News

conductor vizag jhansi, Conductor Jhansi: కండక్టర్​ ఝాన్సీ డ్యాన్స్‌కు సంపూర్ణేష్ బాబు ఫిదా.. సినిమాలో ఆఫర్ – sampoornesh babu gives chance to conductor vizag jhansi for item song in his next movie


కండెక్టర్ ఝాన్సీ (Conductor Jhansi) సినిమా ఆఫర్ ఛాన్స్ కొట్టేసింది. ఆమె డ్యాన్స్ పర్ఫామెన్స్‌ చూసి ఫిదా అయిన హీరో సంపూర్ణేష్ బాబు స్వయంగా కాల్ చేసి మాట్లాడారు. తన సినిమాలో ఐటమ్ సాంగ్‌లో నటించాలని చెప్పాడు.

 

కండక్టర్ ఝాన్సీ
కండెక్టర్ ఝాన్సీ (Conductor Jhansi) గురించి బుల్లితెర ప్రేక్షకులకు ప్రత్యేక పరిచయం అక్కర్లేదు. ‘చింపిరి జుట్టు దాన్ని.. చెవులు ఇరుసున చుట్టదాన్ని.. చేతిలా అగ్గిపెట్టి దాన్ని..’ అంటూ సాంగ్ ఆమె వేసిన స్టెప్పులు సోషల్ మీడియాను షేక్ చేశారు. తన డ్యాన్స్‌తో అందరినీ మెస్మరైజ్ చేసింది. ఓ వైపు గాజువాక డిపో కండక్టర్‌గా పనిచేస్తూనే.. మరోవైపు స్టేజ్‌లపై డ్యాన్స్ ప్రోగ్రామ్స్ చేస్తోంది. గతంలో ఎన్నో స్టేజ్‌లపై డ్యాన్స్‌ వేసినా ఆమెకు గుర్తింపు రాలేదు. కానీ.. శ్రీదేవి డ్రామా కంపెనీ షోలో తన పర్ఫామెన్స్‌తో ఆడియన్స్ చూపు తన వైపు తిప్పుకుంది.

కండక్టర్ ఝాన్సీ డ్యాన్స్‌కు హీరో సంపూర్ణేష్ బాబు ఫిదా అయ్యాడు. ఆమె గురించి తెలుసుకుని ప్రత్యేకంగా ఫోన్ చేశాడు. తన సినిమాలో ఐటమ్ సాంగ్‌లో డ్యాన్స్ వేయాలని చెప్పాడు. స్వయంగా సినీ హీరో ఫోన్ చేయడంతో ఝాన్సీ తెగ ఆనందపడిపోతుంది. సినిమా ఆఫర్ రావడంతో వెంటనే గ్రీన్ సిగ్నల్ ఇచ్చింది. ఆమె ఇన్నాళ్ల పడ్డ కష్టానికి ఇప్పుడు మంచి అవకాశాలు వస్తున్నాయని నెటిజన్లు అంటున్నారు.

గాజువాక డిపో కండక్టర్‌గా 11 ఏళ్లుగా పనిచేస్తోంది ఝాన్సీ. డ్యాన్స్ పర్ఫామెన్స్‌లు ఇస్తూ.. కుటుంబాన్ని పోషించుకుంది. తమ్ముడిని ఎంబీఏ చదివించింది. స్టేజ్‌లపై డ్యాన్సులు వేయడంతో ఎంతో మంది రకరకాల మాటలు అనుకున్నా.. కుటుంబం కోసం అన్ని భరించింది. గతంలో ఎన్నో టీవీ షోలలో డ్యాన్స్‌లతో దుమ్మురేపినా.. సోషల్ మీడియా లేకపోవడం పెద్దగా పేరురాలేదు. కానీ రీసెంట్‌గా శ్రీదేవి డ్రామా కంపెనీ షోలో తన డ్యాన్స్‌ పర్ఫామెన్స్‌తో అందరికీ పరిచయమైపోయింది ఝాన్సీ.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button