News

chandrababu naidu, Telugu Desam Party 175 స్థానాల్లో విజయం సాధిస్తుంది: చంద్రబాబు – chandrababu said telugu desam party will win in 175 seats


Telugu Desam Party: అధికార పార్టీలో ప్రకంపనలు ప్రారంభమయ్యాయని టీడీపీ చీఫ్ చంద్రబాబు వ్యాఖ్యానించారు. జగన్‌ సొంత నియోజకవర్గం పులివెందులోనూ ఓటమి తప్పదని స్పష్టం చేశారు. భయంతోనే వైసీపీ జిల్లాల అధ్యక్షుల్ని మార్చేసిందని చంద్రబాబు స్పష్టం చేశారు.

 

చంద్రబాబు నాయుడు

ప్రధానాంశాలు:

  • వైఎస్సార్ కాంగ్రెస్ పార్టీపై చంద్రబాబు విమర్శలు
  • టీడీపీ 175 స్థానాల్లో విజయం సాధిస్తుందని ధీమా
  • పులివెందులలోనూ జగన్‌కు ఓటమి తప్పదని వ్యాఖ్య
Telugu Desam Party: 2024 ఎన్నికల్లో వైఎస్సార్ కాంగ్రెస్ పార్టీ 175 స్థానాల్లో ఓడిపోతుందని.. తెలుగుదేశం పార్టీ చీఫ్ చంద్రబాబు జోస్యం చెప్పారు. ఆఖరికి సీఎం జగన్‌ సొంత నియోజకవర్గం పులివెందులోనూ ఓటమి తప్పదని వ్యాఖ్యానించారు. తన 40 ఏళ్ల రాజకీయ జీవితంలో ఎన్నడూ చూడని స్పందన.. ఇటీవల కర్నూలు పర్యటనలో చూశానని చంద్రబాబు వివరించారు. పెద్దఎత్తున యువత తరలివచ్చారని చెప్పారు. అందుకే అధికార పార్టీలో ప్రకంపనలు ప్రారంభమయ్యాయని.. పలు జిల్లాల అధ్యక్షుల్ని మార్చేశారని చంద్రబాబు (Chandrababu) స్పష్టం చేశారు.

చంద్రబాబు చేసిన ఈ కామెంట్స్‌పై ప్రభుత్వ సలహాదారు సజ్జల రామకృష్ణా రెడ్డి (Sajjala Ramakrishna Reddy) ఘాటుగా రియాక్ట్ అయ్యారు. తన సొంత నియోజకవర్గం కుప్పంలోనే స్థానిక సంస్థల ఎన్నికల్లో గెలవలేని చంద్రబాబు.. పులివెందుల గురించి మాట్లాడటం హాస్యాస్పదంగా ఉందని ఎద్దేవా చేశారు. అసలు తమకు తెలుగుదేశం పార్టీ పోటీనే కాదని వ్యాఖ్యానించారు. 2024 ఎన్నికల్లోనూ జగన్ ప్రభంజనం సృష్టిస్తారని స్పష్టం చేశారు. కర్నూలు పర్యటనలో చంద్రబాబు చెప్పినట్టు.. ఆయనకు 2024 ఎన్నికలు ఆఖరివే అని వ్యాఖ్యానించారు. చంద్రబాబు (Chandrababu) వ్యాఖ్యలతో ఆయన సొంత పార్టీలోనే అనుమానాలు మొదలయ్యాయని వివరించారు.
Read LatestAndhra Pradesh News and Telugu News

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button