News

gooty murder case, భర్తను చంపిన భార్య, ఆత్మహత్యగా డ్రామా.. సీఐ సహకారం, విస్తుపోయే నిజాలు – ci suspended in a man murder case in gooty anantapur district


Authored by Thirumala Babu | Samayam TeluguUpdated: Aug 24, 2022, 8:02 AM

Ci Suspended In A Murder Case కలకలంరేపింది. ఓ మహిళ భర్తను హత్య చేసి ఆత్మహత్యగా డ్రామా ఆడింది. ఈ కేసులో హత్యను ఆత్మహత్యగా మార్చారనే ఆరోపణలతో సీఐపై వేటు పడింది.

 

హత్య కేసులో నిందితులకు సహకరించి పోలీస్ శాఖకు చెడ్డ పేరు తెచ్చేలా ప్రవర్తించిన అనంతపురం జిల్లాలో ఓ సీఐపై వేటు పడింది. ఆయన్ని సస్పెండ్ చేస్తూ డీఐజీ రవి ప్రకాష్ ఉత్తర్వులు జారీ చేశారు. అనంతపురం జిల్లా గుత్తి మున్సిపాలిటీ పరిధిలోని చెట్నేపల్లికి చెందిన అశోక్ కుమార్.. పెద్దవడుగూరులో జూనియర్ లైన్మెన్‌గా పనిచేస్తుండేవాడు. ఏప్రిల్ 13న చికెనేపల్లి సమీపంలోని నీటి గుంతలో అశోక్ శవమై తేలాడు. ఆత్మహత్య చేసుకున్నట్లు అందరూ భావించారు. అయితే మద్యం మత్తులో ప్రమాదవశాత్తు నీటిలో పడి మృతి చెంది ఉంటాడని భార్య కవిత పోలీసులకు ఫిర్యాదు చేసింది. ఆమె ప్రవర్తన‌పై పోలీసులకు అనుమానం రావడంతో లోతుగా విచారణ చేపట్టారు. తమ వివాహేతర సంబంధానికి అడ్డువస్తున్నాడని కవిత తన ప్రియుడు హరితో కలిసి అశోకుని చంపినట్లు తేలింది.

అయితే దీన్ని హత్య కేసుగా మార్పు చేయకుండా ఆత్మహత్యగా కేసును కొనసాగించడానికి అప్పటి సీఐ శ్యామరావు లక్షలాది రూపాయలు లంచం తీసుకున్నట్లు ఆరోపణలు వచ్చాయి. ఇది కాస్త ఉన్నతాధికారుల దృష్టికి వెళ్ళింది. దీంతో ఎస్పీ ఫకీరప్ప తాడపత్రి డిఎస్పీ చైతన్యతో లోతుగా విచారణ చేయించారు. అశోక్ భార్య కవితను, ప్రియుడు హరిని పోలీసులు అదుపులోకి తీసుకొని విచారించారు. ఆ నివేదిక ఆధారంగా సీఐ శ్యామరావును జూన్ 27న వీఆర్‌కు పంపుతూ జిల్లా ఎస్పీ ఉత్తర్వులు జారీ చేశారు.

అంతేకాకుండా గుత్తి సర్కిల్ పరిధిలో మట్కా, గుట్కా తదితర అసాంఘిక కార్యకలాపాలను ప్రోత్సహిస్తూ సీఐ చూసి చూడనట్లు వ్యవహరించే వారని ఆరోపణలు వచ్చాయి. డీఎస్పీ విచారణ నివేదికతో పాటు హత్యగా నిర్ధారించిన ఫోరెన్సిక్ నివేదికను డీఐజీ రవి ప్రకాష్‌కు ఎస్పీ అందజేశారు. దీన్ని పరిశీలించిన తర్వాత డీఐజీ రవి ప్రకాష్.. సీఐని సస్పెండ్ చేస్తూ ఉత్తర్వులు జారీ చేశారు. మరోవైపు, నిందితులు కవిత, హరిని గుత్తి పోలీసులు అరెస్ట్ చేసి రిమాండ్‌కు పంపారు.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network

Advertisement

Related Articles

Back to top button