Entertainment

Veera Simha Reddy: వీరసింహరెడ్డి ట్రైలర్‏కు.. జూనియర్ ఎన్టీఆర్‏కు ఉన్న సంబంధం అదేనా.. ఇప్పుడు నెట్టింట ఇదే చర్చ..


జై.. బాలయ్య స్లోగన్ ఎంత ఫేమస్ అనేది చెప్పక్కర్లేదు. ఇటీవల విడుదలైన వీరసింహారెడ్డి ట్రైలర్ లోనూ ఈ స్లోగన్ వినిపించిన సంగతి తెలిసిందే. అయితే ఇప్పుడు దీని గురించి నెట్టింట చర్చ మొదలైంది.

అఖండ సినిమాతో బాక్సాఫీస్ వద్ద సంచలనం సృష్టించిన నందమూరి నటసింహం బాలకృష్ణ ఇప్పుడు వీరసింహా రెడ్డి సినిమాతో సెన్సెషన్ క్రియేట్ చేసేందుకు సిద్ధమయ్యారు. ఆయన ప్రధాన పాత్రలో డైరెక్టర్ గోపిచంద్ మలినేని తెరకెక్కిస్తోన్న మాస్ యాక్షన్ ఎంటర్టైనర్ వీరసింహారెడ్డి. ఇప్పటికే అన్ని కార్యక్రమాలు కంప్లీట్ చేసుకున్న ఈ సినిమా సంక్రాంతి కానుకగా జనవరి 12న విడుదల కాబోతుంది. ఈ చిత్రాన్ని అత్యంత ప్రతిష్టాత్మకంగా మైత్రీ మూవీ మేకర్స్ నిర్మించగా.. ఇందులో బాలయ్య సరసన శ్రుతి హాసన్ కథానాయికగా నటిస్తుంది. ఇప్పటికే విడుదలైన సాంగ్స్.. ట్రైలర్ అంచనాలు పెంచేసాయి. ఇక ఇటీవల జరిగిన ప్రీ రిలీజ్ వేడుకలో విడుదల చేసిన ట్రైలర్ కు అద్భుతమైన రెస్పాన్స్ వస్తుంది.

ఇందులో బాలయ్య విశ్వరూపం చూపించారు. ముఖ్యంగా బాలయ్య చెప్పిన డైలాగ్స్ సోషల్ మీడియాను షేక్ చేస్తున్నాయి. అలాగే..ఈ ట్రైలర్ లో ఆయన చెప్పిన ఓ డైలాగ్‏కు జూనియర్ ఎన్టీఆర్ కు సంబంధముందని టాక్ వినిపిస్తుంది. అదే.. ” పది నిమిషాల్లో క్లోజ్ అయ్యే ఏ పబ్ దగ్గరికైనా వెళ్లి అడుగు.. అక్కడ నీకో స్లోగన్ వినిపిస్తుంది ” అనగానే.. “జై బాలయ్య..” అంటూ వాయిస్ వస్తుంది. ఇప్పుడు ఆ వాయిస్ ఎవరిదనే చర్చ జరుగుతుంది నెట్టింట. ఈ స్లోగన్ లో వచ్చిన వాయిస్ గతంలో జూనియర్ ఎన్టీఆర్ చెప్పిందేనని అంటున్నారు నందమూరి ఫ్యాన్స్.

గతంలో డైరెక్టర్ రాజమౌళి కుమారుడు కార్తికేయ పెళ్లిలో ఎన్టీఆర్ జై బాలయ్య అంటూ స్లోగన్ చెప్పిన సంగతి తెలిసిందే. ఇప్పుడు అదే వాయిస్ ను కట్ చేసి ట్రైలర్ లో పెట్టారని.. రిపీట్ చేసి వింటే అర్థమవుతుందని అంటున్నారు. ఇందుకు సంబంధించిన వీడియోస్ ను షేర్ చేస్తున్నారు ఫ్యాన్స్. ఇందులో నిజమెంత ఉందో తెలియదు కానీ..ప్రస్తుతం జై బాలయ్య స్లోగన్ మాత్రం సోషల్ మీడియాలో హల్చల్ అవుతుంది. మీరు ఓసారి వినేయండి.



ఇవి కూడా చదవండి

Advertisement

మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.

లేటెస్ట్ న్యూస్ హైలెట్స్ చూడండి



Related Articles

Back to top button