News

chiyaan vikram, PS1 Pre Release Event: ఆయ‌న కోస‌మే నేను ‘పొన్నియిన్ సెల్వన్’ చేశాను: చియాన్ విక్ర‌మ్‌ – chiyaan vikram speech in ponniyin selvan pre release event


‘నేను నటించే ఒక్కో సినిమాలో ఓ ఎమోషన్ ఉంటుంది’ అని అన్నారు చియాన్ విక్రమ్ (Chiyaan Vikram). ఆయన ప్రధాన పాత్రలో నటించిన చిత్రం ‘పొన్నియిన్ సెల్వన్’ . ఏస్ డైరెక్టర్ మణిరత్నం (Mani Ratnam) దర్శకత్వం వహిస్తున్న ఈ సినిమాను లైకా ప్రొడక్షన్స్ (Lyca Productions), మద్రాస్‌ టాకీస్‌ (Madras Talkies)సంయుక్తంగా నిర్మిస్తున్నాయి. రెండు భాగాలుగా విడుదల కానుంది పొన్నియిన్‌ సెల్వన్‌. PS-1ని ప్రపంచవ్యాప్తంగా సెప్టెంబర్‌ 30న విడుదల చేయడానికి సన్నాహాలు చేస్తున్నారు.

చియాన్ విక్ర‌మ్ మాట్లాడుతూ ‘‘ఇక్క‌డికి సినిమా అంటే ఇష్ట‌మున్నవారంద‌రూ వ‌చ్చారు. నేను చేసిన వాటిలో ఒక్కొక్క సినిమాకు ఒక్కో సినిమా ఎమోష‌న్ ఉంటుంది. నాన్న అంటే ఎమోష‌న్‌.. శివ పుత్రుడు అంటే యాక్ష‌న్‌.. అప‌రిచితుడు అంటే పెర్ఫామెన్స్‌.. అలాంటిది పొన్నియిన్ సెల్వ‌న్ సినిమాను ఒకే ఒక సీన్ కోసం యాక్ట్ చేశాను. గుర్రంపై వ‌చ్చే సీన్‌ను మ‌ణిర‌త్నం చెప్పిన‌ప్పుడు ఆ ఒక్క సీన్‌లో నేను క‌నిపిస్తే చాల‌ని న‌టించాను. అంతే కాదు.. మంచి స్టార్ క్యాస్ట్ ఉన్న టీమ్‌తో క‌లిసి ప‌ని చేశాను. ఈ సినిమా ఓ రికార్డ్‌. ఎందుకంటే ఇందులో అంద‌రూ హీరోస్‌.. హీరోయిన్స్ న‌టించారు. పొన్నియ‌న్ సెల్వ‌న్‌లో ఒక్కొక్క క్యారెక్ట‌ర్‌లో ఒక్కో లేయ‌ర్ ఉంటుంది. అందుక‌నే అంద‌రూ ముందుకు వ‌చ్చారు. అంద‌రం మ‌ణిర‌త్నంగారి కోసం ఈ సినిమా చేశాం. ఆయ‌న నా డ్రీమ్ డైరెక్ట‌ర్‌. ఈ సినిమాలో నేను న‌టించ‌టంపై చాలా సంతోషంగా ఉంది. అద్భుత‌మైన టెక్నిషియ‌న్స్ వ‌ర్క్ చేశారు. ఎ.ఆర్‌.రెహ‌మాన్‌గారు బ్యూటీఫుల్ మ్యూజిక్ ఇచ్చారు. ఆయ‌న‌కు థాంక్స్‌’’ అన్నారు.

తమిళ్‌, హిందీ, తెలుగు, కన్నడ, మలయాళంలో ‘పొన్నియిన్ సెల్వన్’ సినిమాను ఏక సమయంలో విడుదల చేయనున్నారు. విక్రమ్‌, జయం రవి (Jayam Ravi), కార్తి, ఐశ్వర్య రాయ్‌ బచ్చన్‌, త్రిష, ఐశ్వర్య లక్ష్మి, శరత్‌కుమార్‌, విక్రమ్‌ ప్రభు, శోభిత ధూళిపాళ, జయరామ్‌, ప్రభు, పార్తిబన్‌, ప్రకాష్‌రాజ్‌ కీలక పాత్రల్లో నటిస్తున్న సినిమా ఇది.

Related Articles

Back to top button