News

chikoti praveen, ఏది పడితే అది రాసేస్తే ఎలా.. మీడియాపై చీకోటి ప్రవీణ్ అసహనం – casinoking chikoti praveen fires on media stories


తనపై మీడియా అసత్య కథనాలు ప్రసారం చేస్తోందని, కాస్త బాధ్యతగా వ్యవహరించాలని చీకోటీ ప్రవీణ్ అన్నాడు. తన పేరుతో సోషల్‌మీడియాలో వైరల్ అవుతున్న పోస్టులపై పోలీసులకు ఫిర్యాదు చేసినట్లు వెల్లడించారు.

 

ప్రధానాంశాలు:

  • రెండోరోజు ఈడీ విచారణకు హాజరైన చీకోటి ప్రవీణ్
  • మీడియా కథనాలపై అసహనం
  • ఫేక్ సోషల్‌మీడియా పోస్టులపై పోలీసులకు ఫిర్యాదు
క్యాసినో హవాలా వ్యవహారంలో ఆరోపణలు ఎదుర్కొంటున్న చీకోటీ ప్రవీణ్‌, మాధవరెడ్డి రెండోరోజు ఎన్‌ఫోర్స్‌మెంట్ డైరెక్టరేట్ అధికారుల విచారణకు హాజరయ్యారు. ఈ సందర్భంగా చీకోటి ప్రవీణ్‌ మీడియాతో మాట్లాడుతూ ఆసక్తికర వ్యాఖ్యలు చేశారు. ఈడీ విచారణ సందర్భంగా తనపై కొందరు అసత్య ప్రచారం చేస్తున్నారని ఆరోపించారు. సోషల్‌మీడియాలో తన పేరుతో ఫేక్ అకౌంట్లు క్రియేట్ చేసి రెచ్చగొట్టేలా పోస్టులు పెడుతున్నారని, దీనిపై సైబర్‌క్రైమ్ పోలీసులకు ఫిర్యాదు చేశానని తెలిపారు. మీడియా సంస్థలు సైతం పనిగట్టుకుని తనపై అసత్య కథనాలు ప్రసారం చేస్తున్నాయని ఆగ్రహం వ్యక్తం చేశారు. మీడియా వాస్తవాలను మాత్రమే ప్రచారం చేయాలని కోరారు.

విదేశాల్లో క్యాసినో నిర్వహణ, హవాలా, ఫెమా చట్టం నిబంధనలు ఉల్లంఘించినట్లు ఆరోపణలు ఎదుర్కొంటున్న చీకోటి ప్రవీణ్‌, మాధవరెడ్డి ఇంట్లో గతవారం ఈడీ అధికారులు సోదాలు చేసిన సంగతి తెలిసిందే. ఈ సందర్భంగా ప్రవీణ్ ఫోన్, ట్యాప్‌టాప్‌ను సీజ్ చేసిన ఈడీ అధికారులు కీలక సమాచారం సేకరించారు. తెలుగు రాష్ట్రాల్లో అనేక మంది ప్రజాప్రతినిధులు, సినీతారలతో ప్రవీణ్‌కు సంబంధాలున్నట్లు వెలుగులోకి వచ్చింది. మరోవైపు తనను ఎవరూ ఏం చేయలేరని, అందరి బాగోతం బయటపెడతానని చీకోటి ప్రవీణ్‌ పేరుతో కొన్ని పోస్టులు సోషల్‌మీడియాలో హల్‌చల్ చేస్తున్నాయి. ఈ నేపథ్యంలో నకిలో పోస్టులపై ప్రవీణ్‌ ఆగ్రహం వ్యక్తం చేశాడు.

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title : Telugu News from Samayam Telugu, TIL Network

Related Articles

Back to top button