News

balakrishna ad, Nandamuri BalaKrishna Ad: రూ.15 కోట్లు దానం చేసిన బాలయ్య.. ఫస్ట్ కమర్షియల్ యాడ్‌తో వచ్చిన మొత్తం క్యాన్సర్‌ పేషెంట్లకు.. జై బాలయ్య – nandamuri balakrishna 116 paramount ad remuneration and donation details here


ఇండస్ట్రీలో పెట్టాలన్నా… కొట్టాలన్నా.. తిట్టాలన్నా.. బాలయ్య తరువాతే ఎవరైనా అంటుంటారు చాలామంది. ముందొక మాట.. వెనుకొక మాట ఉండదు.. అంతా ఫేస్ టు ఫేస్. మంచికి మంచి.. పంచ్‌కి పంచ్.. ఇదే బాలయ్య నైజం. మనసులో ఒకటి పెట్టుకుని పైకి ఒకటి మాట్లాడరు.. ఆన్ కెమెరా అయినా సరే ఆఫ్ కెమెరా అయినా సరే.. ఎవడు ఏం అనుకున్నా పర్లేదు.. చెప్పాల్సిన విషయాన్ని కుండబద్దలు కొట్టినట్టు చెప్తారు బాలాయ్య. తేడాలొస్తే కెమెరా ముందే కొట్టి కూడా చెప్తారు.. కొంతమంది ఆయనది పొగరు అంటారు.. మరికొంత మంది ఆయన మంచి మనసు అంటారు. ఇప్పటికే తన మంచి మనసుతో కోట్ల మంది హృదయాల్లో రియల్ హీరోగా పేరొందిన బాలయ్య మరోసారి తన మంచి మనసును చాటుకున్నారు.

స్టార్ హీరోలంతా సినిమాలతోనే కాకుండా.. కమర్షియల్ యాడ్స్‌తో రెండు చేతులా సంపాదిస్తున్నారు. ఎన్టీఆర్, మహేష్ బాబు, ప్రభాస్, రామ్ చరణ్, విజయ్ దేవరకొండ లాంటి స్టార్ హీరోలే కాకుండా.. వెంకటేష్, నాగార్జున, చిరంజీవిలు కూడా వాణిజ్య ప్రకటనల్లో నటించారు. కానీ బాలయ్య మాత్రం ఇన్నేళ్ల తన సినీ కెరియర్‌లో ఇప్పటి వరకూ ఒక్క వాణిజ్య ప్రకటనలో కూడా నటించలేదు. కానీ తొలిసారి బాలయ్య ఓ కమర్షియల్ యాడ్‌లో నటించారు. లీడింగ్‌ రియల్‌ ఎస్టేట్‌ కంపెనీ సాయిప్రియ గ్రూప్‌‌కు బ్రాండ్‌ అంబాసిడర్‌గా మారారు బాలకృష్ణ (balakrishna sai priya ad). రియల్ ఎస్టేట్ ప్రాజెక్ట్ ‘116 పారమౌంట్’ (116 Paramount) వారి యాడ్‌లో నటించారు బాలకృష్ణ. సినిమాటిక్‌ స్టైల్‌లో ‘116 పారామౌంట్‌’ వెంచర్‌‌ను ప్రమోట్‌ చేస్తూ.. తన దైనశైలిలో డైలాగ్‌లు చెప్తూ అలరించారు బాలయ్య. స్టైలిష్ లుక్‌లో అదరగొట్టారు.

అయితే ఫస్ట్ యాడ్ ద్వారా బాలయ్య అందుకున్న తొలి పారితోషికం అక్షరాలా రూ.15 కోట్లు. అయితే ఈ భారీ పారితోషికం మొత్తాన్ని.. ‘బసవతారకం ఇండో అమెరికన్‌ క్యాన్సర్‌ ఇనిస్టిట్యూట్‌ అండ్ హాస్పిటల్‌’కి దానం చేశారు బాలయ్య. ఇప్పటికే బసవతారకం క్యాన్సర్ హాస్పటల్ ద్వారా ఎంతో మందికి ప్రాణదానం చేసిన బాలయ్య.. ఈ యాడ్‌ కోసం తీసుకున్న రెమ్యునరేషన్‌ను క్యాన్సర్‌ హాస్పిటల్‌కు విరాళంగా ఇవ్వాలని నిర్ణయించుకున్నారని సమాచారం. బాలయ్య గొప్ప మనసుకు నందమూరి అభిమానులే కాకుండా కామన్ ఆడియన్స్ సైతం ఫిదా అవుతూ ‘జై బాలయ్య’ అని జై కొడుతున్నారు. అయితే బాలయ్య రూ.15 కోట్ల దానానికి సంబంధించిన అప్డేట్‌ని ప్రముఖ యాంకర్, బిగ్ బాస్ ఫేస్ దేవి నాగవళ్లి తన ఫేస్ బుక్‌లో షేర్ చేయగా.. వైరల్‌గా మారింది.

ఇక బాలయ్య సినిమాల విషయానికి వస్తే.. గోపీచంద్ మలినేని దర్శకత్వంలో మాస్‌ ఎంటర్‌టైనర్ వీరసింహా రెడ్డి (Veera Simha Reddy) రిలీజ్‌కి రెడీ అవుతోంది. ఈ సంక్రాంతి బరిలో ‘వీర సింహారెడ్డి’ బాక్సాఫీస్‌ని షేక్ చేయబోతున్నాడు. దీంతో పాటు.. అనిల్‌ రావిపూడి సినిమాను సైతం లైన్‌లో పెట్టాడు బాలయ్య. అటు సినిమాలు చేస్తూ.. ‘అన్ స్టాపబుల్’ అంటూ ‘ఆహా’లో అదరగొడుతున్నాడు బాలయ్య.

Related Articles

Back to top button