News

ghatkesar husband suicide, Ghatkesar: క్యాన్సర్‌తో భార్య మృతి… తట్టుకోలేక భర్త ఆత్మహత్య – husband commits suicide in ghatkesar over depression of wife death


Authored by Veeresh Billa | Samayam TeluguUpdated: Aug 25, 2022, 10:20 AM

గొంతు క్యాన్సర్‌తో భార్య చనిపోవడాన్ని తట్టుకోలేకపోయిన ఓ వ్యక్తి ఉరేసుకుని ఆత్మహత్య చేసుకున్న ఘటన మేడ్చల్ జిల్లా ఘట్‌కేసర్ జిల్లాలో చోటుచేసుకుంది.

 

ప్రధానాంశాలు:

  • గొంతు క్యాన్సర్‌తో చనిపోయిన భార్య
  • మనస్తాపంతో ఆత్మహత్య చేసుకున్న భర్త
  • మేడ్చల్ జిల్లా ఘట్‌కేసర్‌లో ఘటన
భార్య మరణాన్ని తట్టుకోలేక భర్త ఆత్మహత్య చేసుకున్న ఘటన మేడ్చల్-మల్కాజ్‌గిరి జిల్లా ఘట్‌కేసర్‌(Ghatkesar) పోలీస్‌స్టేషన్ పరిధిలో చోటుచేసుకుంది. యాదాద్రి భువనగిరి(Yadadri Bhuvanagirii)జిల్లా గుండాల మండలం అనంతారానికి చెందిన జిల్లపల్లి యెల్లేష్‌(40) పదేళ్ల క్రితం ఘట్‌కేసర్‌ మండలం అన్నోజిగూడకు వలస వచ్చాడు. ప్రస్తుతం ఆర్‌జీకే కాలనీలో నివాసముంటూ స్థానికంగా ఓ మాల్‌లో పని చేస్తున్నారు. ఆయనకు 10, 9 ఏళ్ల వయసున్న కుమారులున్నారు. వారిద్దరు స్థానిక ప్రభుత్వ పాఠశాలలో చదువుతున్నారు.

యెల్లేష్‌ భార్య 8 నెలల క్రితం గొంతు క్యాన్సర్‌తో మృతి చెందింది. అప్పటి నుంచి డిప్రెషన్‌కు గురైన అతడు పిల్లలను కూడా సరిగ్గా పట్టించుకోవడం లేదు. చివరికి భార్యలేని లోకంలో తాను ఉండలేనని నిర్ణయించుకుని బుధవారం ఉదయం ఇంట్లో భార్య చీరతో ఫ్యాన్‌కు ఉరేసుకొని ఆత్మహత్య చేసుకున్నారు. యెల్లేష్‌ ఆత్మహత్యతో ఇద్దరి పిల్లలు అనాథలుగా మారారు. అతడి అంత్యక్రియలకు డబ్బుల్లేవని తెలుసుకొన్న స్థానిక కౌన్సిలర్‌ బాల్‌రెడ్డి ఆర్థిక సాయం అందించారు. తండ్రి మృతదేహం వద్ద విలపిస్తున్న చిన్నారులను చూసి స్థానికులు కన్నీరుమున్నీరయ్యారు.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network

Related Articles

Back to top button