News

Bhuvneshwar Kumar డెత్ ఓవర్ల బౌలింగ్‌పై గవాస్కర్ మండిపాటు – gavaskar points out real area of concern after india fail to defend 208 in 1st t20i


Authored by Rajendra Galeti | Samayam Telugu | Updated: Sep 21, 2022, 8:04 PM

Team India ని టీ20ల్లో ఎన్నో మ్యాచ్‌ల్లో భువనేశ్వర్ కుమార్ డెత్ ఓవర్లలో అద్భుతంగా బౌలింగ్ చేసి గెలిపించాడు. కానీ.. గత నెల రోజులుగా అతను లయ తప్పాడు. కీలకమైన 19 ఓవర్‌లో ధారాళంగా పరుగులిచ్చేస్తూ… భారత్ ఓటమికి కారణమవుతున్నాడు.

 

భువనేశ్వర్ కుమార్ (Pic Source: Twitter)

ప్రధానాంశాలు:

  • డెత్ ఓవర్లలో తేలిపోతున్న భువనేశ్వర్ కుమార్
  • మొహాలి టీ20లోనూ విఫలం
  • విమర్శలు గుప్పించిన సునీల్ గవాస్కర్
డెత్ ఓవర్ల స్పెషలిస్ట్ బౌలర్‌గా ఇన్నాళ్లు ప్రశంసలు అందుకున్న భారత ఫాస్ట్ బౌలర్ భువనేశ్వర్ కుమార్.. ఒక్కసారిగా లయ తప్పాడు. ఇటీవల ముగిసిన ఆసియా కప్ 2022లో డెత్ ఓవర్లలో ఘోరంగా విఫలమైన భువనేశ్వర్ కుమార్.. ఆస్ట్రేలియాతో మంగళవారం రాత్రి జరిగిన తొలి టీ20లోనూ ఫెయిలయ్యాడు. దాంతో.. అతనిపై మాజీ క్రికెటర్లు విమర్శలు గుప్పిస్తున్నారు.

మొహాలి వేదికగా జరిగిన ఈ టీ20 మ్యాచ్‌లో ఆస్ట్రేలియా విజయానికి ఆఖరి 12 బంతుల్లో 18 పరుగులు అవసరమయ్యాయి. ఈ దశలో ఇన్నింగ్స్ 19వ ఓవర్ వేసిన భువనేశ్వర్ కుమార్ ఏకంగా 16 పరుగులు ఇచ్చేశాడు. లయ తప్పిన అతని బౌలింగ్‌లో చివరి మూడు బంతుల్నీ మాథ్యూవెడ్ వరుసగా 4,4,4గా మలిచేశాడు. దాంతో.. ఆఖరి ఓవర్‌కి సమీకరణం 6 బంతుల్లో 2 పరుగులతో తేలికగా మారిపోయింది. చివరికి ఆస్ట్రేలియా 4 బంతులు మిగిలి ఉండగానే 4 వికెట్ల తేడాతో విజయాన్ని అందుకుంది.

భువనేశ్వర్ కుమార్ డెత్ ఓవర్ల బౌలింగ్‌పై దిగ్గజ క్రికెటర్ సునీల్ గవాస్కర్ మాట్లాడుతూ ‘‘భువనేశ్వర్ కుమార్ ఇటీవల కాలంలో డెత్ ఓవర్లలో ధారాళంగా పరుగులు ఇచ్చేస్తున్నాడు. ఆసియా కప్ 2022లో పాకిస్థాన్, శ్రీలంకపై ఇలానే తేలిపోయాడు. ఇప్పుడు మొహాలిలో కూడా 19వ ఓవర్‌లో 16 పరుగులిచ్చేశాడు. ఓవరాల్‌గా ఈ మూడు మ్యాచ్‌ల్లో మూడు ఓవర్లు అంటే..? 18 బంతుల్లో అతను ఇచ్చిన పరుగులు 49. అంటే సుమారు బంతికి మూడు పరుగుల చొప్పున. కానీ.. అతని అనుభవం, సామర్థ్యానికి ఆ 18 బంతుల్లో 35-36 పరుగులు ఇచ్చి ఉన్నా ఫర్వాలేదు. కానీ.. 13-14 పరుగులు ఎక్కువగా ఇచ్చేయడం ఆలోచించాల్సిన విషయమే’’ అని గవాస్కర్ చెప్పుకొచ్చాడు.

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button