News

aus vs wi 2nd t20 highlights, AUS vs WI: రెండో టీ20లోనూ వెస్టిండీస్‌కి పంచ్.. సిరీస్‌ని ఆస్ట్రేలియా స్వీప్ – australia clean sweep t20 series against west indies


టీ20 వరల్డ్‌కప్ 2022 ముంగిట ఆస్ట్రేలియా గడ్డపై వరుసగా రెండో టీ20లో కూడా వెస్టిండీస్ టీమ్ పేలవంగా ఓడిపోయింది. దాంతో రెండు టీ20ల సిరీస్‌‌ని 2-0తో కంగారూలు కైవసం చేసుకున్నారు. బ్రిస్బేన్ వేదికగా శుక్రవారం జరిగిన రెండో టీ20లో వెస్టిండీస్‌పై 31 పరుగుల తేడాతో ఆస్ట్రేలియా విజయం సాధించింది. ఈ నెల 16 నుంచి ఆస్ట్రేలియాలోనే టీ20 వరల్డ్‌కప్ 2022 టోర్నీ ప్రారంభంకానుండగా.. 17న వెస్టిండీస్ జట్టు తన ఫస్ట్ మ్యాచ్‌ని స్కాట్లాండ్‌తో ఆడనుంది.

ఈరోజు మ్యాచ్‌లో టాస్ గెలిచిన వెస్టిండీస్ టీమ్ ఫీల్డింగ్ ఎంచుకుంది. దాంతో కామెరూన్ గ్రీన్ (1)తో కలిసి ఆస్ట్రేలియా ఇన్నింగ్స్‌ని ప్రారంభించిన డేవిడ్ వార్నర్ (75: 41 బంతుల్లో 10×4, 3×6) మెరుపు హాఫ్ సెంచరీ బాదేశాడు. అయితే.. ఒక ఎండ్‌లో డేవిడ్ వార్నర్ దూకుడుగా ఆడుతున్నా.. కెప్టెన్ అరోన్ ఫించ్ (15), స్టీవ్‌స్మిత్ (17), గ్లెన్ మాక్స్‌వెల్ (1) విఫలమయ్యారు. కానీ.. టిమ్ డేవిడ్ (42: 20 బంతుల్లో 4×4, 3×6) చివర్లో భారీ సిక్సర్లు బాదడంతో ఆస్ట్రేలియా టీమ్ నిర్ణీత 20 ఓవర్లలో 7 వికెట్ల నష్టానికి 178 పరుగులు చేయగలిగింది. వెస్టిండీస్ బౌలర్లలో అల్జారీ జోసెఫ్ మూడు వికెట్లు పడగొట్టగా.. ఒబెడ్ మెకాయ్ రెండు, ఓడెన్ స్మిత్ ఒక వికెట్ పడగొట్టాడు.

179 పరుగుల లక్ష్యఛేదనలో దూకుడుగా ఆడబోయిన వెస్టిండీస్ బోల్తా కొట్టింది. ఓపెనర్లు కైల్ మేయర్స్ (6), ఛార్ల్స్ (29), బ్రాండన్ కింగ్ (23), నికోలస్ పూరన్ (2), జేసన్ హోల్డర్ (16), రోవ్‌మెన్ పొవెల్ (18) వరుస విరామాల్లో వికెట్లు చేజార్చుకున్నారు. అయితే.. చివర్లో అకేల హొసెన్ (25: 19 బంతుల్లో 3×4, 1×6) కాసేపు క్రీజులో నిలిచి ఆస్ట్రేలియా బౌలర్లని కంగారు పెట్టాడు. కానీ.. అతనికి లోయర్ ఆర్డర్ నుంచి సపోర్ట్ లభించలేదు. దాంతో వెస్టిండీస్ టీమ్ చివరికి 147/8కి పరిమితమైంది. ఆస్ట్రేలియా బౌలర్లలో మిచెల్ స్టార్క్ నాలుగు వికెట్లు పడగొట్టగా.. పాట్ కమిన్స్ రెండు, కామెరూన్ గ్రీన్, ఆడమ్ జంపా తలో వికెట్ తీశారు.

Related Articles

Back to top button