News

hyderabad mayor corona positive, GHMC Mayor గద్వాల విజయలక్ష్మికి కరోనా పాజిటివ్ – ghmc mayor gadwal vijayalaxmi tests positive for covid19


దేశంలో, రాష్ట్రంలో కరోనా కేసుల సంఖ్య తగ్గుతోంది. నాలుగో వేవ్ వస్తుందని భయపడినప్పటికీ.. రోజువారీ కేసుల సంఖ్య అదుపులోనే ఉంటోంది. కానీ ఇప్పటికీ కరోనా భయం పూర్తిగా తొలగిపోలేదు. ఇంతకు ముందు స్థాయిలో కోవిడ్ జాగ్రత్తలు తీసుకోకపోవడంతో… సామాన్యుల నుంచి ప్రముఖల వరకు ఇన్ఫెక్షన్ బారిన పడుతున్నారు. బిగ్ బీ అమిత్ బచ్చన్‌కు కరోనా సోకినట్లు తేలగా.. తాజాగా హైదరాబాద్ మేయర్ గద్వాల విజయ లక్ష్మికి సైతం కోవిడ్ పాజిటివ్ అని తేలింది.

విజయలక్ష్మికి స్వల్ప లక్షణాలు ఉండటంతో.. టెస్టులు చేయించుకోగా.. కరోనా సోకినట్లు నిర్ధారణ అయ్యింది. జీహెచ్ఎంసీలో సమస్యల పరిష్కారానికి వరుస సమావేశాలు, సమీక్షలు నిర్వహిస్తున్నారు. దీంతో ఇటీవల తనను కలిసివారు ముందు జాగ్రత్తగా కరోనా టెస్టులు చేయించుకోవాలని మేయర్ సూచించారు. తన ఆరోగ్యం బాగానే ఉందని.. ఆమె తెలిపారు.

ఇక తెలంగాణలో కరోనా కేసుల విషయానికి వస్తే.. రాష్ట్రంలో కోవిడ్ అదుపులో ఉంది. బుధవారం రాష్ట్రంలో 338 కొత్త కేసులు నమోదయ్యాయి. దీంతో రాష్ట్రంలో కోవిడ్ కేసుల సంఖ్య 8,32,933కు చేరింది. గత 24 గంటల్లో హైదరాబాద్‌లో 135 కేసులు, రంగారెడ్డి జిల్లాలో 33, మేడ్చల్‌లో 29 కేసులు నమోదయ్యాయి. ఇదే సమయంలో 507 మంది కోవిడ్ నుంచి కోలుకున్నారు. రాష్ట్రంలో ప్రస్తుతం 2553 యాక్టివ్ కేసులున్నాయి.

Related Articles

Back to top button