News

doctor saif reveals facts, మెడికో ప్రీతి కేసులో ఓపెన్ అయిన సైఫ్.. పూసగుచ్చినట్టు మొత్తం చెప్పేశాడట..! – accused saif reveals facts in police custody about medico preethi case


తెలంగాణలో సంచలనం సృష్టించిన మెడికో ప్రీతి ఆత్మహత్య కేసులో కీలక పరిణామాలు చోటుచేసుకుంటున్నాయి. ఈ ఎపిసోడ్‌లో నిర్లక్ష్యం వహించిన హెచ్‌ఓడీపై సర్కారు చర్యలు తీసుకోగా.. కస్టడీలో ఉన్న నిందితుడు సైఫ్‌ను పోలీసులు విచారిస్తున్నారు. కాగా.. ఇప్పటివరకు సైలెంట్‌గా ఉన్న సైఫ్.. పోలీసులు తమదైన స్టైల్‌లో విచారించగా ఓపెన్ అయినట్టు తెలుస్తోంది. ప్రీతి ఎపిసోడ్‌లో అసలు ఏం జరిగిందన్నది సైఫ్ పూసగుచ్చినట్లుగా పోలీసులకు చెప్పినట్టు సమాచారం. కస్టడీ మొదటి రోజైన నేడు.. సైఫ్‌ను సుదీర్ఘంగా విచారించగా సంచలన విషయాలు వెల్లడించినట్టు తెలుస్తోంది. సైఫ్ చెప్పిన కీలక విషయాలన్నింటినీ పోలీసులు రికార్డ్ చేసుకున్నారు.

ఇప్పటికే మెడికో ప్రీతికి సంబంధించిన ఫోన్ నుంచి పోలీసులు కీలక సమాచారాన్ని సేకరించగా.. వాటిని విశ్లేషిస్తున్నారు. ప్రీతి మొబైల్‌ నుంచి వాట్సప్ చాటింగ్‌కు సంబంధించి 27 స్క్రీన్ షార్ట్స్ తీసుకున్నారు పోలీసులు. ప్రీతి మొబైల్‌తో పాటు.. తోటి విద్యార్థుల ఫోన్‌ల నుంచి కూడా కీలక సమాచారాన్ని సేకరించినట్టు తెలుస్తోంది. నిందితుడు సైఫ్ చేసిన చాటింగ్‌, మెస్సేజ్‌లను పోలీసులు లోతుగా విశ్లేషిస్తున్నారు. ఆ ఆధారాలన్నీ సేకరించిన పోలీసులు.. వాటిని ముందుంచి.. సైఫ్‌ను విచారిస్తున్నారు. ఇప్పటికే ఈ కేసులో తొమ్మిది మందిని విచారించిన పోలీసులు.. వాళ్లిచ్చిన సమాచారంతో సైఫ్‌ను విచారిస్తున్నట్టు తెలుస్తోంది. ప్రీతి ఆత్మహత్యకు యత్నించిన సమయంలో విధుల్లో ఉన్న నర్సుల నుంచి కూడా వివరాలు సేకరించిన సమాచారం.

ఇదంతా ఒక ఎత్తైతే.. ఈ మొత్తం ఎపిసోడ్‌లో ప్రీతి బ్యాగ్ కీలకంగా మారింది. బ్యాగ్‌లో ఉన్న వస్తువులు, తినుబండారాలను కూడా పోలీసులు క్షుణ్ణంగా పరిశీలిస్తున్నారు. బ్యాగులో కూల్ డ్రింక్ ఉడటంపై అనుమానాలు వ్యక్తమవుతున్నాయి. లేస్ ప్యాకెట్స్, వాటర్ బాటిల్స్ గురించి కూడా తెలుసుకుంటున్నారు. కాగా.. సేకరించిన సాంకేతిక ఆధారాలతో సైఫ్‌ను పోలీసులు విచారిస్తున్నారు. అయితే.. విచారణకు సంబంధించిన విషయాలు మాత్రం బయటకు పొక్కకుండా పోలీసులు జాగ్రత్త పడుతున్నారు.

Medchal: గుండెపోటుతో బీటెక్ విద్యార్థి మృతి.. సీఎంఆర్ కాలేజీలో విషాదం

  • Read More Telangana News And Telugu News

Related Articles

Back to top button