రోహిత్ టాప్ 5కి రాకుండా ముందే ఇంటికి పంపించే ప్రయత్నంలో భాగంగానే చీప్ ట్రిక్స్ ప్లే చేస్తున్నట్టు నేటి ఎపిసోడ్‌తో హింట్ ఇచ్చేశారు.

Advertisement

ఇది పక్షపాత కాకపోతే ఏంటి బిగ్ బాస్?? పనికిమాలిన సొల్లు ఏడ్పులు.. ఫుటేజ్ కోసం ఏడ్చే దొంగ ఏడ్పులను ప్రోమోలలో సైతం వేసి.. వాటికి ఓ ఎమోషనల్ సాంగ్ వేసి.. ఏదో దేశ సరిహద్దుల్లో కాపుకాస్తున్న వీరజవాన్లను చూపిస్తున్నట్టుగా హైప్ ఇస్తారు. కానీ రియల్ ఎమోషన్స్‌తో ఏడ్చిన రోహిత్ కన్నీళ్లు మాత్రం బిగ్ బాస్‌కి కనిపించలేదు. అంతేలే దొంగ ఏడ్పులకు అలవాటు పడ్డ గబ్బు బాస్‌కి రియల్ ఎమోషన్స్ ఏం కనిపిస్తాయిలే.. అందుకే రోహిత్ ప్రోమోలోనూ కనిపించలేదు.. ఫుటేజ్‌లోనూ కనిపించలేదు. మొత్తానికి అయితే బిగ్ బాస్ ఆట అనేది గబ్బుగాళ్లకి తప్పితే.. రోహిత్ లాంటి రియల్ ఫైటర్స్‌కి కాదని మరోసారి నిరూపితం అయ్యింది. ఇలాంటి గబ్బు గేమ్‌లో రోహిత్ లాంటి ఫ్యూర్ సోల్ ఉన్న రియల్ పర్సన్ వెళ్లడమే మిస్టేక్.. బురద అంటింది కాబట్టి.. తుడుచుకోకతప్పదు.

Related Articles

Back to top button