News

bjp bribery, TRS MLAs: సరైన ఆధారాలు లేవు.. రిమాండ్ రిజెక్ట్ చేసిన న్యాయమూర్తి – acb court rejects remand for accused in trs mlas purchasing case in hyderabad


సంచలనం సృష్టించిన టీఆర్ఎస్ ఎమ్మెల్యేల కొనుగోలు కేసులో కీలక పరిణామం చోటు చేసుకుంది. ఈ కేసులో ముగ్గురు నిందితులను పోలీసులు ఇవాళ (అక్టోబర్ 27) ఏసీబీ కోర్టులో హాజరు పరిచారు. అయితే, ఏసీబీ న్యాయమూర్తి.. రిమాండ్‌ను రిజెక్ట్ చేశారు. సరైన ఆధారాలు లేవని వారిని రిమాండ్‌కు నిరాకరించినట్లు తెలుస్తోంది. ప్రివెన్షన్ ఆఫ్ కరెప్షన్ పీసీ యాక్ట్ ఈ కేసులో అప్లికేబుల్ కాదని చెప్పినట్లు సమాచారం. అభియోగాల్లో పేర్కొన్నట్టుగా ప్రలోభాలు పెట్టేందుకు ఇవ్వజూపిన నగదు, దానికి సంబంధించిన ఆధారాలు లేకపోవటంతో రిమాండ్‌ను న్యాయమూర్తి తోసిపుచ్చినట్లు తెలుస్తోంది. సీఆర్‌పీసీ 41 సెక్షన్ కింద నోటీస్ ఇచ్చి విచారించాలని పోలీసులను న్యాయమూర్తి ఆదేశించారు.

గతంలో ‘ఓటుకు నోటు కేసు’లో రూ.50 లక్షల రూపాయలు పట్టుబడటం సంచలనం సృష్టించగా.. తాజా ఘటనలో ఒక ఎమ్మెల్యేకు ఏకంగా రూ.100 కోట్లు, మరో ముగ్గురికి రూ. 50 లక్షలు ఇవ్వజూపారని టీఆర్‌ఎస్ ఎమ్మెల్యేలు ఆరోపించారు. ఈ కేసులో సతీశ్ శర్మ అలియాస్ రామచంద్ర భారతి అనే స్వామీజీ, నందకుమార్, సింహయాజీ.. ఈ ముగ్గురునీ పోలీసులు అదుపులోకి తీసుకున్నారు.

ఢిల్లీ శివార్లలోని ఫరీదాబాద్‌ (పంజాబ్)లోని ఓ ఆలయంలో సతీశ్ శర్మ పూజారిగా ఉన్నారు. సింహయాజీ స్వామిజీ.. తిరుపతిలోని శ్రీమనాథ రాజా పీఠం పీఠాధిపతిగా వ్యవహరిస్తున్నారు. ఇక హైదరాబాద్‌కు చెందిన వ్యాపారి నందకుమార్.. కేంద్ర మంత్రి కిషన్ రెడ్డికి సన్నిహితుడని టీఆర్‌ఎస్ నేతలు చెబుతున్నారు.

టీఆర్‌ఎస్ ఎమ్మెల్యేలు పైలట్ రోహిత్ రెడ్డి (తాండూరు), బీరం హర్షవర్దన్ రెడ్డి (కొల్లాపూర్), రేగ కాంతారావు (పినపాక), గువ్వల బాలరాజు (అచ్చంపేట) తమకు పదవులు, కాంట్రాక్టులు, భారీ మొత్తంలో డబ్బు ఇస్తామని చెప్పి పైన పేర్కొన్న ముగ్గురూ ప్రలోభ పెట్టారని ఆరోపించారు. ఈ ఘటనపై దర్యాప్తు జరిపి, చట్టపరమైన చర్యలు తీసుకుంటామని సైబరాబాద్ సీపీ స్టీఫెన్ రవీంద్ర తెలిపారు.

MLAs Purchase: పార్టీ శ్రేణులు పట్టించుకోవద్దు: కేటీఆర్
IND vs NED: స్టాండ్స్‌లో గర్ల్‌ఫ్రెండ్‌కు ప్రపోజ్.. ఓకే చెప్పిన అమ్మాయి, వీడియో వైరల్

Related Articles

Back to top button