News

hit2 twitter review, Adivi Sesh: హిట్-2 మూవీ ట్విట్టర్ రివ్యూ.. నెగటివ్స్ చెప్పలేకపోతున్న నెటిజన్లు – hit: the second case movie twitter review


HIT2 Twitter Review: అడవి శేష్ హీరోగా నటించిన ‘హిట్: ది సెకండ్ కేస్’ (HIT: The Second Case) సినిమా ఈరోజు ప్రేక్షకుల ముందుకు వచ్చింది. ఇప్పటికే యుఎస్‌ఏ ప్రీమియర్ షో చూసిన నెటిజన్లు ట్విట్టర్‌లో ఈ మూవీపై స్పందిస్తున్నారు. పోలీస్ ఆఫీసర్‌గా అడవి శేష్ (Adivi Sesh) ఫర్‌ఫెక్ట్‌గా సూట్ అయినట్లు చెప్పుకొస్తున్న నెటిజన్లు.. కేసుని ఛేదించే క్రమంలో వస్తున్న ట్విస్ట్‌లు చాలా బాగున్నాయంటూ కితాబిస్తున్నారు. బ్యాక్‌గ్రౌండ్ స్కోర్ కూడా అదిరిపోయిందని చెప్తున్నారు. ఓవరాల్‌గా సినిమాలు నెగటివ్ చెప్పలేకపోతున్నట్లు ఇప్పటికే మూవీ చూసిన వారు చెప్తుండటం గమనార్హం.

అడవి శేష్ హీరోగా నటించిన ఈ మూవీకి శైలేష్ కొలను డైరెక్టర్. నాని స‌మ‌ర్ప‌కుడిగా వాల్ పోస్ట‌ర్ సినిమా బ్యాన‌ర్‌పై అతని సోదరి ప్ర‌శాంతి త్రిపిర్‌నేని ఈ సినిమాను నిర్మించారు. రెండేళ్ల క్రితం ఇదే కాంబినేషన్‌లో వచ్చిన ‘హిట్’ సినిమా ప్రేక్షకుల ఆదరణ పొందింది. ఆ మూవీలో విశ్వక్ సేన్ పోలీస్ ఆఫీసర్‌గా కనిపించాడు. ఈ సినిమాలో అడవి శేష్ లీడ్ రోల్ పోషించాడు. క్రైమ్ థ్రిలర్ నేపథ్యంలో వచ్చిన ఈ సినిమా ఊహించని ట్విస్ట్‌లతో థ్రిల్ చేసినట్లు ఓవర్సీస్‌లో సినిమాని చూసిన నెటిజన్లు చెప్పుకొస్తున్నారు.

సినిమా నిడివి దాదాపు రెండు గంటలు ఉన్నా.. ఎక్కడా బోర్ కొట్టకుండా డైరెక్టర్ శైలేష్ కొలను కథని బాగా రాసుకున్నట్లు నెటిజన్లు కితాబిస్తున్నారు. అలానే అడవి శేష్ ఎంట్రీ కూడా చాలా కూల్‌గా ఉందని.. హీరోయిన్ మీనాక్షి చౌదరి ఎంట్రీలోనే ఓ సాంగ్ ఉన్నట్లు చెప్పుకొస్తున్నారు. కోమలి ప్రసాద్‌తో కలిసి ఫస్ట్ క్రైమ్ స్ఫాట్‌లోకి అడవి శేష్ వెళ్లినప్పుడు వినిపించే బ్యాక్‌గ్రౌండ్ స్కోరుతో ఒక్కసారిగా మూవీ సీరియస్ నోట్‌లోకి వెళ్తుందని నెటిజన్లు గుర్తు చేసుకున్నారు. ఇంటర్వెల్‌కి ముందు వచ్చే రెండు బ్యాక్ టు బ్యాక్ ట్విస్ట్‌లు అదిరిపోయాయట.

ఇంటర్వెల్ తర్వాత అడవి శేష్ క్లూస్‌ని కనిపెట్టే సీన్స్ బాగా వచ్చినట్లు నెటిజన్లు రాసుకొచ్చారు. అలానే బాధిత అమ్మాయిల్ని కనిపెట్టే క్రమంలో అడవి శేష్ ఆలోచించిన విధానం ఆకట్టుకుందని.. కిల్లర్‌పై అసలు ట్విస్ట్‌‌ని క్లైమాక్స్ వరకూ తీసుకెళ్లడంతో డైరెక్టర్ సక్సెస్ అయినట్లు ఓ నెటిజన్ చెప్పుకొచ్చాడు. చివర్లో హిట్-3పై కూడా డైరెక్టర్ హింట్ ఇచ్చేశాడట. ఆ మూవీలో హీరోగా ఎవరు? అనేది థియేటర్ నుంచి వెళ్లిపోయే ముందు డైరెక్టర్ చెప్పేసినట్లు నెటిజన్లు చెప్తున్నారు.


ఓవరాల్‌గా అడవి శేష్ యాక్టింగ్, విలన్ క్లైమాక్స్ ట్విస్ట్, స్క్రీన్ ప్లే, స్టోరీ చాలా బాగున్నాయి అని నెటిజన్లు అభిప్రాయపడుతున్నారు. అయితే.. నెగటివ్ విషయంలో ఏ నెటిజన్ కూడా స్పష్టమైన కామెంట్ చేయలేకపోతున్నారు.

Related Articles

Back to top button