News
dc vs csk highlights, IPL 2023: ఢిల్లీ కెప్టెన్ పోరాడినా.. దర్జాగా ప్లేఆఫ్స్‌కి చేరిన చెన్నై – chennai super kings beat delhi capitals by 77 runs in ipl 2023
224 పరుగుల ఛేదనలో ఢిల్లీ టీమ్ ఆరంభంలోనే వరుసగా వికెట్లు చేజార్చుకుంది. ఓపెనర్ పృథ్వీ షా (5), నెం.3లో వచ్చిన ఫిలిప్ సాల్ట్ (3), రిలీ రొసౌ (0), యశ్ ధుల్ (13), అక్షర్ పటేల్ (15) వరుసగా పెవిలియన్‌కి క్యూ కట్టారు. కానీ ఒక ఎండ్‌లో వికెట్లు పడుతున్నా కెప్టెన్ డేవిడ్ వార్నర్ పట్టుదలతో క్రీజులో నిలిచాడు. చెన్నై స్పిన్నర్ రవీంద్ర జడేజాని టార్గెట్‌గా చేసుకున్న డేవిడ్ వార్నర్.. ఒకే ఓవర్‌లో మూడు సిక్సర్లు, ఒక ఫోర్ బాదేశాడు. దెబ్బకి జడేజా 4 ఓవర్లలోనే 50 పరుగులు సమర్పించుకున్నాడు. కానీ.. అతనికి టీమ్‌లో సపోర్ట్ కరవైంది. టీమ్ స్కోరు 144 వద్ద వార్నర్ ఔటైపోగా.. అమన్ హకీమ్ ఖాన్ (7), లలిత్ యాదవ్ (6), ఆన్రిచ్ నోకియా (0), కుల్దీప్ యాదవ్ (0) వరుసగా వికెట్లు చేజార్చుకున్నారు. చెన్నై బౌలర్లలో దీపక్ చాహర్ 3 వికెట్లు పడగొట్టగా.. థీక్షణ, పతిరన చెరో రెండు, తుషార్ దేశ్‌పాండే, రవీంద్ర జడేజా తలో వికెట్ తీశారు.
మ్యాచ్‌లో అంతకముందు ఓపెనర్లు దేవాన్ కాన్వె (87: 52 బంతుల్లో 11×4, 3×6), రుతురాజ్ గైక్వాడ్ (79: 50 బంతుల్లో 3×4, 7×6) అర్ధ శతకాలు సాధించడంతో టాస్ గెలిచి ఫస్ట్ బ్యాటింగ్ చేసిన చెన్నై 3 వికెట్ల నష్టానికి 223 పరుగులు చేసింది. ఢిల్లీ టీమ్ బౌలర్లలో నోకియా, చేతన్ సకారియా, ఖలీల్ తలో వికెట్ తీశారు. కానీ.. ఢిల్లీ టీమ్‌లోని బౌలర్లందరూ ఓవర్‌కి కనీసం 9 పరుగులపైనే సమర్పించుకున్నారు.
