News

gudivada amarnath, పన్ను నొప్పికి సింగపూర్ వెళ్లిన యనమల: రూ. 2.50 లక్షలు ఖర్చు.. మంత్రి అమర్నాథ్ – minister gudivada amarnath serious comments on yanamala ramakrishnudu


గత టీడీపీ ప్రభుత్వ హయాంలో తీసుకొచ్చిన రూ. 1.50 లక్షల కోట్ల అప్పులకు ఆ పార్టీ సీనియర్ నేత, మాజీ ఆర్థిక మంత్రి యనమల రామకృష్ణుడు లెక్కలు చెప్పగలరా అని రాష్ట్ర ఐటీ, పరిశ్రమల శాఖ మంత్రి గుడివాడ అమర్నాథ్ సవాల్ విసిరారు. యనమల రామకృష్ణుడు స్వయంప్రకటిత మేధావి అని అన్నారు. పన్ను నొప్పి వస్తే సింగపూర్ వైద్యం కోసం రూ. 2.50 లక్షలు ఖర్చు పెట్టిన యనమల రామకృష్ణుడుకు.. ఆంధ్రప్రదేశ్ ఆర్థిక వ్యవస్థ గురించి మాట్లాడే నైతిక హక్కు లేదన్నారు.

సీఎం జగన్‌లో ఫ్యాక్షన్‌ మూలాలు.. వేధించడం తప్ప ఇంకేం తెలియదు: యనమల
గత మూడేళ్లలో కరోనా వైరస్ మహమ్మారి వ్యాప్తి నేపథ్యంలో ఏర్పడిన ప్రత్యేకమైన పరిస్థితుల వల్ల రాష్ట్ర ప్రభుత్వం అప్పుల రూపంలో తెచ్చిన ప్రతి రూపాయి ప్రజలకు చేరిందని మంత్రి అమర్నాథ్ అన్నారు. వైసీపీ ప్రభుత్వం అప్పుగా తెచ్చిన రూ. 1.75 లక్షల కోట్లు సంక్షేమ పథకాలు రూపంలో నేరుగా ప్రజలకు చేరాయన్నారు. దీనిపై తాము బహిరంగ చర్చకు సిద్ధమని అమర్నాథ్ సవాల్ విసిరారు.

గత టీడీపీ హయాంలో తెచ్చిన రూ.1.50 లక్షల కోట్లకు యనమల లెక్కలు చెప్పగలరా అని మంత్రి అమర్నాథ్‌ ప్రశ్నించారు. పరిశ్రమలు, పెట్టుబడులపై మాట్లాడే నైతిక హక్కు యనమలకు లేదన్నారు. తమ ప్రభుత్వం రూపొందించిన పాలసీ బాగుండటం వల్లే బల్క్ డ్రగ్ పార్క్ వచ్చిందని గుర్తు చేశారు. పరిశ్రమలు రావడం లేదని ఒకరోజు.. పెట్టుబడులు వస్తుంటే వ్యతిరేకంగా మరో రోజు లేఖలు రాయడం చూస్తే యనమల రామకృష్ణుడుకు అల్జీమర్స్ ఏమైనా వచ్చిందా అనే అనుమానం కలుగుతోందని మంత్రి అమర్నాథ్‌ దుయ్యబట్టారు.

Related Articles

Back to top button