News

Chief Minister Breakfast Scheme,విద్యార్థులకు కేసీఆర్ సర్కార్ అదిరిపోయే గుడ్‌న్యూస్ – telangana government announced chief minister breakfast scheme to school students


తెలంగాణలోని పాఠశాల విద్యార్థులకు కేసీఆర్ సర్కారు గుడ్ న్యూస్ వినిపించింది. విద్యావ్యవస్థను బలోపేతం చేస్తూ, విద్యార్థుల సంక్షేమానికి పాటుపడుతున్న సీఎం కేసీఆర్.. విద్యార్థుల సంక్షేమం దిశగా మరో చారిత్రక నిర్ణయం తీసుకున్నారు. దసరా కానుకగా.. రాష్ట్ర వ్యాప్తంగా ఉన్న ప్రభుత్వ ప్రాథమిక ఉన్నత పాఠశాలల్లో ఒకటో తరగతి నుంచి పదో తరగతి వరకు చదువుతున్న విద్యార్థినీ విద్యార్థులకు “ముఖ్యమంత్రి అల్పాహార పథకం” అందించనున్నట్టు సీఎం కేసీఆర్ నిర్ణయించారు. తద్వారా విద్యార్థులకు నాణ్యమైన విద్యతో పాటు మంచి పోషకాహారం అందిచే దిశగా ప్రభుత్వం పథకాన్ని అమలు చేసేందుకు సిద్ధమైంది.

ఈ పథకం ద్వారా నిరుపేద కుంటుంబాలకు చెందిన విద్యార్థులకు పౌష్టికాహారం అందించడంతో పాటు వారికి చదువు పట్ల ఏకాగ్రతను పెంచే దిశగా చర్యలు చేపట్టింది సర్కారు. ఉదయాన్నే వ్యవసాయం పనులు కూలీపనులు చేసుకోవడానికి వెల్లే విద్యార్థుల తల్లిదండ్రులు పడే ఇబ్బందులను అర్థం చేసుకున్న సీఎం కేసీఆర్ మానవీయ ఆలోచనకు అద్దంపట్టే దిశగా ఈ అల్పాహారం పథకాన్నిరాష్ట్ర ప్రభుత్వం దసరా నుంచి అమలు చేయనుంది.

కాగా.. తమిళనాడు రాష్ట్రంలో విజయవంతంగా అమలవుతున్న ఈ పథకం విధానాన్ని పరిశీలించి రావాలని ఐఎఎస్ అధికారుల బృందాన్ని సీఎం కేసీఆర్ ఇటీవలే పంపించిన విషయం తెలిసిందే. అక్కడ విజయవంతంగా అమలవుతున్న విద్యార్థులకు అల్పాహారం పథకాన్ని అధ్యయనం చేసిన అధికారుల బృందం.. సర్కారుకు నివేదిక అందించింది. తమిళనాడులో కేవలం ప్రాథమిక పాఠశాలల వరకే అమలు చేస్తున్నారనే విషయాన్ని సీఎం కేసీఆర్ దృష్టికి తీసుకువచ్చింది. కాగా విద్యార్థుల విషయంలో మానవీయ కోణంలో ఆలోచించే సీఎం కేసీఆర్.. ఖర్చుకు ఏమాత్రం వెనకాడకుండా ఉన్నత పాఠశాలల విద్యార్థులకు కూడా అల్పాహారాన్ని అందచేయాలని నిర్ణయించారు. ఇందుకు గాను రాష్ట్ర ప్రభుత్వ ఖజానాపై ప్రతి ఏటా దాదాపు రూ. 400 కోట్ల అదనపు భారం పడనుంది.

Nizamabad: బతికున్న కూతురికి తండ్రి పెద్ద కర్మ.. మొత్తం సీరియల్‌ ట్విస్టులే..!

Related Articles

Back to top button