News
bcci president sourav ganguly, Sourav Ganguly కి ఊరట.. బీసీసీఐ రాజ్యాంగ సవరణకి సుప్రీం గ్రీన్‌సిగ్నల్ – sourav ganguly to continue as bcci president after supreme court order
Authored by Rajendra Galeti | Samayam Telugu | Updated: Sep 14, 2022, 5:57 PM
BCCI President Sourav Ganguly మరికొంతకాలం ఆ పదవిలో కొనసాాగేందుకు గ్రీన్‌సిగ్నల్ వచ్చింది. కూలింగ్ ఆఫ్ పీరియడ్ నిబంధనల్ని సవరించేందుకు సుప్రీంకోర్టు ఒప్పుకుంది. కానీ..?
ప్రధానాంశాలు:
- బీసీసీఐ ప్రెసిడెంట్ గంగూలీకి ఊరట
- కూలింగ్ ఆఫ్ పీరియడ్ రూల్స్‌లో చిన్న మార్పు
- మరో మూడేళ్లు పదవిలో కొనసాగనున్న దాదా
అసలు ఏంటి ఈ కూలింగ్ ఆఫ్ పీరియడ్ అంటే? సుప్రీంకోర్టు నియమించిన లోధా కమిటీ బీసీసీఐలో సంస్కరణలు కోసం బోర్డులో కొన్ని నియమాల్ని తీసుకొచ్చింది. అందులో భాగంగా బీసీసీఐ పరిధిలో ఎవరైనా వరుసగా రెండు పర్యాయలు పదవిలో ఉన్న తర్వాత మూడేళ్లు బోర్డులో ఏ పదవినీ చేపట్టకూడదు. ఈ కూలింగ్ ఆఫ్ పీరియడ్ తర్వాత మళ్లీ బీసీసీఐలో పదవిని చేపట్టవచ్చు. కానీ.. ఆఫీస్ బేరర్ల కూలింగ్ ఆఫ్ పీరియడ్పై తీవ్రస్థాయిలో విమర్శలు వ్యక్తమయ్యాయి. బీసీసీఐ పరిధిలోని రాష్ట్ర క్రికెట్ సంఘాల నుంచి తీవ్రస్థాయిలో అభ్యంతరాలు వచ్చాయి. చివరికి సౌరవ్ గంగూలీ, జై షా కూడా తమ పదవుల్ని కోల్పోయే ప్రమాదంలో పడ్డారు.
సౌరవ్ గంగూలీ బీసీసీఐ ప్రెసిడెంట్ పదవిని చేపట్టకముందు బెంగాల్ క్రికెట్ అసోషియేషన్ (క్యాబ్)లో రెండు పర్యాయాలు ప్రెసిడెంట్‌గా ఉన్నాడు. దాంతో.. కూలింగ్ ఆఫ్ పీరియడ్ నిబంధనల ప్రకారం అతను బీసీసీఐ ప్రెసిడెంట్‌గా ఈ సెప్టెంబరు తర్వాత కొనసాగేందుకు అవకాశం లేదు. కానీ.. సుప్రీంకోర్టు కూలింగ్ ఆఫ్ పీరియడ్ నిబంధనని సవరించింది. ఒకే పదవిలో వరుసగా ఆరేళ్లు ఉంటే? కూలింగ్ ఆఫ్ పీరియడ్‌‌ని అమలు చేయాలని ఆదేశించింది. దాంతో.. అక్టోబరు, 2019లో బీసీసీఐ ప్రెసిడెంట్‌గా బాధ్యతలు చేపట్టిన గంగూలీ.. 2015 వరకూ పదవిలో కొనసాగనున్నాడు.
Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
