News
basavatarakam cancer hospital, బసవతారకం క్యాన్సర్ ఆసుపత్రికి జాతీయ అవార్డు.. బాలకృష్ణకు చంద్రబాబు అభినందనలు – basavatarakam cancer hospital awarded 2nd best oncology hospital in india
Authored by Sundeep Poola | Samayam Telugu | Updated: 25 May 2023, 3:26 pm
Chandrababu: బసవతారకం క్యాన్సర్ హాస్పిటల్ జాతీయ అవార్డుకు ఎంపికైనట్లు టీడీపీ అధినేత చంద్రబాబు ట్వీట్ చేశారు. ఆసుపత్రికి అవుట్ లుక్ ఇండియా మ్యాగజైన్ అవార్డు రావటం పట్ల ఆయన హర్షం వ్యక్తం చేశారు. ఆసుపత్రి సిబ్బంది, ఛైర్మన్ బాలకృష్ణకు ఆయన అభినందనలు తెలిపారు.
ప్రధానాంశాలు:
- ఇండియాలో రెండో అత్యుత్తమ క్యాన్సర్ ఆసుపత్రిగా బసవతారకం హాస్పిటల్
- అవుట్ లుక్ మ్యాగజైన్ అవార్డుకు ఎంపిక
- బాలకృష్ణ, ఆసుపత్రి సిబ్బందికి చంద్రబాబు అభినందనలు
హైదరాబాద్ బంజారాహిల్స్‌లోని నందినగర్‌లో ఉన్న బసవతారకం ఇండో అమెరికన్ క్యాన్సర్ హాస్పిటల్ అండ్ రీసెర్చ్ ఇనిస్టిట్యూట్ ఎంతోమంది క్యాన్సర్ పేషెంట్లకు ప్రాణం పోసింది. సినీహీరో, టీడీపీ ఎమ్మెల్యే నందమూరి బాలకృష్ణ ఛైర్మన్‌గా ఉండి ఈ ఆసుపత్రిని నడిపిస్తున్నారు. ఈ హాస్పిటల్ ద్వారా చాలా మందికి ప్రాణాంతకమైన క్యాన్సర్ వ్యాధి నయమైంది. హైదరాబాద్ కేంద్రంగా కొన్ని దశాబ్దాలుగా వేలాది క్యాన్సర్ రోగులకు సేవలు అందిస్తోంది. అలాంటి ఆసుపత్రికి జాతీయ స్థాయిలో గుర్తింపు రావటం పట్ల చంద్రబాబు హర్షం వ్యక్తం చేశారు. క్యాన్సర్ పేషెంట్లను ట్రీట్ చేయటంలో ఆసుపత్రి సిబ్బంది చేస్తున్న కృషిని ఆయన కొనియాడారు.
తక్కువ ఖర్చుతో ప్రపంచస్థాయిలో క్యాన్సర్ చికిత్సను ఈ ఆసుపత్రి అందిస్తుందని చంద్రబాబు అన్నా్రు. వృత్తిపరమైన నిబద్ధతతో, రోగుల పట్ల దయతో వ్యవహరిస్తూ.. వారి పట్ల అత్యంత శ్రద్ధ తీసుకుంటూ, అత్యాధునిక క్యాన్సర్ చికిత్స విధానాలు, చికిత్స వ్యవస్థలను పేదలకు అందుబాటులోకి తీసుకువస్తున్నారని కొనియాడారు. క్యాన్సర్ వ్యాధి చికిత్సకు లక్షల్లో ఖర్చవుతుందని.., ఆ ఖర్చు భరించలేని వారికి బసవతారకం ఆసుపత్రి ద్వారా ఉచితంగా చికిత్స అందిస్తున్నట్లు చంద్రబాబు చెప్పారు.
- Read More Telangana News And Telugu News
సమీప నగరాల వార్తలు
Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
Advertisement
