News

dulhan scheme, పేద ముస్లిం యువతులకు శుభవార్త.. అక్టోబర్ 1 నుంచి లక్ష రూపాయిలు! – ap government says that will implement dulhan scheme from 1st october


ఏపీలోని పేద ముస్లిం యువతులకు జగన్ ప్రభుత్వం గుడ్ న్యూస్ చెప్పింది. అక్టోబర్ 1వ తేదీ నుంచి పేద ముస్లిం యువతులకు పెళ్లి కానుక అందించే దుల్హన్ పథకాన్ని అమలు చేయనున్నట్లు వెల్లడించింది. దుల్హన్ పథకం అమలుపై ఏపీ హైకోర్టు‌లో గురువారం విచారణ జరిగింది. రాష్ట్ర ప్రభుత్వం దుల్హన్ పథకాన్ని అమలు చేయడం లేదంటూ హైకోర్టులో మైనార్టీ పరిరక్షణ సమితి పిటిషన్ దాఖలు చేసింది.

ఈ సందర్భంగా ప్రభుత్వంపై దుల్హన్ పథకానికి సంబంధించి గతంలో ఇచ్చిన ఆదేశాలను హైకోర్టు గుర్తు చేసింది. దుల్హన్ పథకాన్ని ఎందుకు అమలు చేయడం లేదంటూ గతంలో కూడా రాష్ట్ర ప్రభుత్వాన్ని హైకోర్టు ప్రశ్నించింది. ఈ నేపథ్యంలో వచ్చే నెల 1వ తేదీ నుంచి దుల్హన్ పథకాన్ని అమలు చేయబోతున్నట్లు హైకోర్టుకు అడ్వొకేట్ జనరల్ (ఏజీ) వివరించారు. ఈ మేరకు జీవో నంబర్ 39ను ధర్మాసనానికి సమర్పించారు.

దుల్హన్ పథకం కింద ఇచ్చే ఆర్థిక సాయాన్ని రెండు రెట్లు చేసినట్లు హైకోర్టుకు ఏజీ వివరించారు. గతంలో అర్హులకు రూ. 50 వేలు ఇచ్చే వారని.. అక్టోబర్ 1 నుంచి వైసీపీ ప్రభుత్వం లక్ష రూపాయలు దుల్హన్ పథకం కింద ఇవ్వనున్నట్లు వివరించారు. దీంతో దుల్హన్ పథకాన్ని అమలు చేయాలని న్యాయస్థానం ఆదేశాలు జారీ చేసింది. కాగా, ఎస్సీ, ఎస్టీ, బీసీ, మైనారిటీ వర్గాల్లోని పేద యువతుల పెళ్లికి ఆర్థిక సాయం అందించే పథకాల అమలుకు ఇటీవలే రాష్ట్ర ప్రభుత్వం జీవో జారీ చేసిన విషయం తెలిసిందే.

Related Articles

Back to top button