News

duvvada srinivas, ఇంతకీ, అచ్చెన్నాయుడు ఏ పార్టీకి ఓటేస్తారు.. ఎమ్మెల్సీ దువ్వాడ సెటైర్లు – ysrcp mlc duvvada srinivas comments on ap tdp president atchannaidu


తెలుగుదేశం పార్టీ రాష్ట్ర అధ్యక్షుడు అచ్చెన్నాయుడుపై వైఎస్సార్ కాంగ్రెస్ పార్టీ ఎమ్మెల్సీ దువ్వాడ శ్రీనివాస్ తీవ్రస్థాయిలో ధ్వజమెత్తారు. అచ్చెన్నాయుడు ప్రాతినిథ్యం వహిస్తున్న టెక్కలి నియోజకవర్గానికి దువ్వాడ శ్రీనివాస్‌ను వైసీపీ ఇన్‌ఛార్జిగా ముఖ్యమంత్రి వైఎస్ జగన్మోహన్ రెడ్డి నియమించారు. వచ్చే ఎన్నికల్లో అచ్చెన్నాయుడుపై వైసీపీ నుంచి పోటీ చేసేది దువ్వాడ శ్రీనివాస్ అని ప్రకటించారు. దీంతో అచ్చెన్నాయుడుపై దువ్వాడ శ్రీనివాస్ దూకుడు పెంచారు.

ఈ మేరకు మంగళవారం దువ్వాడ శ్రీనివాస్ శ్రీకాకుళంలో మీడియాతో మాట్లాడుతూ.. అచ్చెన్నాయుడు అభద్రతా భావంతో కొట్టుమిట్టాడితున్నారని ఎద్దేవా చేశారు. ఇంతకీ, వచ్చే ఎన్నికల్లో అచ్చెన్నాయుడు ఏ పార్టీకి ఓటేస్తారు.. ఏ పార్టీ తరఫున నామినేషన్ వేస్తారని ప్రశ్నించారు. ‘పార్టీలేదు, బొక్కాలేదు’ అన్న పార్టీకే నామినేషన్ వేస్తావా? నీకు సిగ్గుందా.. అంటూ అచ్చెన్నాయుడుపై తీవ్ర వ్యాఖ్యలు చేశారు.

టెక్కలి వైసీపీ ఎమ్మెల్యే అభ్యర్థిగా పోటీ చేసేది తానేనని 18 నెలల క్రితమే టిక్కెట్ కన్ఫర్మ్ అయిందని.. మీ టికెట్ కన్ఫార్మ్ అయ్యిందా అచ్చెన్నాయుడు అంటూ దువ్వాడ శ్రీనివాస్ సెటైర్లు వేశారు. ‘‘అసలు నీకు దమ్ముందా.. వచ్చే ఎన్నికల్లో పోటీ చేస్తావా? నువ్వు నామినేషన్ వేయగలవా?’’ అంటూ అచ్చెన్నపై సీరియస్ కామెంట్స్ చేశారు.

Related Articles

Back to top button