News

credit card, NPS Tier II Accounts: క్రెడిట్ కార్డు పేమెంట్లు బ్యాన్.. పెన్షన్ ఫండ్ రెగ్యులేటరీ కీలక నిర్ణయం – pfrda has decided to ban credit card use in nps tier ii accounts


NPS Tier II Accounts: పెన్షన్ పండ్ రెగ్యులేటరీ అండ్ డెవలప్‌మెంట్ అథారిటీ(PFRDA) కీలక నిర్ణయం తీసుకుంది. National Pension System(NPS) టైర్ 2 అకౌంట్లను సబ్‌స్క్రిప్షన్ చేసుకునేందుకు, ఈ అకౌంట్లలో డబ్బులు జమ చేసేందుకు చేసే క్రెడిట్ కార్డు పేమెంట్లను రద్దు చేసినట్టు పీఎఫ్‌ఆర్‌డీఏ ప్రకటించింది. తక్షణమే ఎన్‌పీఎస్ టైర్ 2 అకౌంట్లకు క్రెడిట్ కార్డు పేమెంట్లను స్వీకరించడాన్ని ఆపివేయాలని పాయింట్స్ ఆఫ్ ప్రజెన్స్(పీఓపీలను)ను కూడా ఈ పెన్షన్ ఫండ్ రెగ్యులేటరీ బాడీ ఆదేశించింది.
బుధవారం పీఎఫ్‌ఆర్‌డీఏ జారీ చేసిన సర్క్యూలర్ ప్రకారం.. ఎన్‌పీఎస్ టైర్ 2 అకౌంట్లకు చేసే పేమెంట్స్ విధానంగా క్రెడిట్ కార్డు వాడకాన్ని నిషేధిస్తున్నట్టు తెలిపింది. దీంతో ఎన్‌పీఎస్ టైర్ 2 అకౌంట్ల సబ్‌స్క్రిప్షన్‌కు, కంట్రిబ్యూషన్లకు క్రెడిట్ కార్డు ద్వారా పేమెంట్లు చేయడం కుదరదని చెప్పింది. పెన్షన్ ఫండ్ రెగ్యులేటరీ అండ్ డెవలప్‌మెంట్ అథారిటీ యాక్ట్ 2013(PFRDA Act)లోని సెక్షన్ 14 కింద ఈ అథారిటీ ఎన్‌పీఎస్ టైర్ 2 అకౌంట్లకు క్రెడిట్ కార్డుల వాడకాన్ని నిషేధించాలని నిర్ణయించినట్టు రెగ్యులేటరీ తెలిపింది. సబ్‌స్క్రైబర్ల ప్రయోజనార్థం ఈ నిర్ణయం తీసుకున్నట్టు చెప్పింది.

ఎన్‌పీఎస్ టైర్ 2 అకౌంట్లంటే ఏమిటి..?
ఎవరికైతే టైర్ 1 అకౌంట్‌ ఉంటుందో వారు మాత్రమే ఎన్‌పీఎస్ టైర్ 2 అకౌంట్ తెరిచేందుకు అర్హులు. ఇది పూర్తిగా స్వచ్ఛందంగా తీసుకోవచ్చు. ఎన్‌పీఎస్ టైర్ 2 అకౌంట్ తెరిచే సమయంలో కనీసం రూ.1000 కంట్రిబ్యూట్ చేయాలి. అప్పర్ లిమిట్ అంటూ ఏమీ లేదు. హెచ్‌డీఎఫ్‌సీ బ్యాంకు వెబ్‌సైట్ ప్రకారం.. టైర్ 2 ఎన్‌పీఎస్ అకౌంట్ విత్ డ్రాయల్ విషయంలో మంచి ఫ్లెక్సిబిలిటీని ఆఫర్ చేస్తుంది. అయితే ఎన్‌పీఎస్ టైర్ 2 పెట్టుబడులు ట్యాక్స్ ఫ్రీ కావు.

ఎన్‌పీఎస్ టైర్ 2 అకౌంట్లకు పేమెంట్లు ఎలా చేయాలి..?
https://enps.nsdl.com/eNPS లేదా ఎన్‌పీఎస్ మొబైల్ యాప్ ద్వారా వీటికి ఆన్‌లైన్ ద్వారా కంట్రిబ్యూషన్లు చేయొచ్చు. డెబిట్ కార్డు లేదా నెట్ బ్యాంకింగ్ ద్వారా ఈ పేమెంట్లు చేపట్టవచ్చు. అంతేకాక ఏదైనా పీఓపీ-ఎస్‌పీ లేదా సంబంధిత నోడల్ ఆఫీసు ద్వారా కూడా కంట్రిబ్యూషన్స్ చేసుకోవచ్చు.

Also Read : హెచ్‌డీఎఫ్‌సీ బ్యాంకు కస్టమర్లకు సరికొత్త సర్వీసులు.. వాట్సాప్ ద్వారానే ఉచితంగా..

Also Read : స్విగ్గీ ఉద్యోగులకు మరో ఆఫర్.. ఎక్కువ డబ్బులు సంపాదించుకునే అవకాశం!

Related Articles

Back to top button