News

Bigg Boss Episode Review,Ashwini Bigg Boss: అశ్విని సెల్ఫ్ నామినేషన్‌కి రీజన్ ఇదే.. పాప ప్లాన్ పెద్దదే కానీ – bigg boss 7 telugu reason behind ashwinis self nomination in todays episode


నామినేషన్స్ డే వస్తే చాలు బిగ్‌బాస్‌లో కంటెస్టెంట్లు కంటెంట్ కోసం కొట్టుకు చస్తుంటారు. సీజన్-7 కూడా ఇందుకు మినహాయింపు ఏం కాదు. ఈ సీజన్‌లో కూడా హౌస్‌మెట్లు గట్టిగానే తిట్టుకుంటున్నారు. అయితే 12వ వారం నామినేషన్స్‌లో అశ్విని మాత్రం సైలెంట్‌గా వచ్చి అందరికీ షాకిచ్చింది. తన దగ్గర పాయింట్లు ఏం లేవని.. సిల్లీ నామినేషన్ వేయలేనంటూ చెప్పుకొచ్చింది. దీంతో బిగ్‌బాస్ తననే డైరెక్ట్‌గా నామినేట్ చేశాడు. మరి అసలు అశ్విని ఇలా చేసిందో చూద్దాం.

సిల్లీ నామినేషన్స్ నాకొద్దు

నిజానికి ప్రతి వారం నామినేషన్స్ రోజు అశ్వినీ దగ్గర చాలా పాయింట్లే ఉంటాయి. ఎందుకంటే ముఖ్యంగా శోభా శెట్టి, ప్రియాంకలను ఎక్కువగా నామినేట్ చేస్తూ వచ్చింది అశ్విని. కానీ ఆదివారం రోజు శోభా తనకు కొత్త ఫ్రెండ్ అంటూ అశ్విని చెప్పడం ఆశ్చర్యంగా అనిపించింది. ఇక సోమవారం నామినేషన్స్ రోజు అయితే తనకి ఎవరినీ నామినేట్ చేయాలని లేదని అశ్విని షాకిచ్చింది. చెవిలో వాటర్ పోశారు, హాట్ వాటర్ ఇవ్వలేదు లాంటి సిల్లీ పాయింట్లతో నామినేషన్ చేయాలని లేదు అంటూ అశ్విని చెప్పింది. దీంతో బిగ్‌బాస్ మధ్యలో కలుగజేసుకున్నాడు. మీరు ఎవరినీ నామినేట్ చేయకపోతే బిగ్‌బాస్ మిమ్మల్ని డైరెక్ట్‌గా నామినేట్ చేస్తాడంటూ అనౌన్స్ చేశాడు. ఓకే బిగ్‌బాస్ నేను సెల్ఫ్ నామినేషన్‌కి రెడీ అంటూ అశ్విని తెగించింది. దీంతో చెప్పినట్లే చేశాడు బిగ్‌బాస్. అయితే ఇది జరిగిన తర్వాత వెంటనే తన ప్లేస్‌లో కూర్చొని ఏడుపు మొదలుపెట్టింది అశ్విని.

ఐడియా బానే ఉంది

నిజానికి ఇక్కడ అశ్విని తెలివిగా ఆలోచించింది. ప్రతి వారం సీరియల్ బ్యాచ్ మీద నామినేషన్లు వేసి వాళ్లతో వాదన పెట్టుకోవడం వల్ల ఏం ఉపయోగం లేదు. ఎందుకంటే అశ్వినీ ఎవరిని నామినేట్ చేసినా చేయకపోయినా తనని మాత్రం ప్రియాంక ఖచ్చితంగా చేస్తూనే ఉంది. ఇక శోభా శెట్టి, అమర్ కూడా అప్పుడప్పుడూ అశ్వినీని నామినేట్ చేస్తున్నారు. సో ఇప్పుడు సెల్ఫ్ నామినేషన్ వేసుకోకపోయినా తనని కనీసం ఇద్దరు నామినేట్ చేసి ఉండేవారు. కనుక ఎవరో నామినేట్ చేయడం ఎందుకని తనే సెల్ఫ్ గోల్ వేసుకుందన్నమాట. దీని వల్ల అయ్యో అశ్వినీ ఎంత మంచిదో అనే పాజిటివిటీ కూడా జనాల్లోకి వెళ్తుందేమోనని పాప ఆలోచించింది. అందుకే సెల్ఫ్ నామినేషన్ వేసుకున్న తర్వాత ఏడ్చింది. ఒక్కోసారి ఈ స్ట్రాటజీ బాగానే వర్కవుట్ అవుతుంది. ఎందుకంటే గత వారం రాజమాతలు ఇరికించి మరీ యావర్ సెల్ఫ్ నామినేట్ చేసుకునేలా చేశారు. అయితే యావర్ స్ట్రాంగ్ క్యాండెట్ కాబట్టి ఓటింగ్ నుంచి గట్టెక్కాడు. మరి ఇప్పుడు అశ్వినీ వేసుకున్న సెల్ఫ్ గోల్ దెబ్బేస్తుందో లేక ఎలిమినేషన్ నుంచి సేవ్ చేస్తుందో చూడాలి.

  • Read latest TV News and Movie Updates

Related Articles

Back to top button