News

director surender reddy, Agent మూవీ సెట్‌లో గాయపడిన డైరెక్టర్ సురేందర్ రెడ్డి.. కాలికి కట్టుతో డైరెక్షన్ – tollywood director surender reddy injured on agent movie set


అక్కినేని అఖిల్ (Akhil Akkineni) హీరోగా నటిస్తున్న ‘ఏజెంట్’ మూవీ (Agent Movie)కి దర్శకత్వం వహిస్తున్న సురేందర్ రెడ్డి (Surender Reddy) గాయపడ్డాడు. హైదరాబాద్‌ పరిసరాల్లో ఈ మూవీ షూటింగ్ జరుపుకుంటుండగా డైరెక్టర్ సురేందర్ రెడ్డి ఎడమ కాలికి గాయమైంది. దాంతో ఆసుపత్రికి వెళ్లి చికిత్స తీసుకున్న సురేందర్ రెడ్డి మళ్లీ లోకేషన్‌కి వచ్చి డైరెక్షన్‌ని కొనసాగించాడు. ఈ మేరకు సోషల్ మీడియాలో ఫొటోలు వైరల్‌గా మారాయి. లొకేషన్‌లో కాలికి కట్టుతోనే డైరెక్టర్ తిరుగుతూ కనిపించాడు.

ఏజెంట్ మూవీని యాక్షన్ థ్రిల్లర్‌గా గత ఏడాది నుంచి సురేందర్ రెడ్డి తెరకెక్కిస్తున్నాడు. ఇప్పటికే ఈ మూవీకి సంబంధించి కొన్ని పోస్టర్స్, టీజర్ రిలీజైంది. సిక్స్ ప్యాక్‌తో కనిపించిన అఖిల్ ప్రమాదకర యాక్షన్ స్టంట్స్ చేస్తూ అందులో కనిపించాడు. ఈ మూవీలో అఖిల్‌కి జోడీగా సాక్షి వైద్య నటిస్తోంది. అలానే మలయాళీ సీనియర్ నటుడు మమ్ముట్టి ఒక ప్రధాన పాత్రలో నటిస్తున్నాడు.

వక్కంతం వంశీ ఈ మూవీకి కథని అందించగా.. హిప్ హాప్ తమిళన్ మ్యూజిక్ డైరెక్టర్‌గా వ్యవహరిస్తున్నాడు. ఏకే ఎంటర్‌టైన్మెంట్స్ బ్యానర్‌పై అనిల్ సుంకర ఈ మూవీని నిర్మిస్తున్నాడు. కిక్ మూవీతో వెలుగులోకి వచ్చిన సురేందర్ రెడ్డికి ఆ తర్వాత కొన్ని చేదు అనుభవాలు ఎదురైనా.. మెగాస్టార్ చిరంజీవి ‘సైరా నరసింహా రెడ్డి’ మూవీతో మళ్లీ జోరందుకున్నాడు. దాంతో ఈ ఏజెంట్‌పై ఇప్పటికే అంచనాలు పెరిగిపోయాయి. వాస్తవానికి ఈ మూవీ గత ఏడాదే రిలీజ్ అవుతుందని అక్కినేని అభిమానులు ఆశించారు. కానీ వాయిదాలు పడుతూ వస్తోంది.

Related Articles

Back to top button