News

brazilian player goal, ఏం గోల్ ఇది.. ఫుట్‌బాల్ ఆటకే హైలైట్, ప్రపంచాన్ని ఊపేస్తున్న బ్రెజిల్ కొత్త హీరో – brazilian star richarlison de andrade stunning bicycle kick against serbia goes viral


రాత్రికి రాత్రే హీరో అయినవాళ్లు చాలా అరుదుగా ఉంటారు. ఖతార్‌లో జరుగుతున్న ఫుట్‌బాల్ వరల్డ్‌కప్‌ టోర్నీ వేదికగా కొత్త హీరో అవతరించాడు. ఫిఫా వరల్డ్‌కప్ టోర్నీకే ఫుల్ జోస్ తీసుకొచ్చాడు. అతడి స్టన్నింగ్ గోల్ చూసి ఫుట్‌బాల్ ప్రపంచం ఇప్పుడు నివ్వెరపోతోంది. ఆ ఆటగాడి పేరుతో బ్రెజిల్ దేశం ఊగిపోతోంది. వరల్డ్‌కప్ టోర్నీకే మరింత ఆకర్షణ తీసుకొచ్చిన ఆ కొత్త హీరో పేరు రిచర్లిసన్‌ (Richarlison). గాల్లో పల్టీ కొడుతూ అతను కొట్టిన గోల్‌.. ఈ ప్రపంచకప్‌కే హైలైట్‌. ఆ గోల్‌ను చూసి ప్రత్యర్థి జట్టుకు చెందిన ఫ్యాన్స్ కూడా లేచి నిల్చొని చప్పట్లు కొట్టారు. ఆ స్టన్నింగ్ గోల్‌కు సంబంధించిన ఫొటోలు, వీడియోలు ఇప్పుడు ఇంటర్నెట్‌ను షేక్ చేస్తున్నాయి. ఈ గోల్ తర్వాత రిచర్లిసన్‌కు ఇన్‌స్టాగ్రామ్‌లో ఏకంగా 4 మిలియన్ల ఫాలోవర్స్ వచ్చారు.

ఫిఫా ప్రపంచకప్‌లో బ్రెజిల్‌కు తొలి మ్యాచ్‌. ఫుట్‌బాల్‌ ప్రపంచం దృష్టంతా బ్రెజిల్ హీరో నెయ్‌మార్‌ పైనే ఉంది. ఏ క్షణంలో ఎలాంటి అద్భుతం చేస్తాడోనని అభిమానులు కళ్లార్పకుండా చూస్తున్నారు. కానీ, ఊహించనివిధంగా నెయ్‌మార్‌ గాయపడి గ్రౌండ్‌ను వీడాడు. బ్రెజిల్‌ పరిస్థితి ఏమవుతుందోనని అభిమానుల్లో కాస్త ఆందోళన. అప్పుడే వచ్చాడు కొత్త హీరో రిచర్లిసన్‌. ఒకటి కాదు, రెండు గోల్స్‌ కొట్టాడు. అది కూడా కేవలం 9 నిమిషాల వ్యవధిలోనే. బ్రెజిల్‌కు విజయం అందించడమే కాదు.. ఫుట్‌బాల్ టోర్నీకే ఊపు తీసుకొచ్చాడు.

సెర్బియాతో మ్యాచ్‌లో బ్రెజిల్ రెండు గోల్స్ చేసింది. 2-0 గోల్స్ తేడాతో బ్రెజిల్ గెలుపొందింది. ఆ రెండు గోల్స్‌ను కొట్టింది రిచ‌ర్లిస‌నే కావడం విశేషం. ఆట 73వ నిమిషంలో అత‌డు గాల్లోకి ఎగిరి.. సీజ‌ర్ కిక్ షాట్‌తో అంద‌ర్నీ స్టన్ చేశాడు. మ‌రో ఫార్వార్డ్ ప్లేయ‌ర్ వినిసియ‌స్ ఇచ్చిన క్రాస్ పాస్‌ను తొలుత కంట్రోల్ చేయ‌లేక‌పోయినా.. ఆ త‌ర్వాత గాల్లో రివ‌ర్స్ కిక్‌తో గోల్ చేశాడు. ఆ సూపర్ కిక్‌కు ప్రత్యర్థి ఆటగాళ్లు పక్కకు తప్పుకోగా.. బంతి వాళ్ల పైనుంచి వెళ్లి గోల్ పోస్ట్‌లో పడింది. స్టేడియమంతా సంబరాల్లో మునిగిపోయింది.

గాయంతో బాధపడుతూ చివరి నిమిషంలో జట్టులోకి..
నిజానికి ఈ టోర్నీకి ముందు రిచర్లిసన్.. జ‌ట్టులో ఆడేది అనుమానంగానే ఉంది. తుంటి గాయంతో బాధ‌ప‌డుతున్న అత‌డు చివ‌రి నిమిషంలో జ‌ట్టులో చేరాడు. నెయ్‌మార్‌ ఆటను మైమరిపిస్తూ రెండు అద్భుత గోల్స్ కొట్టాడు.

వ‌ర‌ల్డ్‌క‌ప్ అరంగేట్ర మ్యాచ్‌లో రెండు గోల్స్ చేసిన రెండో బ్రెజిల్ ఆట‌గాడిగా రిచ‌ర్లిస‌న్ రికార్డు నెలకొల్పాడు. 2014లో నేయ్‌మార్ కూడా త‌న తొలి వ‌ర‌ల్డ్‌క‌ప్ మ్యాచ్‌లో రెండు గోల్స్ చేశాడు. బ్రెజిల్ త‌ర‌పున ఆడిన గ‌త ఏడు మ్యాచుల్లో రిచ‌ర్లిస‌న్ మొత్తం 9 గోల్స్ చేశాడు. బ్రెజిల్ ఇప్పటికే టోర్నీ ఫేవరేట్‌గా బరిలోకి దిగగా.. రిచర్లిసన్ అటాకింగ్‌తో ఆ అంచనాలు మరింత పెరిగాయి.

టీమిండియా పాకిస్థాన్‌కు రాకపోతే, మేం వచ్చే వరల్డ్‌కప్ ఆడం: రమీజ్ రజా
15 ఏళ్లు దాటితే రోడ్లపై నిషేధం, ఇక స్క్రాప్‌కే.. వాహనాలపై కేంద్రం కొత్త పాలసీ

Advertisement

Related Articles

Back to top button