News

hyderabad stampede, కోహ్లీ అంటే పిచ్చి సార్.. నా పాపను కాపాడండి: జింఖానా బాధితురాలు – 19 year old girl severely injured in gymkhana ground stampede during ind vs aus t20 match tickets


Authored by Sreenu Gangam | Samayam Telugu | Updated: Sep 23, 2022, 1:04 AM

Hyderabad: జింఖానా గ్రౌండ్స్‌లో చోటు చేసుకున్న ఘటనలో ఆద్య అనే యువతి తీవ్రంగా గాయపడింది. ప్రస్తుతం ఐసీయూలో చికిత్స పొందుతోంది. తన కుమార్తె పరిస్థితి విషమంగా ఉందని, కాపాడాలని ఆమె తల్లి గుండెలవిసేలా రోదిస్తోంది. తన కుమార్తెకు విరాట్ కోహ్లీ అంటే పిచ్చి అని, మ్యాచ్ టికెట్ల కోసం ఐదింటికే మైదానానికి వచ్చామని ఆమె తెలిపింది. హెచ్‌సీఏ అధ్యక్షుడు అజారుద్దీన్‌పై ఆగ్రహం వ్యక్తం చేసింది. ఈ ఘటనలో గాయపడిన మరో మహిళ పద్మ కోలుకున్నారు.

 

ఆద్య (ఫైల్ ఫొటో)
జింఖానా గ్రౌండ్స్‌లో చోటు చేసుకున్న ఘటనలో ఆద్య (19) అనే యువతి తీవ్రంగా గాయపడింది. ప్రస్తుతం ఐసీయూలో ఉన్న తన కుమార్తె పరిస్థితి విషమంగా ఉందని ఆమె తల్లి గుండెలవిసేలా రోదిస్తోంది. ‘ఒక్కసారిగా గేటు తీయడంతో తోపులాట జరిగి, అందరూ వచ్చి మీదపడిపోయారు. మా పాపను రక్షించండని వేడుకున్నాను. పోలీసులు 10 నిమిషాల తర్వాత పాపను బయటకు తీసుకొచ్చారు. తీవ్ర గాయాలయ్యాయి. ఊపిరాడట్లేదు’ అని ఘటన గురించి ఆమె వివరించారు. తన కుమార్తెకు విరాట్ కోహ్లీ అంటే పిచ్చి అని, మ్యాచ్ టికెట్ల కోసం ఐదింటికే వచ్చామని ఆమె చెప్పారు.

‘చికిత్స కోసం తక్షణమే రూ.60 వేలు కట్టాలంటున్నారు. దయచేసి మా పాపను కాపాడండి’ సార్ అంటూ బాధితురాలు కన్నీరు పెట్టుకున్నారు. హెచ్‌సీఏ అధ్యక్షుడు అజారుద్దీన్‌పై మండిపడ్డారు. తన కుమార్తె చికిత్సకు అయ్యే ఖర్చు భరించాలని ప్రభుత్వాన్ని వేడుకుంటున్నారు.

నా పాపను కాపాడండి సార్.. జింఖానా బాధితురాలి ఆక్రందన


వచ్చే ఆదివారం భారత్, ఆసీస్ మధ్య ఉప్పల్ స్టేడియంలో జరుగనున్నా టీ20 మ్యాచ్ టికెట్ల విక్రయం వివాదాస్పదం అవుతోంది. సికింద్రాబాద్‌ జింఖానా గ్రౌండ్‌లో చేపట్టిన టికెట్ల విక్రయం తీవ్ర గందరగోళానికి దారి తీసింది. క్రికెట్ భారీగా తరలిరావడంతో తొక్కిసలాట జరిగింది. ఈ ఘటనలో ఏడుగురు గాయపడ్డారు. ఈ ఘటనలో తీవ్రంగా గాయపడిన మరో మహిళ పద్మ.. యశోద ఆస్పత్రిలో చికిత్స తర్వాత కోలుకున్నారు. బాధితులు ఇచ్చిన ఫిర్యాదు మేరకు పోలీసులు హెచ్‌సీఏ నిర్వాహకులపై కేసు నమోదు చేశారు.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Advertisement

Related Articles

Back to top button