News

death certificate ad viral, సోషల్ మీడియాను షేక్ చేస్తున్న డెత్ సర్టిఫికెట్ యాడ్… నెటిజన్ల స్పందన ఇది..! – newspaper ad about losing his death certificate takes internet by storm


ఏదైనా తేడాగానో… వింతగానో కనిపిస్తే చాలు సోషల్ మీడియాలో ఓ రేంజ్‌లో వైరల్ అవుతుంది. ఓ విచిత్రమైన యాడ్ ఇప్పుడు.. నెటిజన్లను ఆకట్టుకుంటుంది. చాలా అసాధారణంగా కనిపించిన ఆ యాడ్‌పై చాలామంది రకరకాలుగా ప్రతిస్పందిస్తున్నారు. ఆదివారం ట్విట్టర్‌లో ఇండియన్ పోలీస్ సర్వీస్ (IPS) అధికారి రూపిన్ శర్మ ఓ న్యూస్ పేపర్‌లో ప్రింట్ అయిన యాడ్‌ ఫోటోను షేర్ చేశారు. అందులో ఒక వ్యక్తి తన మరణ ధ్రువీకరణ పత్రాన్ని కోల్పోయినట్లు పేర్కొన్నాడు. “నేను 07/09/22 తేదీన ఉదయం పది గంటల సమయంలో లుమ్డింగ్ బజార్ దగ్గర (అసోంలో) నా మరణ ధ్రువీకరణ పత్రాన్ని పోగొట్టుకున్నాను” అందులో సర్టిఫికెట్ రిజిస్ట్రేషన్ నెంబర్.. వారి ఇంటి అడ్రస్‌ను కూడా ఇచ్చారు.

Read Also:అయోధ్యలో సీఎం ఆదిత్యనాథ్‌ గుడి.. ప్రతిరోజూ పూజలు

ఇది ఇండియాలో మాత్రమే జరుగుతుందని రూపిన్ శర్మ పేర్కొంటూ.. దీనిని పోస్ట్ చేశారు. ఈ యాడ్ ఇంటర్‌నెట్‌లో సంచలనం సృష్టిస్తుంది. నెటిజన్లు విపరీతంగా స్పందిస్తున్నారు. ఫన్నీ కామెంట్లతో హోరెత్తిస్తున్నారు. కొందరు ఆ వ్యక్తి స్వర్గం నుంచి సహాయం కోరుతున్నాడా..? .. పోగొట్టుకున్న వస్తువులను కనుగొన్న తర్వాత ఎక్కడ ఇవ్వాలి..? అని సరదాగా కామెంట్లు పెట్టారు. సర్టిఫికెట్ దొరికితే స్వర్గంలో ఇవ్వాలా..? నరకంలో.. ఇవ్వాలా..? అని మరొకరు ప్రశ్నించారు. “ఇది ‘యాడ్-భూత్’ అని మరొకరు వ్యాఖ్యానించారు.

“ఎవరైనా దానిని కనుగొంటే, దయచేసి అతని మరణ ధ్రువీకరణ పత్రాన్ని అతనికి తిరిగి ఇవ్వండి. దీనిని అత్యవసరంగా పరిగణించండి. లేకపోతే దెయ్యం కోపంగా ఉంటుంది.” అని ఒకరు వ్యాఖ్యానించారు. ఇలాంటి వింత వింత ఫోటోలు, యాడ్స్‌ను, విచిత్రమైన ఆలోచనలను నెటిజన్లు ఇట్టే పట్టేస్తుంటారు. మరీ విచిత్రంగా అనిపిస్తే.. ఇలాగే చీల్చిచెండాడుతారు కూడా. ఈ ఏడాది ప్రారంభంలో ఒక ఫార్మసిస్ట్ వినూత్న పెళ్లి ఆహ్వాన పత్రిక నెటిజన్లు ఇలాగే రియాక్ట్ అయ్యారు. ఓ ట్యాబ్లెట్ షీట్‌పై వెడ్డింగ్ కార్డ్‌ను ప్రింట్ చేయడంపై యూజర్లు చాలా ఫన్నీగా కామెంట్లు పెట్టారు. ఇదే కాదు.. గతంలో కూడా ఇలాంటివి క్షణాల్లో వైరల్ అయి.. నెటిజన్ల దృష్టిని ఆకర్షించాయి.

Read More: National News and Telugu News

Related Articles

Back to top button