News

command control centre, సంస్కారవంతమైన పోలీసింగ్ వ్యవస్థ నిర్మాణం కావాలి: సీఎం కేసీఆర్ – civilized policing system should be built said by cm kcr


command control centre: పనిచేయాలి ఆన్న చిత్తశుద్ది ఉంటే.. తప్పకకుండ గమ్యం చేరుకోవచ్చని ముఖ్యమంత్రి కేసీఆర్ అన్నారు. అందుకు ఉదాహరణ కమాండ్ కంట్రోల్ సెంటర్ అని స్పష్టం చేశారు. పోలీసు అధికారుల్లో ఉన్న ఓర్పు, నేర్పు ఎంతో గొప్పదని ప్రశంసించారు. హ్యూమన్ కమ్యూనిటీ భూమ్మీద ఉన్నంత కాలం పోలీసింగ్ వ్యవస్థ ఉంటుందని చెప్పారు. కమాండ్ కంట్రోల్ సెంటర్ అవశ్యకత గురించి డీజీపీ మహేందర్ రెడ్డి (DGP Mahendar Reddy) వివరించేవారని.. ఆయనే ఈ బిల్డింగ్ రూపల్పన చేశారని వివరించారు. అయన ఆలోచన మేరకే ఈ ప్రాజెక్ట్ రూపకల్పన జరిగిందని స్పష్టం చేశారు.

ఎంతో ఆనందం కలిగింది..
కమాండ్ కంట్రోల్ సెంటర్ పైకి వెళ్లి చూసినప్పుడు ఎంతో ఆనందం కలిగిందని ముఖ్యమంత్రి కేసీఆర్ (CM KCR) చెప్పారు. రెండేళ్ల కిందట్ ఈ భవనం పూర్తి కావాల్సి ఉందన్న సీఎం.. కొన్ని కారణాల వల్ల ఆలస్యమైందని వివరించారు. మాజీ డీజీపీలను, పోలీస్ శాఖలో సేవలు అందించిన విశ్రాంత అధికారులను కమాండ్ కంట్రోల్ సెంటర్ కు ఆహ్వానించాలని సీఎం కేసీఆర్ సూచించారు. వారిచ్చే సలహాలు సూచనలు తీసుకుని.. ఏవైనా మార్పులుచేర్పులు ఉంటే చేయాలని ఆదేశించారు.

సైబర్ క్రైమ్ తగ్గాలి..
ప్రపంచం మొత్తాన్ని కుదిపేస్తున్న అంశం సైబర్ క్రైమ్ (Cyber Crime) అని సీఎం కేసీఆర్ వ్యాఖ్యానించారు. ఇది క్రిటికల్ సబ్జెక్ట్ అని.. రాష్ర్టంలో సైబర్ నేరాలను అరికట్టడానికి డీజీపీకి ఓ సూచన చేశానని కేసీఆర్ చెప్పారు. ఒక డీజీని గానీ.. అడిషనల్ డీజీని గానీ నియమించి అధ్యయనం చేయాలని సూచించినట్టు వెల్లడించారు. హైదరాబాద్ నగరంలో నేరాల స్వరూపం మారుతోందని.. నేరస్తులు కూడా తమ రూట్ మారుస్తున్నారని కేసీఆర్ అన్నారు.

డ్రగ్స్ నిర్మూలన కావాలి..
సమాజం జీవికను శాసించే భయంకర విషయం డ్రగ్స్ (Drugs) అని సీఎం కేసీఆర్ కామెంట్ చేశారు. దీని నిర్మూలనకు కృషిచేయాలని సూచించారు. తెలంగాణ పోలీసులు దేశంలో మొదటి స్థానం అని పేరు తెచ్చుకునేలా పని చేయాలని ఆదేశించారు. అద్భుతమైన రీతిలో తెలంగాణ పోలీసుల పనితీరు ఉందని.. మరింత ఉత్సాహంతో పోలీసులు ముందుకెళ్లాలని సూచించారు. ప్రభుత్వం పోలీస్ శాఖకు అండగా ఉంటుందని ముఖ్యమంత్రి కేసీఆర్ స్పష్టం చేశారు.

పాత పద్దతిలో కాదు..
ఫ్రెండ్లీ పోలీసింగ్, సంస్కారవంతమైన పోలీసింగ్ వ్యవస్థ నిర్మాణం అవ్వాలని సీఎం కేసీఆర్ సూచించారు. పోలీసులు పాత పద్దతిలో కాకుండా.. మెరుగ్గా పనిచేసేలా ఆలోచించాలన్నారు. సంకల్పం ఉంటే ఏదైనా సాధ్యమేనని.. సంకల్ప బలానికి ప్రతీక ఈ కమాండ్ కంట్రోల్ సెంటర్ అని అన్నారు. గుడుంబా, పేకాట వంటి జాడ్యాలను నిర్మూలించడలో పోలీసులు కీలక పాత్ర పోషించారని వివరించారు. కమాండ్ కంట్రోల్ సెంటర్ ద్వారా అద్భుతమైన ఫలితాలు సాధించాలని ఆశిస్తున్నట్టు వెల్లడించారు.

మారేది అయన యూనిఫాం మాత్రమే..
డిసెంబర్ దాకా డీజీపీ మహేందర్ రెడ్డి సర్వీస్ ఉందని.. మారేది అయన యూనిఫాం మాత్రమేనని కేసీఆర్ వ్యాఖ్యానించారు. పదవీ విరమణ పొందినా కూడా మహేందర్ రెడ్డి సేవలు కొనసాగాలని ఆకాంక్షించారు. ఆయన్ను వదులుకోబోమని.. ఆయన సేవలు వినియోగించుకుంటామని కేసీఆర్ స్పష్టం చేశారు.

Related Articles

Back to top button