News

awareness on breast cancer, Apollo: ఆర్ట్ ద్వారా అవగాహన.. సరికొత్త కార్యక్రమానికి అపోలో శ్రీకారం – apollo cancer centers launches the art can program to create awareness on breast cancer


Authored by Ramprasad | Samayam Telugu | Updated: 31 Oct 2022, 6:10 pm

Apollo: రొమ్ము క్యాన్సర్‌పై అవగాహన పెంచటంతో పాటు.. స్వీయ రొమ్ము పరీక్షపై అవగాహన కల్పించేందుకు.. ఆర్ట్ క్యాన్ (ArtCan) అనే సరికొత్త కార్యక్రమాన్ని అపోలో క్యాన్సర్ సెంటర్లు ప్రారంభించాయి. హైదరాబాద్‌లోని జూబ్లీహిల్స్ అపోల్ క్యాన్సర్ సెంటర్‌లో.. ఈ కార్యక్రమాన్ని ప్రారంభించారు. రొమ్ము క్యాన్సర్ నిపుణులు.. క్యాన్సర్ భూతాన్ని జయించిన విజేతల సమక్షంలో ప్రముఖ కళాకారుడు పద్మశ్రీ కలాల్ లక్ష్మా గౌడ్ ఈ ప్రత్యేక కార్యక్రమాన్ని ప్రారంభించారు. అనంతరం.. రొమ్ము క్యాన్యర్‌ను జయించిన విజేతలు తమ అనుభవాలను పంచుకున్నారు.

 

Apollo: రొమ్ము క్యాన్సర్ (Breast cancer ) గురించి అవగాహన కల్పించేందుకు అపోలో ఆస్పత్రుల (Apollo Hospitals) యాజమాన్యం సరికొత్త కార్యక్రమానికి శ్రీకారం చుట్టింది. అపోలో క్యాన్సర్ సెంటర్ల (Apollo Cancer Centers) ఆధ్వర్యంలో ఆర్ట్ క్యాన్ (ArtCan) అనే కార్యక్రమాన్ని ప్రారంభించింది. హైదరాబాద్‌లోని జూబ్లీహిల్స్ అపోల్ క్యాన్సర్ సెంటర్‌లో ఈ మ్యూరల్ ఆర్ట్స్‌ (Mural arts) ని ఆవిష్కరించారు. రొమ్ము క్యాన్సర్ నిపుణులు.. క్యాన్సర్ భూతాన్ని జయించిన విజేతల సమక్షంలో ప్రముఖ కళాకారుడు పద్మశ్రీ కలాల్ లక్ష్మా గౌడ్ (Kalal Laxma Goud) ఈ ప్రత్యేక కార్యక్రమాన్ని ప్రారంభించారు. ప్రపంచంలోనే అత్యుత్తమ క్యాన్సర్ ఆస్పత్రుల్లో ఒకటిగా పేరొందిన అపోలో.. రొమ్ము క్యాన్సర్‌పై అవగాహన కల్పించేందుకు ఆర్ట్‌ను మాధ్యమంగా ఉపయోగించనుంది. ఇందుకోసం.. దేశంలోనే తొలిసారిగా మ్యూరల్ ఆర్టిస్టులతో పాటు క్యాన్సర్‌ భూతాన్ని జయించిన వారితో సంయుక్తంగా అవగాహన కార్యక్రమాలు నిర్వహించనుంది. పురాతన కేరళ మ్యూరల్ ఆర్ట్స్ ద్వారా.. “స్వీయ రొమ్ము పరీక్ష (Self Breast Examination) యొక్క 8 దశలు”.. రొమ్ము క్యాన్సర్‌ సమస్యపై అవగాహన కల్పించనున్నారు. ఇందులో ప్రతీ ఫ్రేమ్.. ఒక మహిళ సమయానికి సమస్యను కనుగొనటం వల్ల క్యాన్సర్‌ను ఎలా ఓడించిందన్న కథను ప్రతిబింబించనుంది. ఈ ఎనిమిది దశలను “చిత్ర సూత్రం” అనే పుస్తక రూపంలో చిత్రీకరించబడ్డాయి.

రోగులు మరియు ఆరోగ్య సిబ్బంది మధ్య కమ్యూనికేషన్‌ను ఆర్ట్ మరింత సులభతరం చేస్తుందని ప్రముఖ కళాకారుడు పద్మశ్రీ కలాల్ లక్ష్మా గౌడ్ వివరించారు. స్వీయ రొమ్ము పరీక్ష గురించి అవగాహన కల్పించడానికి అపోలో క్యాన్సర్ సెంటర్లు ఆర్ట్‌ను మాధ్యమంగా ఎంచుకోవటాన్ని లక్ష్మా గౌడ్ అభినందించారు. ఈ కార్యక్రమం విజయవంతమై.. దేశం నలుమూలల ఉన్న మహిళలకు చేరువవుతుందని.. రొమ్ము క్యాన్యర్‌పై విజయం సాధించటంలో ప్రముఖ పాత్ర పోషించనుందని ఆకాంక్షించారు. అలాంటి మహత్తర కార్యక్రమం ఆర్ట్ క్యాన్‌ను ప్రారంభించటం ఎంతో ఆనందంగా ఉందని లక్ష్మా గౌడ్ సంతోషం వ్యక్తం చేశారు.

2022లో ఇపపటివరకు 20 లక్షలకు పైగా రొమ్ము క్యాన్సర్ కేసులు నమోదయ్యాయని అపోలో సర్జికల్ అంకాలజీ కన్సల్టెంట్ డాక్టర్ టీపీఎస్ భండారి తెలిపారు. అపోలో క్యాన్సర్ సెంటర్లు అంకాలజీలోనే అగ్రగామిగా ఉన్నాయని.. అనేక సంక్లిష్ట క్యాన్సర్ కేసులకు చికిత్స చేసినట్టు వివరించారు. సరైన సమయంలో క్యాన్సర్‌ను కనుగొనటం.. పరీక్షలు చేయించుకోవటం.. లాంటివి ఒక జీవితాన్ని రక్షించటంలో గొప్ప మార్పును తీసుకొస్తుందని తెలిపారు. ఇప్పుడు ప్రారంభించిన ఆర్ట్ క్యాన్ కార్యక్రమం.. రొమ్ము క్యాన్సర్‌తో జాగ్రత్తగా ఉండాలనే సందేశాన్ని ప్రజలకు అందజేయటంతో పాటు ప్రారంభ దశలో పరీక్షించాల్సిన క్యాన్సర్ లక్షణాలను అర్థం చేసుకునేలా చేస్తుందని భండారి పేర్కొన్నారు.

  • Read More Telangana News and Telugu News

సమీప నగరాల వార్తలు

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Related Articles

Back to top button