News

Guntur Murder Plan Busted, గుంటూరు: ఖతార్ నుంచి స్నేహితుడి హత్యకు ప్లాన్.. చిన్న తప్పుతో దొరికిపోయారు – supari gang arrested in guntur for murder plan


Authored by Thirumala Babu | Samayam Telugu | Updated: 31 Oct 2022, 12:06 pm

Guntur Murder Attempt Case బయటపడింది. స్నేహితుల మధ్య వార్ హత్య చేయించే వరకు వెళ్లింది. నిందితులు చిన్న తప్పు చేసిన నిందితులు.. పోలీసులకు అడ్డంగా దొరికిపోయారు.

 

ప్రధానాంశాలు:

  • గుంటూరులో స్నేహితుడి హత్యకు ప్లాన్
  • ఖతార్ నుంచి కథ నడిపిన ఐటీ ఉద్యోగి
  • పోలీసులకు దొరికిపోయిన నిందితులు
ఇద్దరూ మంచి స్నేహితులు.. బాగా చదువుకున్నారు.. మంచి ఉద్యోగాలు వచ్చాయి. ఈ క్రమంలో ఇద్దరి మధ్య మొదలైన వివాదం హత్యకు ప్లాన్ చేసే వరకు వెళ్లింది. కానీ చిన్న తప్పుతో ప్లాన్ మొత్తం రివర్స్ అయ్యింది. అందరూ పోలీసులకు అడ్డంగా దొరికిపోయారు. గుంటూరు మండలం ఏటీ అగ్రహారానికి చెందిన ప్రశాంత్, అవినాష్‌రెడ్డి చిన్నతనం నుంచి మంచి స్నేహితులు. అవినాష్‌రెడ్డికి ప్రశాంత్‌ తన సొంత ఖర్చుతో పెళ్లి చేశారు.

ప్రశాంత్ ఖతార్‌లో సాఫ్ట్‌వేర్‌ ఉద్యోగిగా పనిచేస్తున్నారు. అవినాష్‌రెడ్డి హైదరాబాద్‌లో ఉద్యోగం చేస్తున్నారు. అనంతరం ఇద్దరి మధ్య కొన్ని ఆర్థిక లావాదేవీల విషయంలో గొడవలు జరిగాయి. అవినాష్‌రెడ్డిపై ప్రశాంత్‌కు కోపం పెరిగింది. దీంతో అవినాష్‌రెడ్డిని అంతమొందించాలని ప్లాన్ చేశారు. ఖతార్‌ నుంచే కథ మొత్తం నడిపాడు. స్నేహితుడి హత్య కోసం గుంటూరు సుందరయ్య కాలనీకి చెందిన చందు, సూర్య, గోపీకృష్ణ, దుర్గాప్రసాద్, కరీముల్లా, బాజీ, బాలాజీ, కృష్ణను కాంటాక్ట్ అయ్యారు. అవినాష్‌రెడ్డిని హత్య చేయాలని.. ఎంత ఖర్చైనా భరిస్తానని.. రూ.30 లక్షల వరకు సుపారీ కూడా ఇచ్చారు.

సుపారీ తీసుకున్న ఈ గ్యాంగ్ విజయవాడలో కత్తులు కొనుగోలు చేశారు. అయితే నిందితులు స్థానికంగా కొందరితో వివాదాలు ఉండటంతో.. హైదరాబాద్‌లో హత్య చేసి తిరిగొచ్చాక అంది సంగతి తేలుస్తామని వార్నింగ్ ఇచ్చారు. వీరంతా శుక్రవారం రాత్రి వారంతా కారులో హైదరాబాద్‌ బయలుదేరగా.. స్థానికుల వెంటనే పోలీసులకు సమాచారం ఇచ్చారు. నల్లపాడు పోలీసులు పేరేచర్ల దగ్గర 8 మందిని అరెస్ట్ చేశారు. నిందితుల నుంచి కత్తులు, మారణాయుధాలు, కారును స్వాధీనం చేసుకున్నారు. స్నేహితుడి హత్యకు పథకం వేసిన ప్రశాంత్‌ను ఖతార్‌ నుంచి తీసుకొచ్చేందుకు ప్రయత్నిస్తున్నారు. ఆర్థిక లావాదేవీలు స్నేహితుల మధ్య చిచ్చు పెట్టింది.. మిత్రుడునే హత్య చేయించేందుకు ప్లాన్ చేసి చిన్న తప్పుతో దొరికిపోయారు.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button