News

ec notice, Munugode: కోమటిరెడ్డి రాజగోపాల్ రెడ్డికి షాకిచ్చిన ‘ఎలక్షన్ కమిషన్’..! – election commission issued notices to komatireddy rajagopal reddy


Munugode: మునుగోడు ఉప ఎన్నిక పోలింగ్ సమీపిస్తున్న వేళ కీలక పరిణామం చోటుచేసుకుంది. బీజేపీ అభ్యర్థి కోమటిరెడ్డి రాజగోపాల్ రెడ్డికి.. కేంద్ర ఎన్నికల సంఘం షాకిచ్చింది. టీఆర్ఎస్ చేసిన ఫిర్యాదుపై స్పందించిన ఈసీ.. రాజగోపాల్‌రెడ్డికి నోటీసు జారీ చేసింది. నగదు ఆన్‌లైన్ ట్రాన్స్‌ఫర్ చేశారని టీఆర్ఎస్ ఆరోపించి.. ఈసీకి కంప్లైంట్ చేసింది. దీనిపై సోమవారం సాయంత్రం 4 గంటల్లోగా.. వివరణ ఇవ్వాలని స్పష్టం చేసింది. కేంద్ర ఎన్నికల సంఘం నోటీసులు ఇవ్వడంతో మునుగోడు రాజకీయం కీలక మలుపు తిరిగింది.

 

కోమటిరెడ్డి రాజగోపాల్ రెడ్డికి నోటీసులు

ప్రధానాంశాలు:

  • మునుగోడులో పోలింగ్ సమీపిస్తున్న వేళ కీలక పరిణామం
  • రాజగోపాల్‌రెడ్డికి నోటీసు జారీ చేసిన కేంద్ర ఎన్నికల సంఘం
  • సోమవారం సాయంత్రం 4 గంటల్లోగా వివరణ ఇవ్వాలని స్పష్టం
Munugode: మునుగోడు రాజకీయం మరో మలుపు తిరిగింది. తాజాగా బీజేపీ అభ్యర్థి కోమటిరెడ్డి రాజగోపాల్‌రెడ్డికి కేంద్ర ఎన్నికల సంఘం నోటీసులు జారీ చేసింది. సుశీ ఇన్‌ఫ్రా సంస్థ నుంచి సుమారు రూ.5.24 కోట్లను.. చౌటుప్పల్ ప్రాంతానికి చెందిన 22 బ్యాంకు ఖాతాలకు మళ్లించారని.. ఆ నగదు అంతా ఓటర్లకు పంపిణీ చేయడం కోసమేనని టీఆర్ఎస్ (TRS) ఈసీకి ఫిర్యాదు చేసింది. ఎన్నిక సమయంలో భారీగా నగదు బదిలీ చేయడం నియమావళిని ఉల్లంఘించడమేనని ఫిర్యాదులో టీఆర్ఎస్ స్పష్టం చేసింది.

టీఆర్ఎస్ చేసిన ఫిర్యాదుపై కేంద్ర ఎన్నికల సంఘం స్పందించింది. కోమటిరెడ్డి రాజగోపాల్‌రెడ్డికి నోటీసులు జారీ చేసింది. సోమవారం సాయంత్రం 4 గంటలలోపు వివరణ ఇవ్వాలని స్పష్టం చేసింది. వివరణ ఇవ్వకుంటే.. చర్యలు తీసుకుంటామని తేల్చి చెప్పింది. ఈ అంశంపై మునుగోడు రిటర్నింగ్ అధికారికి ఈసీ (Election Commission) సమాచారం అందించింది. టీఆర్ఎస్ చేసిన ఫిర్యాదు కాపీని కోమటిరెడ్డి రాజగోపాల్రెడ్డికి తెలపాలని ఆదేశించింది. రాజగోపాల్ రెడ్డికి ఈసీ నోటీసులు ఇవ్వడంతో.. మునుగోడు రాజకీయం మరింత వేడెక్కింది.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button