News

early elections, Kishan Reddy: తెలంగాణలో ముందస్తు ఎన్నికలపై కిషన్ రెడ్డి ఆసక్తికర వ్యాఖ్యలు.. – union minister kishan reddy comments on early elections in telangana


Authored by Ramprasad | Samayam Telugu | Updated: 25 Nov 2022, 6:20 pm

Kishan Reddy: తెలంగాణలో ముందస్తు ఎన్నికల గురించి కేంద్ర మంత్రి కిషన్ రెడ్డి ఆసక్తికర వ్యాఖ్యలు చేశారు. ఎన్నికల విషయంలో తమకు ఎలాంటి తొందర లేదని.. షెడ్యూల్ ప్రకారమే జరగాలని కోరుకుంటున్నట్టు తెలిపారు. ఎన్నికలు ఎఫ్పుడు జరిగినా విజయం మాత్రం బీజేపీదేనని కిషన్ రెడ్డి ధీమా వ్యక్తం చేశారు. తమ ప్రభుత్వం, పార్టీ.. ప్రజాస్వామ్యబద్ధంగానే నడుస్తుందని కిషన్ రెడ్డి స్పష్టం చేశారు. కాంగ్రెస్ సీనియర్ నేత మర్రి శశిధర్ రెడ్డి బీజేపీలో చేరటం పార్టీకి చాలా వరకు కలిసి వస్తుందని ఆకాంక్షించారు.

 

ప్రధానాంశాలు:

  • తెలంగాణలో ముందస్తు ఎన్నికలపై కేంద్ర మంత్రి కిషన్ రెడ్డి వ్యాఖ్యలు
  • ఎన్నికల విషయంలో తొందరేమీ లేదని స్ఫష్టం చేసిన కేంద్ర మంత్రి
  • షెడ్యూల్ ప్రకారమే ఎన్నికలు జరగాలని కోరుకుంటున్నట్టు తెలిపిన కిషన్ రెడ్డి
Kishan Reddy: తెలంగాణ రాజకీయాలు రసవత్తరంగా సాగుతున్నాయి. కేంద్రంలో అధికారంలో ఉన్న బీజేపీ వర్సెస్.. రాష్ట్రంలో అధికారంలో ఉన్న టీఆర్ఎస్‌కు మధ్య పెద్దఎత్తున ఫైట్ నడుస్తోంది. ఈ నేపథ్యంలోనే తెలంగాణలో ముందస్తు ఎన్నికలపై కేంద్ర మంత్రి కిషన్ రెడ్డి ఆసక్తికర వ్యాఖ్యలు చేశారు. తెలంగాణలో షెడ్యూల్ ప్రకారమే ఎన్నికలు జరగాలని తాము కోరుకుంటున్నామని.. ఈ విషయంలో తమకు ఎలాంటి తొందరలేదని కిషన్ రెడ్డి వ్యాఖ్యానించారు. ఎన్నికలు ఎఫ్పుడు జరిగినా విజయం మాత్రం బీజేపీదేనని కిషన్ రెడ్డి ధీమా వ్యక్తం చేశారు. తమ ప్రభుత్వం, పార్టీ.. ప్రజాస్వామ్యబద్ధంగానే నడుస్తుందని స్పష్టం చేశారు. ప్రజల్లో సానుభూతి పొందటం కోసం, హీరోయిజం చూపించుకోవడం కోసం కేసీఆర్ సర్కారు రోజుకో తప్పు చేస్తుందని కిషన్ రెడ్డి ఆరోపించారు.

తెలంగాణలో అభివృద్ధి పూర్తిగా ఆగిపోయిందని కిషన్ రెడ్డి ఆందోళన వ్యక్తం చేశారు. తన కుటుంబాన్ని, ప్రభుత్వాన్ని కాపాడుకోవడంపైనే కేసీఆర్ దృష్టి పెట్టారని.. పాలనను పూర్తిగా గాలికొదిలేశారన్నారు. బీజేపీని, కేంద్ర ప్రభుత్వమే టార్గెట్‌గా విమర్శలు, ఆరోపణలు చేస్తున్నారని మండిపడ్డారు. కాంగ్రెస్ సీనియర్ నేత మర్రి శశిధర్ రెడ్డి బీజేపీలోకి రావడంపై కిషన్ రెడ్డి స్పందించారు. మర్రి శశిధర్ రెడ్డి చేరిక పార్టీ బలోపేతానికి ఎంతగానో ఉపయోగపడుతుందని కిషన్ రెడ్డి ఆకాంక్షించారు. తెలంగాణలో మార్పు బీజేపీతో మాత్రమే సాధ్యమవుతుందని కిషన్ రెడ్డి ఉద్ఘాటించారు.

  • హైదరాబాద్ వాసులకు గుడ్‌న్యూస్.. ప్రారంభమైన మరో ఫ్లైఓవర్
  • ట్రాఫిక్ పోలీసుల కొత్త రూల్స్.. ఇకనుంచి వాళ్లకు మాత్రం బ్యాండ్ బాజానే..!
  • Read More Telangana News and Telugu News


Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button