News

Basthi Dawakhanas, Telangana ప్రజలకు గుడ్ న్యూస్.. త్వరలో అందుబాటులోకి మరో 100కిపైగా దవాఖానాలు – more than 100 basthi dawakhanas will soon be available in telangana


Telangana: తెలంగాణ ప్రజలకు కేసీఆర్ సర్కార్ గుడ్ న్యూస్ తెలిపింది. రాష్ట్రంలో సెకండ్ ఫేజ్‌లో భాగంగా మరో 100కు పైగా బస్తీ దవాఖానాలను అర్బన్ ప్రాంతాల్లో నెలకొల్పనుంది. మొదటి దశలో రాష్ట్రంలోని అర్బన్ ప్రాంతాల్లో 85 బస్తీ దవాఖానాలను ఏర్పాటు చేయగా.. వీటిని ప్రజల నుంచి భారీ స్పందన వస్తోంది. తొలి దశ సక్సెస్ కావడంతో.. రెండో దశలో భాగంగా అర్బన్ ప్రాంతాల్లో 101 బస్తీ దవాఖానాల ఏర్పాటుకు ప్రభుత్వం అనుమతులు జారీ చేసింది. 63 అర్బన్ లిమిట్ ప్రాంతాల్లో వీటిని ఏర్పాటు చేయాలని నిర్ణయించింది.

దాదాపు ఒక్కొ క్లీనిక్‌ను రూ.13.2 లక్షలతో ప్రభుత్వం ఏర్పాటు చేస్తోంది. మున్సిపాలిటీలు, మున్సిపల్ కార్పొరేషన్ల పరిధిలో జనాభా ప్రకారం ఒక్కొ ప్రాంతంలో రెండు కంటే ఎక్కువ బస్తీ దావాఖానాలను ప్రభుత్వం నెలకొల్పుతోంది. వీటిల్లో ఇప్పటికే 14 బస్తీ దవాఖానాల పనులు పూర్తవ్వగా.. మరో 36 ప్రాంతాల్లో పనులు జరుగుతున్నాయి. త్వరలోనే ఈ బస్తీ దవాఖానాలను ప్రభుత్వం ప్రారంభించే అవకాశముంది. ఉచిత వైద్యంతో పాటు రోగులకు ఉచితంగా మందులు అందిస్తారు. అలాగే 60 రకాల వైద్య పరీక్షలు బస్తీ దవాఖానాల్లో ఉచితంగా అందించనున్నారు. బస్తీ దవాఖానాల్లో శాంపిల్స్ సేకరించి రాష్ట్ర ప్రభుత్వం ఏర్పాటు చేసిన ఉచిత డయాగ్నోస్టిక్ సెంటర్లకు పంపుతారు.

పేదలకు బస్తీ దవాఖానాలు బాగా ఉపయోగపడుతున్నాయి. ప్రైవేట్ ఆస్పత్రులకు వెళ్లి ఖర్చు భరించలేని పేదలు బస్తీ దవాఖానాల ద్వారా వైద్య సేవలు పొందుతున్నారు. రాష్ట్రవ్యాప్తంగా బస్తీ దవాఖానాలకు ప్రజలు భారీగా వస్తున్నారు. ఉచితంగా వైద్య సేవలు, ఉచితంగా మందులు ఇస్తుండటంతో సామాన్య, మధ్య తరగతి ప్రజలు కూడా బస్తీ దవాఖానాలకు వెళ్లి చికిత్స పొందుతున్నారు. ఇప్పటికే హైదరాబాద్‌లో అన్ని ప్రాంతాల్లో బస్తీ దవాఖానాలు ఏర్పాటు చేయగా.. రాష్ట్రవ్యాప్తంగా అర్బన్ ప్రాంతాల్లో ఇప్పుడు బస్తీ దవాఖానాలను ప్రభుత్వం ఏర్పాటు చేస్తోంది. ఆరోగ్యశాఖ ఆధ్వర్యంలో మూన్సిపల్ అడ్మినిస్ట్రేషన్, అర్బన్ డెవలప్‌మెంట్ డిపార్ట్‌మెంట్ కలిసి మున్సిపాలిటీ, మున్సిపల్ కార్పొరేషన్ల పరిధిలో బస్తీ దవాఖానాలను ఏర్పాటు చేస్తోన్నాయి.

అర్బన్ ప్రాంతాల్లో బస్తీ దవాఖానాల ఏర్పాటు పూర్తయిన తర్వాత గ్రామీణ ప్రాంతాల్లో కూడా ఏర్పాటు చేస్తామని గతంలో ఆర్ధిక, ఆరోగ్యశాఖ మంత్రి హరీష్ రావు తెలిపారు. రాబోయే రోజుల్లో రాష్ట్రవ్యాప్తంగా గ్రామాల్లో దవాఖానాలు ఏర్పాటు చేయబోతున్నట్లు తెలిపారు. ఆరోగ్య తెలంగాణ లక్ష్యంగా ప్రభుత్వం అడుగులు వేస్తుందని, వైద్య రంగంలో మౌలిక సదుపాయాలు పెంచేందుకు కృషి చేస్తున్నట్లు హరీష్ రావు తెలిపారు. బస్తీ దవాఖానాలు పేదలకు బాగా ఉపయోగపడుతున్నాయని, కరోనా సమయంలో వైద్య సేవలు మెరుగ్గా అందించాయని చెప్పారు.

  • Read More Telangana News And Telugu News

Related Articles

Back to top button