News

gan cylinder blast, గ్యాస్ సిలిండర్ పేలుడు.. ఎగిరిపోయిన పైకప్పు, క్షణం ఆలస్యమైనా? – lpg cylinder blast in a house in ramakuppam in chittoor, narrow escape for family


Authored by Sreenu Gangam | Samayam Telugu | Updated: 6 Nov 2022, 12:49 pm

Ramakuppam Cylinder Blast: చిత్తూరు జిల్లా రామకుప్పం మండలం లింగాపురంలో రాజగోపాల్ అనే వ్యక్తి ఇంట్లో ఎల్పీజీ సిలిండర్ పేలింది. గ్యాస్ సిలిండర్ లీకవడంతో రాజగోపాల్ తన కుటుంబసభ్యులను అప్రమత్తం చేశారు. వారంతా ఆరుబయటకి పరుగెత్తుకొచ్చారు. కాసేపటికే సిలిండర్ పెద్ద శబ్దం చేస్తూ పేలిపోయింది.

 

గ్యాస్ సిలిండర్ పేలుడు
ప్పుడప్పుడే చీకటి పడుతోంది. ఇంట్లో లైట్లు ఆన్ చేశారు. ఇంటి యజమానికి ఎక్కడో తేడా కొట్టింది. గ్యాస్ వాసన వస్తోంది. వెంటనే కుటుంబసభ్యులందరినీ అప్రమత్తం చేశాడు. వాళ్లంతా మూకుమ్మడిగా ఆరుబయటికి పరుగు అందుకున్నారు. క్షణాల్లో పెద్ద పేలుడు. ఇంటి పైకప్పు ఎగిరిపోయింది. ఇల్లు ధ్వంసమైంది. సామానంతా చెల్లాచెదురైంది. కుటుంబ పెద్ద అప్రమత్తతతో కుటుంబసభ్యులు మాత్రం తృటిలో ప్రాణాలతో బయటపడ్డారు. దీంతో గ్రామస్థులు ఊపిరి పీల్చుకున్నారు. చిత్తూరు జిల్లా రామకుప్పం మండలం లింగాపురంలో శనివారం (నవంబర్ 5) సాయంత్ర ఈ ఘటన చోటు చేసుకుంది. గ్రామానికి చెందిన రాజగోపాల్ ఇంట్లో గ్యాస్ సిలిండర్ పేలింది.

మంటలు విస్తరించకుండా స్థానికులు జాగ్రత్తపడ్డారు. సకాలంలో మంటలను ఆర్పివేయడంతో పొరుగు ఇళ్లకు వ్యాపించలేదు. గ్యాస్ పైప్ నుంచి గ్యాస్ లీకైందా? లేదా వెలిగించిన స్టవ్ ఆరిపోతే, ఇంట్లో వాళ్లు చూసుకోలేదా తెలియాల్సి ఉంది. గ్యాస్ లీకై ఇల్లంతా వ్యాపించింది. గ్యాస్ లీకవుతున్న విషయాన్ని గుర్తించి, రాజగోపాల్ తన కుటుంబ సభ్యులను తీసుకొని ఇంటి బయటకు వచ్చేశారు. కాసేపటికే పెద్ద శబ్దంతో సిలిండర్ పేలిపోయింది. మంటలు భారీగా ఎగసిపడ్డాయి.

ఆ కుటుంబానికి భూమ్మీద ఇంకొన్ని రోజులు మిగిలున్నాయి కాబట్టే.. అంత పెద్ద ప్రమాదం జరిగినా బతికి బయటపడ్డారని స్థానికులు చర్చించుకుంటున్నారు. ఈ ప్రమాదంలో రాజగోపాల్ కుటుంబం మాత్రం భారీగానే నష్టపోయింది. గ్యాస్ సిలిండర్ విషయంలో అప్రమత్తంగా ఉండాల్సిన విషయాన్ని ఈ ప్రమాదం మరోసారి గుర్తుచేస్తోంది.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button