News

harish rao, KCR Nutrition Kit: బతుకమ్మ కానుకగా మహిళలకు మరో గుడ్ న్యూస్ – telangana govt to give nutrition kit to pregnant women from september


తుకమ్మ కానుకగా తెలంగాణ రాష్ట్ర ప్రభుత్వం మహిళలకు మరో శుభవార్త అందించనుంది. వచ్చే నెల నుంచి గర్భిణులకు ‘కేసీఆర్‌ న్యూట్రిషియన్‌ కిట్‌’ (KCR Nutrition kit) ఇవ్వాలని నిర్ణయించింది. వైద్య, ఆరోగ్య శాఖ మంత్రి హరీశ్‌ రావు శనివారం (ఆగస్టు 13) ఈ విషయం వెల్లడించారు. రాష్ట్రంలో ఇప్పటి వరకు 13.30 లక్షల మంది మహిళలకు కేసీఆర్‌ కిట్లు అందించినట్టు ఆయన తెలిపారు. కోఠిలోని వైద్య, ఆరోగ్య శాఖ కార్యాలయ ప్రాంగణంలో ప్రోగ్రాం మేనేజ్‌మెంట్‌ యూనిట్‌ను ప్రారంభించిన మంత్రి.. అనంతరం అక్కడ జరిగిన సమావేశంలో ప్రసంగించారు.

తెలంగాణ రాష్ట్రంలోని వివిధ ఆసుపత్రుల్లో 5 క్యాత్‌ ల్యాబ్‌లు, 5 ఎమ్‌ఆర్‌ఐ, 30 సీటీస్కాన్‌లతో పాటు 1,020 అధునాతన పరికరాలు ఉన్నాయని హరీశ్ రావు తెలిపారు. ఆసుపత్రుల్లో రోగులకు ఇచ్చేందుకు ఔషధాల బడ్జెట్‌ కూడా పెంచుతున్నట్లు వెల్లడించారు. ఔషధాల పోర్టల్‌ను ఉపయోగించి 3 నెలలకు అవసరమైన మందుల స్టాక్‌ ప్రభుత్వ ఆసుపత్రుల్లో అందుబాటులో ఉంచాలని అధికారులను ఆదేశించినట్టు మంత్రి వివరించారు.

అన్ని ప్రభుత్వ వైద్యశాలల సూపరింటెండెంట్ల వద్ద రూ.100 కోట్ల నిధులు పెడుతున్నామని మంత్రి హరీశ్‌ రావు ఈ సందర్భంగా చెప్పారు. ప్రభుత్వ ఆస్పత్రుల్లో యంత్రాలు పాడైతే వెంటనే మరమ్మతులు చేసేందుకు ప్రత్యేక కార్యాక్రమం రూపొందించామని మంత్రి తెలిపారు. ఇందుకోసం ‘ఇ-ఉపరకణ్’ వెబ్‌సైట్‌ను కూడా ప్రారంభిస్తున్నట్టు చెప్పారు.

Related Articles

Back to top button