News

bimbisara twitter review, Kalyan Ram: బింబిసార ట్విట్టర్ రివ్యూ.. ఆడియన్స్ రెస్పాన్స్ ఇదే.. – nandamuri kalyan ram bimbisara movie twitter review and public response


నందమూరి హీరో కళ్యాణ్ రామ్ (Nandamuri Kalyan Ram) చాలా రోజుల తరువాత మూవీ బింబిసార (Bimbisara)తో ఆడియన్స్ ముందుకు వచ్చాడు. నూతన దర్శకుడు వశిష్ఠ్ (Vassishta) డైరెక్షన్‌లో సోషియో ఫాంటసీ బ్యాక్‌డ్రాప్‌లో.. టైమ్ ట్రావెల్ పాయింట్‌తో తెరకెక్కిన ఈ సినిమాపై భారీ అంచనాల నడుమ నేడు (ఆగస్టు 5) విడుదల అయింది. కేథరిన్‌ (Catherine Tresa), సంయుక్త మీనన్‌ (Samyuktha Menon) హీరోయిన్స్. నందమూరి తారక రామారావు ఆర్ట్స్ ప‌తాకంపై హ‌రికృష్ణ.కె ఈ మూవీని నిర్మించారు. కళ్యాణ్ రామ్ కెరీర్‌లోనే భారీ బడ్జెట్ మూవీగా తెరకెక్కిన ‘బింబిసార’ అందరి అంచనాలను అందుకుందా..? ట్వీట్టర్‌లో ఆడియన్స్ రెస్పాన్స్ ఎలా ఉంది..? ఓ లుక్కేద్దాం పదండి..

కథ క్రీస్తు పూర్వం 500 ఏళ్ల క్రితం త్రిగర్తల సామ్రాజ్యం నిధి చుట్టూ తిరుగుతుందని.. ఆ సామ్రాజ్యానికి రాజు బిసారుడుగా కళ్యాణ్ రామ్ అద్భుతంగా నటించారని ఆడియన్స్ అంటున్నారు. తన సామ్రాజ్య నిధిని కలియుగంలో ఎలా కాపాడుకున్నాడనేది చాలా ఇంట్రెస్టింగ్‌గా సాగుతుందని చెబుతున్నారు. ఫస్ట్ హాఫ్ సూపర్‌గా ఉందని.. విజువల్ వండర్‌లా ఉంటుందని కామెంట్స్ చేస్తున్నారు. ముఖ్యంగా గ్రాఫిక్స్ వర్క్స్ మెస్మరైజ్ చేస్తాయంటున్నారు.

ఎన్టీఆర్ చెప్పినట్లు బింబిసార మూవీలో కళ్యాణ్ రామ్ తప్ప ఎవరూ చేయలేరన్నట్లు నందమూరి హీరో యాక్ట్ చేసినట్లు తెలుస్తోంది. వన్ మ్యాన్ షోగా సినిమాను మొత్తం భూజాలపై మోసినట్లు ఆడియన్స్ రెస్పాన్స్ చూస్తే అర్థమవుతోంది. ఎంతో డెడికేషన్‌తో యాక్ట్ చేశారని.. ప్రేక్షకులను మరో ప్రపంచంలో తీసుకెళుందని ట్వీట్టర్‌లో ఆడియన్స్ రివ్యూ ఇస్తున్నారు. స్టోరీ సూపర్‌గా ఉందని.. విజువల్స్, బ్యాగ్రౌండ్ మ్యూజిక్ సూపర్‌గా ఓ రేంజ్‌లో ఉన్నాయని పోస్టులు పెడుతున్నారు. మూవీకి పాజిటివ్ టాక్ వస్తుండడంతో నందమూరి అభిమానులు సందడి షూరు చేశారు.
బింబిసార మూవీకి టాలీవుడ్ హీరోలు మద్దతు తెలుపుతున్నారు. మూవీ టీమ్‌కు ఆల్ ద బెస్ట్ చెబుతూ.. హీరోలు సాయిధరమ్ తేజ్, సత్యదేవ్ ట్వీట్ చేశారు. ‘ఈ రోజు బింబిసార మూవీ విడుదవుతున్న సందర్భంగా నా సోదరుడు కళ్యాణ్ రామ్‌కు శుభాకాంక్షలు. అతని కృషి, మంచి హృదయం ఎల్లప్పుడూ విజయవంతమవుతుంది..’ అంటూ మంచు విష్ణు ట్వీట్ చేశాడు.
,

Related Articles

Back to top button