News

icc odi rankings, వన్డేల్లో అగ్రస్థానానికి భారత్.. ఇప్పటికే టీ20ల్లో నంబర్ 1, టెస్టుల్లోనూ ‘టాప్’లోకి వెళ్లొచ్చిలా..! – india becomes number one odi team in the world after beating new zealand by 3-0


న్యూజిలాండ్‌తో జరిగిన వన్డే సిరీస్‌లో భారత్ 3-0 తేడాతో ఘన విజయం సాధించింది. ఈ ఏడాది ఆరంభంలో శ్రీలంకను సైతం అదే మార్జిన్‌తో ఓడించిన టీమిండియా.. వరుసగా రెండు సిరీస్ క్లీన్‌స్వీప్‌లతో వన్డేల్లో అగ్రస్థానానికి చేరుకుంది. కివీస్‌పై మూడో వన్డేలో భారత్ గెలవగానే.. ‘ఇండియా.. నంబర్ వన్ ర్యాంక్డ్ వన్డే టీం’ అంటూ ట్విట్టర్ వేదికగా ఐసీసీ అధికారికంగా ప్రకటించింది. భారత్ చేతిలో కివీస్ రెండో వన్డేలోనూ ఓడిన తర్వాత ఇంగ్లాండ్ అగ్రస్థానానికి చేరుకుంది. కానీ మూడో వన్డేలో ఇంగ్లాండ్‌ను ఓడించిన రోహిత్ సేన నంబర్ వన్ పొజిషన్‌ను సొంతం చేసుకుంది. భారత్ చేతిలో వరుసగా మూడు మ్యాచ్‌ల్లో ఓడిన కివీస్ నాలుగో స్థానానికి పడిపోయింది.

ప్రస్తుతం భారత్ ఖాతాలో 114 రేటింగ్ పాయింట్లు ఉండగా.. రెండో స్థానంలో ఉన్న ఇంగ్లాండ్ ఖాతాలో 113 రేటింగ్ పాయింట్లు ఉన్నాయి. 112 రేటింగ్ పాయింట్లతో ఆస్ట్రేలియా మూడో స్థానానికి చేరుకోగా.. కివీస్ 111 పాయింట్లతో నాలుగో స్థానానికి పడిపోయింది. త్వరలోనే సౌతాఫ్రికాతో ఇంగ్లాండ్ మూడు వన్డేల సిరీస్ ఆడనుంది. ఈ సిరీస్‌ను క్లీన్‌స్వీప్ చేయగిలిగితే.. ఇంగ్లిష్ జట్టు భారత్‌ను వెనక్కి నెట్టి వన్డేల్లో అగ్రస్థానానికి చేరుకుంటుంది.
టీమిండియా ఇప్పటికే టీ20ల్లోనూ అగ్రస్థానంలో ఉంది. టెస్టుల్లోనూ నంబర్ వన్ పొజిషన్‌కు చేరితే.. ఏక కాలంలో మూడు ఫార్మాట్లలో అగ్రస్థానంలో ఉండే అవకాశం లభిస్తుంది. రోహిత్ సేన లాంగ్ ఫార్మాట్లోనూ అగ్రస్థానానికి చేరుకోవాలంటే.. ఫిబ్రవరి 9న ప్రారంభం కానున్న బోర్డర్ గావస్కర్ ట్రోఫీలో ఆస్ట్రేలియాపై 2-0 తేడాతో విజయం సాధించాల్సి ఉంటుంది. ఒకవేళ నాలుగు టెస్టుల సిరీస్‌లో ఆస్ట్రేలియా ఒక మ్యా్చ్‌లో గెలిస్తే.. భారత్ 3-1 తేడాతో ఆసీస్‌ను ఓడించాలి.

అప్పుడు మూడు ఫార్మాట్లలోనూ నంబర్ వన్ జట్టుగా నిలుస్తుంది. కానీ ఈలోపు సౌతాఫ్రికాపై వన్డేల్లో ఇంగ్లాండ్ క్లీన్‌స్వీ్ప్ చేయకుండా ఉండాలి. టీ20ల్లోనూ ఇంగ్లాండ్.. భారత్ వెనుకాలే ఉంది. భారత్ ఖాతాలో 267 రేటింగ్ పాయింట్లు ఉండగా.. ఇంగ్లాండ్ ఖాతాలో 266 రేటింగ్ పాయింట్లు ఉన్నాయి. పొట్టి ఫార్మాట్లో నంబర్ వన్ పొజిషన్‌ను సుస్థిరం చేసుకోవాలంటే.. న్యూజిలాండ్‌పై టీ20 సిరీస్‌లోనూ భారత్ వన్డే సిరీస్ ఫలితాన్నే రిపీట్ చేయాల్సి ఉంటుంది.

Related Articles

Back to top button