News

comedian ali, Pawan Kalyan తో గొడవ గురించి పెదవి విప్పిన అలీ.. మళ్లీ కలవబోతున్నారట – comedian ali once again clarifies about relationship with pawan kalyan


Authored by Rajendra Galeti | Samayam Telugu | Updated: 1 Nov 2022, 9:01 am

Pawan Kalyan, Comedian Ali మధ్య మూడేళ్ల క్రితం వరకు మంచి ర్యాపో ఉండేది. పవన్ కళ్యాణ్‌కి అత్యంత సన్నిహితుల్లో అలీ కూడా ఒకరు. కానీ ఒకే ఒక్క రోజు పవన్ ఓ మాట అనగానే .. అలీ కూడా రెచ్చిపోయి ఘాటుగా కౌంటరిచ్చాడు. ఆ తర్వాత ఇద్దరు ఇప్పటి వరకు కలిసింది లేదు.

 

పవన్‌తో మళ్లీ కలవబోతున్న అలీ
పవర్ స్టార్ పవన్ కళ్యాణ్‌ (Pawan Kalyan)తో విభేదాలపై సీనియర్ కమెడీయన్ అలీ (Comedian Ali) పెదవి విప్పారు. పవన్ కళ్యాణ్ కెరీర్ ఆరంభం నుంచి 2019 వరకు అతను నటించిన దాదాపు అన్ని సినిమాల్లోనూ అలీ యాక్ట్ చేశాడు. కానీ 2019లో అలీ వైసీపీలో చేరగా అప్పటి నుంచి ఇద్దరి మధ్య భేదాభిప్రాయాలు వచ్చాయి. అలీ గురించి ఓసారి జనసేన (JanaSena) అధ్యక్షుడి హోదాలో పవన్ ఘాటుగా విమర్శలు గుప్పించగా.. అలీ అంతకు మించి అనేలా స్వయంకృషితో నేను పైకొచ్చాను తప్ప నీలా చిరంజీవి వేసిన బాటలో రాలేదంటూ కౌంటరిచ్చారు. ఇక అక్కడి నుంచి ఇద్దరి మధ్య దూరం పెరిగిపోతూ వచ్చింది.

అలీకి ఆంధ్రప్రదేశ్ ప్రభుత్వం గత వారం ‘ఏపీ గవర్నమెంట్ ఎలక్ట్రానిక్ మీడియా సలహాదారుడు’’ పదవి ఇచ్చింది. ఒకవేళ వైసీపీ ఆదేశిస్తే 2024 ఎన్నికల్లో పోటీచేస్తానని కూడా అలీ చెప్పుకొచ్చాడు. అయితే.. మరోవైపు అలీకి ఇండస్ట్రీలో అవకాశాలు తగ్గినట్లు కనిపిస్తోంది. దాంతో సొంతంగానే ఇటీవల ‘అందరూ బాగుండాలి.. అందులో నేనుండాలి’ అనే సినిమా తీశాడు. కానీ అది ఓటీటీలోనే రిలీజ్ చేశాడు. పొలిటికల్‌గా అలీకి ఎట్టకేలకి ఒక గుర్తింపు వచ్చింది. కానీ ఇండస్ట్రీలో మళ్లీ కమ్‌బ్యాక్ చేయాలంటే ఓ కాంబినేషన్‌తో హిట్ పడాలి. అది పవన్ కళ్యాణ్‌ కాంబినేషన్‌తో అయితే బాగుంటుందని అలీ కూడా భావిస్తున్నట్లు ఉన్నాడు. ఈ క్రమంలో పవన్‌ కళ్యాణ్‌తో మళ్లీ దగ్గరయ్యేందుకు అలీ ప్రయత్నాలు ప్రారంభించాడు.

అలీ హోస్ట్‌గా చేస్తున్న ‘అలీతో సరదాగా’ షో కి త్వరలోనే పవన్ కళ్యాణ్‌ రాబోతున్నాడట. ఈ విషయాన్ని అలీనే స్వయంగా చెప్పాడు. ఇప్పటికే ఈ షో కోసం పిలిచామని బిజీ షెడ్యూల్ కారణంగా రాలేకపోయినట్లు చెప్పుకొచ్చిన అలీ.. త్వరలోనే వస్తారని కూడా క్లారిటీ ఇచ్చాడు. అలానే పవన్ కళ్యాణ్ చివరి రెండు సినిమాలు వకీల్‌సాబ్‌, భీమ్లా నాయక్‌‌లో తాను నటించలేకపోవడానికి కూడా అలీ కారణం చెప్పాడు. ఆ రెండు సినిమాలు సీరియస్ కథతో నడిచే మూవీలు కావడంతో కామెడీకి స్కోప్ లేకపోయింది.. అందుకే తనకి పిలుపురాలేదని చెప్పుకొచ్చాడు. పవన్ నెక్ట్స్ మూవీలో ఒకవేళ కామెడీకి స్కోప్ ఉంటే తప్పకుండా నాకు పిలుపు వస్తుంది.. కలిసి నటిస్తాం అని అలీ క్లారిటీ ఇచ్చాడు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button