News

Harish Rao,హంతకుడే సంతాపం తెలిపినట్టుంది.. చిదంబరంపై హరీశ్ రావు కౌంటర్ – minister harish rao counter to chidambaram comments on brs government during telangana elections 2023


కాంగ్రెస్ సీనియ‌ర్ నేత చిదంబ‌రం చేసిన వ్యాఖ్యలకు మంత్రి మ‌రీశ్‌రావు తనదైన శైలిలో కౌంటర్ ఇచ్చారు. హంతకుడే సంతాపం తెలిపిన‌ట్టుగా చిదంబరం తీరు ఉందని హరీశ్ రావు మండిప‌డ్డారు. తెలంగాణ ప్రకటన చేసిన చిదంబరం.. దాన్ని వెనక్కి తీసుకున్నందుకే కదా ఉద్యమంలో యువకులు బలిదానాలు చేసుకుందని హ‌రీశ్‌రావు నిలదీశారు. పొట్టి శ్రీరాములు ప్రాణత్యాగం గురించి చిదంబరం మాట్లాడటం కూడా.. దొంగే దొంగ అన్నట్టుగా ఉందని ఎద్దేవా చేశారు. పొట్టి శ్రీరాములు ఆంధ్ర రాష్ట్రం గురించి ఉద్యమించినపుడు కేంద్రంలో అధికారంలో ఉన్నది కాంగ్రెస్ ప్రభుత్వమేనని.. అప్పటి నెహ్రు ప్రభుత్వం తాత్సారం చేయడం వల్లే పొట్టి శ్రీరాములు చనిపోయారని ఆరోపించారు.

చరిత్ర తెలియనిది కేసీఆర్‌కు కాదు.. చిదంబరమే చరిత్ర తెలియకుండా వ‌క్ర భాష్యాలు చెబుతున్నారంటూ హరీశ్ రావు మండిపడ్డారు. అప్ప‌ట్లో మద్రాసు రాష్ట్రం ఉండేద‌ని, తెలంగాణ రాష్ట్రం లేకుండే అని చిదంబరం మాట్లాడటం హాస్యాస్పదమన్నారు. హైదరాబాద్ అనేది ఓ రాష్ట్రంగా ఉండేద‌న్న విషయాన్ని చిందంబరం మర్చిపోతున్నారన్నారు. తెలంగాణ అప్పులు, ఆదాయంపై చిదంబరం దుష్ప్రచారం చేస్తున్నారని మండిపడ్డారు. కాంగ్రెస్ పాలిత రాష్ట్రాల కన్నా.. తెలంగాణ ఆర్థిక క్రమశిక్షణ ఎంతో బాగుందని గ్రహిస్తే మంచిదని హరీశ్ రావు హితవు పలికారు. తెలంగాణ ఆర్థిక పరిస్థితిపై ఆర్బీఐ నివేదికలు ఏం చెబుతున్నాయో చిదంబరం తెలుసుకుంటే మంచిదన్నారు హరీశ్ రావు.

చిదంబరం ఒక్క ఛాన్స్ ఇవ్వండి అంటే నమ్మేందుకు తెలంగాణ ప్రజలు అమాయకులు కారన్నారు హరీశ్ రావు. కాంగ్రెస్‌కు ఒక్క ఛాన్స్ కాదు 11 సార్లు అవకాశమిచ్చారన్నారు. చిదంబరానికి దమ్ముంటే తన సొంత రాష్ట్రం తమిళనాడులో కాంగ్రెస్‌ను అధికారంలోకి తెచ్చే ప్రయత్నం చేయాలన్నారు. తెలంగాణ సాధించింది కేసీఆర్ అని.. సాధించిన తెలంగాణను అభివృద్ది చేసి దేశానికే రోల్ మెడల్‌గా నిలిపారన్నారు. ఎవరు ఎన్ని ట్రిక్కులు చేసినా.. ఎంతమంది వచ్చి దుష్ప్రచారం చేసినా.. యావత్ తెలంగాణ ప్రజలు కేసీఆర్ గారి వైపే ఉన్నారన్నారు హరీశ్ రావు.

చావడానికైనా, చంపడానికైనా భయపడను.. సొంత పార్టీ కార్యకర్తలకు రాజాసింగ్ ధమ్కీ

Related Articles

Back to top button