News

bandi sanjay, కేసీఆర్​కు మన దేశంలో ఉండే అర్హత లేదు: బండి సంజయ్ – bjp state president bandi sanjay comments on cm kcr in hyderabad


Authored by Ramprasad | Samayam Telugu | Updated: 26 Jan 2023, 12:54 pm

హైదరాబాద్‌ నాంపల్లిలోని పార్టీ కార్యాలయంలో జరిగిన రిపబ్లిక్ డే వేడుకలు ఘనంగా జరిగాయి. ఈ వేడుకల్లో పాల్గొన్న బీజేపీ రాష్ట్ర అధ్యక్షుడు బండి సంజయ్.. జెండా ఎగరేశారు. అనంతరం ప్రసంగించిన బండి సంజయ్.. సీఎం కేసీఆర్ మీద తీవ్ర స్థాయిలో విమర్శలు గుప్పించారు. అంబేడ్కర్ అందించిన రాజ్యాంగాన్ని అవమానించిన కేసీఆర్‌కు దేశంలో ఉండే అర్హత లేదంటూ కీలక వ్యాఖ్యలు చేశారు బండి సంజయ్.

 

బండి సంజయ్

ప్రధానాంశాలు:

  • బీజేపీ రాష్ట్ర కార్యాలయంలో రిపబ్లికే డే వేడుకలు
  • జెండా ఆవిష్కరించిన రాష్ట్ర అధ్యక్షుడు బండి సంజయ్
  • సీఎం కేసీఆర్‌ మీద తీవ్ర విమర్శలు గుప్పించిన బండి
Hyderabad: బీజేపీ రాష్ట్ర అధ్యక్షుడు బండి సంజయ్ సంచలన వ్యాఖ్యలు చేశారు. సీఎం కేసీఆర్‌కు మన దేశంలో ఉండే అర్హత లేదంటూ కీలక వ్యాఖ్యలు చేశారు. హైదరాబాద్‌ నాంపల్లిలోని పార్టీ కార్యాలయంలో జరిగిన రిపబ్లిక్ డే వేడుకల్లో బండి సంజయ్ పాల్గొన్నారు. త్రివర్ణ పతాకాన్ని ఎగరేశారు. ఈ వేడుకల్లో విజయశాంతి, నల్లు ఇంద్రసేనారెడ్డి, పొంగులేటి సుధాకర్ రెడ్డి, బూర నర్సయ్య గౌడ్‌తో పాటు పార్టీ శ్రేణులు పెద్దఎత్తున పాల్గొన్నారు. అనంతరం ప్రసంగించిన బండి సంజయ్.. అంబేడ్కర్ అందించిన అదించిన రాజ్యాంగ స్ఫూర్తితో ప్రధాని నరేంద్ర మోదీ దేశాన్ని అభివృద్ధి పథంలో నడిపిస్తున్నారని వివరించారు. ప్రజాస్వామ్య తెలంగాణ నిర్మాణం కోసం బీజేపీ కృషి చేస్తుందని బండి సంజయ్ స్పష్టం చేశారు.

మరోవైపు.. తెలంగాణ సర్కారుపై బండి సంజయ్ తీవ్ర స్థాయిలో మండిపడ్డారు. అంబేడ్కర్, గవర్నర్, రాజ్యాంగం, కోర్టులు, మహిళలకు కేసీఆర్ గౌరవం ఇవ్వడం లేదని ఆరోపించారు. పరేడ్ మైదానంలో గణతంత్ర దినోత్సవ వేడుకలను కేసీఆర్ ఎందుకు నిర్వహించడం లేదని ప్రశ్నించారు. సీఎం కేసీఆర్ నిజాం పోకడలను అవలంభిస్తున్నారని విమర్శించారు. రాష్ట్రంలో రాజ్యాంగ విరుద్ధంగా పాలన సాగిస్తున్నారన్నారు. కల్వకుంట్ల రాజ్యాంగాన్ని అమలు చేయాలని అనుకుంటున్నారని ఆరోపించారు. రాజ్యాంగాన్ని అవమానించిన కేసీఆర్‌కు దేశంలో ఉండే అర్హత లేదని మండిపడ్డారు.

  • ఇంద్రభవనాన్ని తలపిస్తోన్న కొత్త సెక్రటేరియట్.. మతిపోగొడుతోందిగా..!

మరోసారి తెరపైకి వైశాలి కిడ్నాప్ కేసు.. నవీన్ రెడ్డికి ఝలకిచ్చిన కోర్టు

  • Read More Telangana News And Telugu News

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button