News

dil raju, Vaarasudu మూవీ గురించి మాట్లాడుతూ దిల్ రాజు ఎమోషనల్.. కష్టాలు అన్నీ ఇన్నీ కావు! – producer dil raju gets emotional at vaarasudu movie press meet


తమిళ్ హీరో విజయ్ (Vijay) నటించిన ‘వారీసు’ మూవీ తెలుగులో వారసుడు (Vaarasudu) పేరుతో శనివారం (జనవరి 14)న థియేటర్లలోకి రాబోతోంది. ఇప్పటికే బుధవారం తమిళ్‌లో విడుదలైన ఈ సినిమా పాజిటివ్ టాక్‌తో దూసుకెళ్తోందని చెప్పుకొచ్చిన వారీసు టీమ్.. తెలుగు ప్రేక్షకులకి కూడా నచ్చుతుందని ధీమా వ్యక్తం చేసింది. ఈ మేరకు ఈరోజు నిర్వహించిన ప్రెస్‌మీట్‌లో మాట్లాడుతూ ప్రొడ్యూసర్ దిల్ రాజు (Dil Raju) ఎమోషనల్ అయిపోయారు. తన 50 సినిమాల జర్నీలో ఇలాంటి పరిస్థితి చూడలేదంటూ ఆవేదన వ్యక్తం చేశారు.

దిల్ రాజు మాట్లాడుతూ ‘వారీసు సినిమాని తమిళనాడులో జర్నలిస్ట్‌ల కోసం ప్రదర్శించాం. చాలా మంది ఫ్యామిలీతో కలిసి వచ్చి ఆ మూవీని చూశారు. సినిమా అయిపోయిన తర్వాత అందరూ లేచి చప్పట్లు కొట్టి మరీ చిత్ర యూనిట్‌ని అభినందించారు. దాంతో డైరెక్టర్ వంశీ పైడిపల్లి, మ్యూజిక్ డైరెక్టర్ తమన్ ఎమోషనల్ అయ్యి కన్నీళ్లు పెట్టుకున్నారు. తెలుగు సినిమా సత్తాని ఆర్ఆర్ఆర్ మూవీ ప్రపంచానికి చాటింది.. మేము తమిళ్ ఇండస్ట్రీలో హిట్ కొట్టాం’ అని చెప్పుకొచ్చారు.

వారసుడు సినిమా రిలీజ్‌కి ముందు థియేటర్ల కేటాయింపుపై చెలరేగిన వివాదం గురించి పరోక్షంగా దిల్ రాజు మాట్లాడుతూ ‘గత కొన్నేళ్లుగా దాదాపు 50 సినిమాలు చేశాను. కానీ ఇన్నేళ్ల నా జర్నీలో ఇలాంటి పరిస్థితిని ఎప్పుడూ చూలేదు. వీరసింహా రెడ్డి, వాల్తేరు వీరయ్య సినిమాలు హిట్ అవ్వాలి. ఈ రెండు సినిమాలకి బాగా డబ్బులు రావాలి. అలానే మా వారసుడు కూడా హిట్ అయ్యి డబ్బులు రావాలి’’ అని దిల్ రాజు ఆకాక్షించారు.

డైరెక్టర్ వంశీ పైడిపల్లి మాట్లాడుతూ ‘ప్రొడక్షన్ డిజైనర్‌ సునీల్ బాబుకి ఈ చిత్రాన్ని అంకితమిస్తున్నాం. నిజానికి షూటింగ్ సమయంలోనే అనారోగ్యంగా కనిపించడంతో రెస్ట్ తీసుకోమని సూచించాం. కానీ ఆయన వినలేదు. మూవీ కోసం ప్రాణమైన ఇస్తాను అని అప్పట్లో ఎమోషనల్‌గా చెప్పారు’ అని గుర్తు చేసుకున్నారు. మ్యూజిక్ డైరెక్టర్ తమన్ మాట్లాడుతూ ‘నేను కన్నీళ్లు పెట్టుకుని దాదాపు 15 ఏళ్లు అయ్యింది. వారసుడు మూవీలో మ్యూజిక్, బీజీఎం చూసిన తర్వాత ఎమోషనల్ అయిపోయాను. ఆటోమేటిక్‌గా కన్నీళ్లు వచ్చేశాయి’ అని చెప్పుకొచ్చాడు.

Related Articles

Back to top button