News

Gv Sri Raj Meet Chandrababu Naidu, చంద్రబాబుతో మాజీ ఎంపీ కుమారుడు భేటీ.. ఆ నియోజకవర్గం నుంచి పోటీ! – ex mp gv harsha kumar son sri raj meet chandrababu naidu


ఆంధ్రప్రదేశ్ రాజకీయాలు ఆసక్తికరంగా మారాయి. ముందస్తు ఎన్నికలు జరుగుతాయనే ప్రచారంతో వైఎస్సార్‌సీపీ (YSRCP), టీడీపీ (TDP)ల్లో ఆసక్తికర పరిణామాలు మొదలయ్యాయి. తాజాగా టీడీపీ అధినేత చంద్రబాబును మాజీ ఎంపీ తనయుడు కలవడం చర్చనీయాంశమైంది. సోషల్ మీడియాలో ఫోటో వైరల్ కాగా.. ఈ విషయాన్ని ఆయనే స్వయంగా చెప్పారు. అయితే ఇప్పుడు తాజాగా మరో ప్రచారం జరుగుతోంది. మాజీ ఎంపీ కుమారుడు త్వరలోనే టీడీపీలో చేరబోతున్నారని చెబుతున్నారు.

మాజీ ఎంపీ జీవీ హర్షకుమార్ (Gv Harsha Kumar)గురించి ఏపీలో పెద్దగా పరిచయం అవసరం లేదు. ఆయన కుమారుడు శ్రీరాజ్ (Gv Sri Raj) చంద్రబాబును కలిశారు. దాదాపు గంటా 45 నిమిషాల పాటూ ఈ భేటీ కొనసాగింది. ఈ విషయాన్ని శ్రీరాజ్ సోషల్ మీడియా ద్వారా తెలియజేశారు. చంద్రబాబును కలవడం ఎంతో ఆనందంగా ఉందన్నారు. టీడీపీ అధినేతను కలిసిన కొన్ని గంటలకే ఆసక్తికర పోస్ట్ చేశారు. రాజశేఖర్ రెడ్డి పాదయాత్ర, జగన్ మోహన్ రెడ్డి పాద యాత్రలలో అవాంఛనీయ సంఘటనలు జరగకుండా యాత్రలను విజయవంతం చేసిన అప్పటి ముఖ్య మంత్రి చంద్రబాబు నాయుడుకు అభినందనలు అన్నారు.
ఈ క్రమంలో శ్రీరాజ్ టీడీపీలో చేరబోతున్నారనే ప్రచారం ఊపందుకుంది. త్వరలోనే చేరిక ఉంటుందని ఊహాగానాలు వినిపిస్తుండగా.. శ్రీరాజ్ పి గన్నవరం నియోజకవర్గం నుంచి బరిలోకి దిగుతారనే టాక్ మొదలైంది. చంద్రబాబు కూడా యువతకు ప్రోత్సహం ఇస్తానని.. రాజకీయాల్లోకి రావాలని పిలుపునిస్తున్నారు. ఈ క్రమంలోనే చంద్రబాబును కలిసి రాజకీయ భవిష్యత్ గురించి మాట్లాడారని చెబుతున్నారు. మరి శ్రీరాజ్ టీడీపీలో చేరతారా.. మర్యాదపూర్వకంగానే చంద్రబాబును కలిశారా అన్నది చూడాలి.

అంతకముందు శ్రీరాజ్ తండ్రి, మాజీ ఎంపీ జీవీ హర్షకుమార్‌తో వైఎస్సార్‌సీపీ ఎంపీ పిల్లి సుభాష్ చంద్రబోస్ (Pilli Subhash Chandra Bose) సమావేశం అయ్యారు. హర్షకుమార్‌ నివాసంలోనే ఈ భేటీ జరిగింది. ఆ తర్వాత ఎంపీ బోస్‌ ఏమీ మాట్లాడకుండానే వెళ్లిపోయారు. ఈ ఇద్దరి భేటీ అప్పట్లో ఆసక్తికరంగా మారింది. హర్షకుమార్‌ను వైఎస్సార్‌సీపీలోకి ఆహ్వానించారనే ప్రచారం జరగ్గా.. అయితే కొన్ని వ్యక్తిగతమైన విషయాలకు సంబంధించి పాత మిత్రుడు హర్షకుమార్‌ను కలిసినట్లు బోస్ అన్నారట.

అయితే హర్షకుమార్ ప్రస్తతం కాంగ్రెస్ పార్టీలో ఉన్నారు. ఆయనకు కొత్తగా కాంగ్రెస్ ఇచ్చిన పదవిని తిరస్కరించారు. ఇదే విషయాన్ని ఢిల్లీ వెళ్లి పార్టీ జాతీయ అధ్యక్షుడు ఖర్గేకు వివరించారు. ఈ క్రమంలో వైఎఎస్సార్‌సీపీ ఎంపీ బోస్ కలవడం చర్చనీయాంశమైంది. హర్షకుమార్ వైఎస్సార్‌సీపీలోకి వెళతారా అనే ఊహాగానాలు వినిపించాయి. ఇంతలో హర్ష కుమారుడు శ్రీరాజ్ చంద్రబాబును కలవడం ఇప్పుడు ఆసక్తికరంగా మారింది.

జీవీ హర్షకుమార్ మొదటి నుంచి కాంగ్రెస్ పార్టీలో ఉన్నారు. ఆయన NSUI,యూత్ కాంగ్రెస్‌తో పాటూ మరికొన్ని విభాగాల్లో వివిధ పదవుల్లో పనిచేశారు. 2004, 2009 ఎన్నికల్లో అమలాపురం నుంచి ఎంపీగా విజయం సాధించారు. ఉమ్మడి ఆంధ్రప్రదేశ్ విభజన తర్వాత రాజకీయ పరిణామాలతో రాజకీయాలకు కాస్త దూరంగా ఉన్నారు. ఇంతలో 2019 ఎన్నికలకు ముందు హర్షకుమార్ టీడీపీలో చేరారు.. ఆయన అమలాపురం టికెట్‌పై ఆశలు పెట్టుకున్నారు. కానీ టికెట్ దక్కకపోవడంతో టీడీపీకి గుడ్ బై చెప్పికాంగ్రెస్ పార్టీలో చేరారు.

  • Read Latest Andhra Pradesh News and Telugu News

Related Articles

Back to top button