News
dc vs csk, CSK ఓపెనర్లు వీరబాదుడు.. ఢిల్లీ టార్గెట్ 224 – chennai super kings 224 run target for delhi capitals in ipl 2023
మ్యాచ్‌లో టాస్ గెలిచిన చెన్నై సూపర్ కింగ్స్ కెప్టెన్ ధోనీ బ్యాటింగ్ ఎంచుకున్నాడు. దాంతో ఇన్నింగ్స్‌ని స్టార్ట్ చేసిన దేవాన్ కాన్వె – రుతురాజ్ గైక్వాడ్ జోడి.. ఫస్ట్ నుంచే టాప్‌గేర్‌లో ఆడేసింది. మ్యాచ్‌లో తప్పక గెలవాల్సి ఉండటంతో భారీ స్కోరుపై కన్నేసిన ఈ ఓపెనర్లు ఓవర్‌కి 10 పరుగుల చొప్పున రాబడుతూ తొలి వికెట్‌కి 14.3 ఓవర్లలో 141 పరుగుల భాగస్వామ్యం నెలకొల్పారు. ఈ క్రమంలో ఇద్దరూ సెంచరీలు సాధించేలా కనిపించారు. కానీ ఇద్దరూ మూడంకెల స్కోరుని నమోదు చేయలేకపోయారు. రుతురాజ్‌ని చేతన్ సకారియా ఔట్ చేయగా.. దేవాన్ కాన్వెని నోర్తేజ్ పెవిలియన్ బాట పట్టించాడు.
అనంతరం నెం.3లో బ్యాటింగ్‌కి వచ్చిన శివమ్ దూబె 9 బంతుల్లోనే 3 సిక్సర్ల సాయంతో 22 పరుగులు చేసి ఔటైపోగా.. నెం.5లో వచ్చిన రవీంద్ర జడేజా కూడా 7 బంతుల్లోనే 3 ఫోర్లు, 1 సిక్స్ సాయంతో అజేయంగా 20 రన్స్ చేశాడు. కానీ.. బ్యాటింగ్ ఆర్డర్‌లో కాస్త ముందు వచ్చిన కెప్టెన్ మహేంద్రసింగ్ ధోనీ మాత్రం 4 బంతులాడి కేవలం 5 పరుగులే చేశాడు. ఫ్రీ హిట్ రూపంలో లాస్ట్‌ బాల్‌కి హిట్టింగ్ చేసే ఛాన్స్ వచ్చినా ధోనీ సింగిల్‌తో సరిపెట్టాడు.
