News

chandrababu naidu, కందుకూరు, గుంటూరు దుర్ఘటనలపై విచారణ.. జగన్ సర్కారు కీలక నిర్ణయం – ap government appointed sitting judge over kandukur, guntur incidents


నెల్లూరు జిల్లా కందుకూరు, గుంటూరు తొక్కిసలాట ఘటనలపై ఆంధ్రప్రదేశ్ ప్రభుత్వం జ్యుడీషియల్‌ విచారణకు ఆదేశించింది. హైకోర్టు రిటైర్డ్ న్యాయమూర్తి జస్టిస్‌ శేషశయనరెడ్డి నేతృత్వంలో కమిషన్‌ను ఏర్పాటు చేసింది. తెలుగు దేశం పార్టీ అధినేత చంద్రబాబునాయుడు సభల్లో తొక్కిసలాటకు దారితీసిన కారణాలు, బాధ్యులను గుర్తించాలని సూచించింది. ఏర్పాట్లలో లోపాలు గుర్తించాలని కమిషన్‌ను కోరింది.

ఒకవేళ అనుమతుల ఉల్లంఘన జరిగితే దానికి కారణమైన వారిని గుర్తించాలని ప్రభుత్వం పేర్కొంది. ప్రస్తుతం ఉన్న నిబంధనలకు అదనంగా తీసుకోవాల్సిన చర్యలపై సూచనలు చేయాలని.. ఆయా ఘటనలపై నెల రోజుల్లోగా నివేదిక ఇవ్వాలని కమిషన్‌ను ప్రభుత్వం ఆదేశించింది.

కాగా, టీడీపీ అధినేత చంద్రబాబు కందుకూరు, గుంటూరులో నిర్వహించిన సభల్లో జరిగిన తొక్కిసలాటలో 11 మంది మృతి చెందారు. ఇందులో నెల్లూరు జిల్లా కందుకురులో 8 మంది, గుంటూరులో ముగ్గురు మృతి చెందారు. కాగా, ఈ ఘటనలపై జస్టిస్ శేషశయన రెడ్డి కమిషన్ విచారించనుంది.

Related Articles

Back to top button