News
go back cm, Visakhapatnam: ‘గో బ్యాక్‌ సీఎం సార్‌’.. విశాఖలో పోస్టర్ల కలకలం! – go back cm sir poster in visakhapatnam
గో బ్యాక్‌ సీఎం సార్‌.. రాజధాని అమరావతిని నిర్మించండి.. అంటూ విశాఖలో పోస్టర్లు వెలిశాయి. ఆంధ్ర విశ్వవిద్యాలయం, నగరంలోని పలు ప్రధాన కూడళ్లలో జన జాగరణ సమితి.. పేరుతో ఈ ఫ్లెక్సీలను ఏర్పాటు చేశారు. జగదాంబ, మద్దిలపాలెం, సిరిపురం, ఆశిల్‌ మెట్ట కూడళ్లలో పోస్టర్లు వెలిశాయి. ఈ విషయం తెలుసుకున్న వైసీపీ నాయకులు వాటిని తొలగించారు.
విశాఖ నుంచి త్వరలో పరిపాలన కొనసాగిస్తామన్న ప్రభుత్వ నిర్ణయానికి వ్యతిరేకంగా.. ఏర్పాటు చేసిన ఈ పోస్టర్లు నగరంలో కలకలం సృష్టించాయి. విశ్వవిద్యాలయ క్యాంపస్‌ ప్రశాంతతకు భంగం కలిగించేందుకు అవకాశమున్న ఈ పోస్టర్ల ఏర్పాటు వెనుక ఉన్నవారిని.. అరెస్టు చేయాలని మూడో పట్టణ పోలీసు స్టేషన్‌లో ఏయూ అధికారులు ఫిర్యాదు చేశారు. దీనిపై పోలీసులు విచారణ చేపట్టారు.
- Read Latest Andhra Pradesh News and Telugu News
