News

Caste Census,INDIA: దేశవ్యాప్తంగా కులగణనకు ఇండియా కూటమి డిమాండ్.. అక్టోబర్‌లో తొలి బహిరంగ సభ – opposition bloc india pushes for caste census in first tactical meeting


INDIA: వచ్చే సార్వత్రిక ఎన్నికల్లో మోదీ సర్కార్‌ను గద్దె దించడమే లక్ష్యంగా పావులు కదుపుతున్న విపక్ష ఇండియా కూటమి.. తదుపరి కార్యాచరణను ముమ్మరం చేస్తోంది. ఈ క్రమంలోనే ఢిల్లీలో కూటమి సమన్వయ కమిటీ సమావేశం నిర్వహించారు. ఈ సమావేశంలో కీలక నిర్ణయాలు తీసుకున్నారు. వచ్చే నెల మొదటి వారంలో ఇండియా కూటమి తరఫున తొలి బహిరంగ సభ నిర్వహించాలని నిర్ణయించారు. ఇక దేశవ్యాప్తంగా కుల గణన చేపట్టాలని ఈ సందర్భంగా డిమాండ్ చేశారు. ఈ డిమాండ్‌తోనే ముందుకు వెళ్లాలని నిర్ణయించారు. ఆ తర్వాత మరిన్ని సమావేశాలు కూడా నిర్వహించాలని తీర్మానించారు.

ఢిల్లీలో బుధవారం శరద్‌ పవార్‌ ఇంట్లో ఇండియా కూటమి సమన్వయ కమిటీ తొలి సమావేశం నిర్వహించాయి. ఈ సమావేశానికి ఇండియా కూటమిలోని 12 పార్టీలకు సంబంధించిన కమిటీ సమావేశంలో పాల్గొన్నారు. ఈ సమావేశంలో పాల్గొన్న పార్టీలు చర్చించిన విషయాలపై ఏకాభిప్రాయానికి వచ్చాయని భేటీ తర్వాత కాంగ్రెస్‌ సీనియర్ నేత కేసీ వేణుగోపాల్‌ వివరాలు వెల్లడించారు. మరోవైపు.. వచ్చే ఏడాది లోక్‌సభ ఎన్నికలకు సిద్ధం అయ్యేందుకు ఇండియా కూటమి సిద్ధమైనట్లు నేతలు వెల్లడించారు. ఇందులో భాగంగానే దేశవ్యాప్తంగా ఇండియా కూటమిలోని పార్టీలన్నీ కలిపి సంయుక్తంగా భారీ బహిరంగ సభలు నిర్వహించాలని ఈ భేటీలో నిర్ణయించినట్లు సమావేశం తర్వాత కేసీ వేణుగోపాల్‌ వెల్లడించారు. ఈ క్రమంలోనే అక్టోబర్‌ మొదటి వారంలో మధ్యప్రదేశ్‌లోని భోపాల్‌లో తొలి బహిరంగ సభను నిర్వహించనున్నట్లు చెప్పారు. ఇలాంటి సమావేశాలను మరిన్ని నిర్వహించి.. దేశంలో నెలకొన్న ప్రధాన సమస్యలైన ధరల పెరుగుదల, నిరుద్యోగం, బీజేపీ ప్రభుత్వ అవినీతిని ప్రజలకు వివరించాలని నిర్ణయించినట్లు కేసీ వేణుగోపాల్ తెలిపారు.

ఇక దేశ వ్యాప్తంగా కుల గణన చేపట్టాలన్న డిమాండ్‌ను ఇండియా కూటమిలోని పార్టీలు కొత్త అంశాన్ని తెరపైకి తీసుకువచ్చాయి.
ఈ క్రమంలోనే ఇండియా కూటమి పార్టీల మధ్య సీట్ల పంపకంపైనా సమన్వయ కమిటీలో చర్చించినట్లు కేసీ వేణుగోపాల్ తెలిపారు. దీనిపై వీలైనంత త్వరగా ఆయా పార్టీలు చర్చలు జరిపి ఓ నిర్ణయానికి రావాలని నిర్ణయించినట్లు చెప్పారు. ఢిల్లీలో నిర్వహించిన ఈ ఇండియా కూటమి సమన్వయ కమిటీ సమావేశానికి 14 పార్టీలకు గానూ 12 పార్టీలకు చెందిన నేతలు హాజరయ్యారు. ఎన్సీపీ అధినేత శరద్‌ పవార్‌, కాంగ్రెస్ నేత కేసీ వేణుగోపాల్‌, డీఎంకే నేత టీఆర్‌ బాలు హాజరయ్యారు. ఆర్జేడీ తరఫున తేజస్వి యాదవ్‌, శివసేన ఉద్ధవ్ ఠాక్రే వర్గం తరఫున సంజయ్‌ రౌత్‌, సహా వివిధ పార్టీలకు చెందిన కీలక నేతలు హాజరై పలు విషయాలపై చర్చించారు. అయితే ఈ సమావేశానికి తృణమూల్‌ కాంగ్రెస్ పార్టీ తరఫు నుంచి అభిషేక్‌ బెనర్జీ హాజరు కావాల్సి ఉన్నా.. ఎన్‌ఫోర్స్‌మెంట్ డైరెక్టరేట్ – ఈడీ సమన్లు జారీ చేసినందు వల్ల పాల్గొనలేకపోయారని కూటమి ప్రకటన విడుదల చేసింది.

G20 Summit: రూ.990 కోట్ల నుంచి రూ.4100 కోట్లకు పెరిగిన జీ20 సదస్సు ఖర్చు.. మోదీ కోసమే పెంచారన్న విపక్షాలు

G20: దటీజ్ మోదీ.. 450 మంది పోలీసులతో ప్రధాని డిన్నర్

Read More Latest National News And Telugu News

Related Articles

Back to top button