News

Athiya Shetty KL Rahul దంపతులకి కోహ్లీ ఖరీదైన గిప్ట్? సల్మాన్ ఖాన్ కూడా – cricketer virat kohli gifts rs 2.17 crore bmw car to athiya shetty-kl rahul?


బాలీవుడ్ హీరోయిన్ అతియా శెట్టి (Athiya Shetty), భారత క్రికెటర్ కేఎల్ రాహుల్ (KL Rahul) రెండు రోజుల క్రితం పెళ్లి చేసుకున్నారు. గత మూడేళ్లుగా డేటింగ్‌లో ఉన్న ఈ జంట ఇరువైపు పెద్దల్ని ఒప్పించి ఇటీవల ఒక్కటైంది. ముంబయి సమీపంలోని ఖండలాలో అతియా శెట్టి తండ్రి సునీల్ శెట్టికి చెందిన ఫామ్‌హౌస్‌లో వీరి పెళ్లి జరిగింది.

పరిమిత సంఖ్యలో అతిథులు, బంధువుల సమక్షంలో వీరి వివాహం జరిగింది. రిసెప్షన్ వివరాల్ని త్వరలోనే వెల్లడిస్తామని సునీల్ శెట్టి చెప్పుకొచ్చాడు. ఐపీఎల్ -2023 ముగిసిన తర్వాత రిసెప్షన్ ఉండే అవకాశం ఉందని వార్తలు వస్తున్నాయి. ఈ రిసెప్షన్‌కి సినీ, రాజకీయ, క్రీడా ప్రముఖులు హాజరయ్యే అవకాశం ఉంది.

కేఎల్ రాహుల్, అతియా శెట్టి దంపతులకి బాలీవుడ్ యాక్టర్స్, భారత క్రికెటర్ల నుంచి ఖరీదైన గిప్ట్స్ వచ్చాయట. టీమిండియా మాజీ కెప్టెన్‌ విరాట్ కోహ్లీ (Virat Kohli) రూ.2.17 కోట్లు విలువైన బీఎండబ్ల్యూ కారుని గిప్ట్‌గా ఇచ్చినట్లు తెలుస్తోంది. అలానే మాజీ కెప్టెన్ మహేంద్రసింగ్ ధోనీ ఓ ఖరీదైన బైక్‌ని గిప్ట్‌గా పంపించారట. అలానే భారత క్రికెటర్ల నుంచి కూడా కొన్ని గిప్ట్స్ వచ్చినట్లు కేఎల్ రాహుల్ సన్నిహితులు చెప్తున్నారు.

బాలీవుడ్ నుంచి హీరో సల్మాన్‌ ఖాన్‌ ఈ నూతన దంపతులకి రూ.1.64 కోట్లు విలువైన ఆడీ కారుని ఇచ్చారట. యంగ్ హీరోలు అర్జున్ కపూర్ డైమండ్ నెక్లస్, జాకీ ష్రాప్ రూ.30 లక్షల విలువైన వాచ్‌ని అతియా శెట్టికి గిప్ట్‌గా ఇచ్చినట్లు వార్తలు వస్తున్నాయి. అలానే బాలీవుడ్‌లోని సునీల్ శెట్టి ఫ్రెండ్స్, అతియా ఫ్రెండ్స్ కొన్ని ఖరీదైన గిప్ట్స్‌ని ఈ నూతన వధూవరులకి ఇచ్చినట్లు తెలుస్తోంది.

అతియా ఫ్యామిలీ నుంచి కేఎల్ రాహుల్- అతియా శెట్టికి సుమారు రూ.50 కోట్లు విలువ చేసే ప్లాట్ గిప్ట్‌గా వచ్చిందట. ముంబయిలో విలాసవంతమైన ఈ ప్లాట్‌ను సునీల్ శెట్టి, అతను కొడుకు అహాన్ శెట్టి ఆమెకి ఇచ్చినట్లు వార్తలు వస్తున్నాయి. రిసెప్షన్ టైమ్‌లో ఈ గిప్ట్స్ మరింతగా పెరిగే అవకాశం ఉంది.

Related Articles

Back to top button